باركوا لأحدث سيراتاوى فى المنتدى !!!

[princemady]

هتتبسط اوى بجد من العربية دى يا مادى
فعلا اختيار موفق و والله مش بقول كدة عشان عربيتي انا لو كنت اضايقت منها والله فى حاجة كنت هقولك سيبك منها
بس بجد هتعجبك اوى


الله يباركلك يا نهى فى عربيتك ويحفظك لأسرتك .. وعايز أقولك إن المنتدى ليه فضل كبير إنى أختار العربية دى لأنى اخترتها بناء على رأى كل واحد كتب عن حالة عربيته .. فى الأول كانت الخيارات قدامى كتيرة ومتعددة وشوية بشوية بدأت الاختيارات تقل لغاية ما استقريت على السيراتو نظراً لأن فيها جميع متطلباتى فى العربية اللى حاشتريها
طبعاً أشكرك شكر خاص لأن مشاركاتك فى تