Tweet
تقييم سيراتو الجديدة بعد مرور عام و 10 الاف كم
بسم الله الرحمن الرحيم
بفضل الله العربيه قاربت على إتمام ال 10 الاف كم بعد كيلومترات قليله
في الفتره دى إتاكدت من بعض النقاط اللى ذكرتها في تقريرى الأول والإنطباع المبدأى عنها والحمد لله مخيبتش ظنى فيها وربنا يبارك للجميع , بس اى حاجه في الدنيا ليها مميزاتها وعيوبها وفى التقرير دا هاحاول أركز أكتر على العيوب عشان مايبقاش كله مميزات مميزات :)
دا لينك التقرير الأول للى ماشفهوش قبل كدا
- الموتور ماعنديش كلام جديد أقوله من حيث الأداء لكن حابب أأكد ان العربيه ماتعتبرش من العربيات الموفره في إستهلاك البنزين يعنى استهلاكها عادى , أفضل رقم ممكن تعمله هو 10 كم في اللتر , انا سواقتى هاديه الى حد كبير مابعملش كيك داون كتير ولا باجرى بسرعات عاليه لفتره طويله , مجربتش اسافر بيها او امشى بيها مسافات طويله وعموما اكيد في السفر الإستهلاك هايكون أفضل
- الفتيس سلس في نقلاته ومريح الموتور لكن حصلت معايا مرتين او تلاته انى دوست كيك داون في وقت غلط تقريبا فالفتيس نتش , بصراحه ماكنتش مركز انا كنت ماشى على سرعة كام او على اى نقله , اللى عنده خبره في الموضوع دا ياريت يفيدنا , وعموما هي ماحصلتش معايا غير مرتين تقريبا او تلاته في خلال الفتره دى كلها , وفى الوضع الطبيعى مابيحصلش اى نتش بين اى نقله والتانيه سواء كنت حارق من اول نقله او دايس بالراحه
- العفشه زى ماقلت قبل كدا من أكبر المفاجأت في الموديل دا , وبخصوص الارتفاع عن الأرض فانا بصراحه كنت قلقان منه وحاسس ان مسيرها هاتحك منى لكن الحمد لله في ظروف مختلفه محكتش منى ولا مره
- بالنسبه للثبات اعلى سرعه وصلتلها كان 160 ودا ماحصلش كتير وماكنتش قلقان خالص ومتحكم في العربيه تماما , بس للأمانه في أيام بيبقى الهوا شديد جدا مابتقدرش توصل للسرعه دى ولتوضيح قوة الهوا فهو بيأثر في عربيات تانيه من فئة أعلى زى الأكورد
- العزل والفرامل , ممتازين مفيش جديد , والتكييف لحد دلوقتى كويس جدا درجة الحراره هنا بقت بتعدى ال 40 واحنا لسه في شهر 4 ربنا يستر :)
من فتره عملت الصيانه وهى عباره عن تغيير زيت وفلتر فقط وكانت مجانيه , الصيانه القادمه ان شاء الله عند 15 الف كم وفيها أيضا تغيير زيت وفلتر بالإضافه إلى فلتر الهوا والتكييف
نيجى للأهم من دا كله العربيه ظهر فيها عيبين واحد بسيط والتانى غير معتاد ومابيحصلش كتير ويعتبر عيب صناعه والحمد لله المشكلتين عدوا على خير
المشكله الأولى كانت ان الازاز الخلفى يمين مش شغال ولا من الباب نفسه ولا من وحدة تحكم السائق , وبزيارة التوكيل تم الكشف على المشكله وتغيير مكنة الازاز في الضمان مجانا
المشكله التانيه كانت غريبه ومفاجأه , كانت باحس برعشه خفيفه جدا في الطاره مع الفرامل على السرعات فوق ال 60 , بس ماكانتش مأثره على قوة الفرامل في حاجه , طبعا أول حاجه جت في دماغى دى أعراض طنابير ! بس قولت مستحيل , وبزيارة التوكيل تم الكشف على المشكله وفعلا تم تغيير الطنابير الأماميه والتيل الأمامى مجانا في الضمان !
طبعا دا 99 % عيب صناعه فردى لان حتى لو كان السبب هو غسيل الطنابير بالمياه وهى سخنه فصعب تبوظ على الكيلومتر القليل دا وانا أصلا باخد بالى من الحكايه دى , طيب هل التيل اللى كان فيه عيب وبوظ الطنابير ولا العكس الله اعلم ومش هاتفرق كتير
عموما الحمد لله بعد التغيير المشكله إختفت تماما , في الأول بس التيل الجديد كان بيصفر صفاره خفيفه جدا و إختفت بعدها بكام يوم
في النهايه أحب أنصح الجميع الضمان ثم الضمان ثم الضمان , حاجه زى دى لو مش في الضمان معرفش كانت هاتتكلف كام , وهى طبعا حاجه غريبه لان عربيتى السيراتو 2010 بايعها عامله 28 الف كم وماغيرتش تيل فرامل حتى وكانت زى الفل , فحاجه زى دى طبعا غريبه وغير متوقعه اى نعم عيوب الصناعه وارده وخصوصا ان عربيتى من أوائل الإنتاج في شهر 12 سنة 2012 واحيانا الحاجات دى بتحصل فى اول دفعات بس اتفاجأت طبعا , عموما الحمد لله انها ماجتش فى حاجه كبيره وأحب أضيف إن المشكله دى ماضايقتنيش من العربيه ولا هزت ثقتى فيها بالعكس دا وارد يحصل في اى ماركه وبالفعل في عربيات كتير من ماركات أخرى حصل فيها مشكلات مختلفه والحمد لله انها بتبقى عيوب فرديه بسيطه وبتعدى على خير
سيراتو عربيه ممتازه وتستحق الإقتناء وغير نادم عليها بالمره
تحياتى للجميع واى استفسار تحت أمركم
بفضل الله العربيه قاربت على إتمام ال 10 الاف كم بعد كيلومترات قليله
في الفتره دى إتاكدت من بعض النقاط اللى ذكرتها في تقريرى الأول والإنطباع المبدأى عنها والحمد لله مخيبتش ظنى فيها وربنا يبارك للجميع , بس اى حاجه في الدنيا ليها مميزاتها وعيوبها وفى التقرير دا هاحاول أركز أكتر على العيوب عشان مايبقاش كله مميزات مميزات :)
دا لينك التقرير الأول للى ماشفهوش قبل كدا
- الموتور ماعنديش كلام جديد أقوله من حيث الأداء لكن حابب أأكد ان العربيه ماتعتبرش من العربيات الموفره في إستهلاك البنزين يعنى استهلاكها عادى , أفضل رقم ممكن تعمله هو 10 كم في اللتر , انا سواقتى هاديه الى حد كبير مابعملش كيك داون كتير ولا باجرى بسرعات عاليه لفتره طويله , مجربتش اسافر بيها او امشى بيها مسافات طويله وعموما اكيد في السفر الإستهلاك هايكون أفضل
- الفتيس سلس في نقلاته ومريح الموتور لكن حصلت معايا مرتين او تلاته انى دوست كيك داون في وقت غلط تقريبا فالفتيس نتش , بصراحه ماكنتش مركز انا كنت ماشى على سرعة كام او على اى نقله , اللى عنده خبره في الموضوع دا ياريت يفيدنا , وعموما هي ماحصلتش معايا غير مرتين تقريبا او تلاته في خلال الفتره دى كلها , وفى الوضع الطبيعى مابيحصلش اى نتش بين اى نقله والتانيه سواء كنت حارق من اول نقله او دايس بالراحه
- العفشه زى ماقلت قبل كدا من أكبر المفاجأت في الموديل دا , وبخصوص الارتفاع عن الأرض فانا بصراحه كنت قلقان منه وحاسس ان مسيرها هاتحك منى لكن الحمد لله في ظروف مختلفه محكتش منى ولا مره
- بالنسبه للثبات اعلى سرعه وصلتلها كان 160 ودا ماحصلش كتير وماكنتش قلقان خالص ومتحكم في العربيه تماما , بس للأمانه في أيام بيبقى الهوا شديد جدا مابتقدرش توصل للسرعه دى ولتوضيح قوة الهوا فهو بيأثر في عربيات تانيه من فئة أعلى زى الأكورد
- العزل والفرامل , ممتازين مفيش جديد , والتكييف لحد دلوقتى كويس جدا درجة الحراره هنا بقت بتعدى ال 40 واحنا لسه في شهر 4 ربنا يستر :)
من فتره عملت الصيانه وهى عباره عن تغيير زيت وفلتر فقط وكانت مجانيه , الصيانه القادمه ان شاء الله عند 15 الف كم وفيها أيضا تغيير زيت وفلتر بالإضافه إلى فلتر الهوا والتكييف
نيجى للأهم من دا كله العربيه ظهر فيها عيبين واحد بسيط والتانى غير معتاد ومابيحصلش كتير ويعتبر عيب صناعه والحمد لله المشكلتين عدوا على خير
المشكله الأولى كانت ان الازاز الخلفى يمين مش شغال ولا من الباب نفسه ولا من وحدة تحكم السائق , وبزيارة التوكيل تم الكشف على المشكله وتغيير مكنة الازاز في الضمان مجانا
المشكله التانيه كانت غريبه ومفاجأه , كانت باحس برعشه خفيفه جدا في الطاره مع الفرامل على السرعات فوق ال 60 , بس ماكانتش مأثره على قوة الفرامل في حاجه , طبعا أول حاجه جت في دماغى دى أعراض طنابير ! بس قولت مستحيل , وبزيارة التوكيل تم الكشف على المشكله وفعلا تم تغيير الطنابير الأماميه والتيل الأمامى مجانا في الضمان !
طبعا دا 99 % عيب صناعه فردى لان حتى لو كان السبب هو غسيل الطنابير بالمياه وهى سخنه فصعب تبوظ على الكيلومتر القليل دا وانا أصلا باخد بالى من الحكايه دى , طيب هل التيل اللى كان فيه عيب وبوظ الطنابير ولا العكس الله اعلم ومش هاتفرق كتير
عموما الحمد لله بعد التغيير المشكله إختفت تماما , في الأول بس التيل الجديد كان بيصفر صفاره خفيفه جدا و إختفت بعدها بكام يوم
في النهايه أحب أنصح الجميع الضمان ثم الضمان ثم الضمان , حاجه زى دى لو مش في الضمان معرفش كانت هاتتكلف كام , وهى طبعا حاجه غريبه لان عربيتى السيراتو 2010 بايعها عامله 28 الف كم وماغيرتش تيل فرامل حتى وكانت زى الفل , فحاجه زى دى طبعا غريبه وغير متوقعه اى نعم عيوب الصناعه وارده وخصوصا ان عربيتى من أوائل الإنتاج في شهر 12 سنة 2012 واحيانا الحاجات دى بتحصل فى اول دفعات بس اتفاجأت طبعا , عموما الحمد لله انها ماجتش فى حاجه كبيره وأحب أضيف إن المشكله دى ماضايقتنيش من العربيه ولا هزت ثقتى فيها بالعكس دا وارد يحصل في اى ماركه وبالفعل في عربيات كتير من ماركات أخرى حصل فيها مشكلات مختلفه والحمد لله انها بتبقى عيوب فرديه بسيطه وبتعدى على خير
سيراتو عربيه ممتازه وتستحق الإقتناء وغير نادم عليها بالمره
تحياتى للجميع واى استفسار تحت أمركم
Comment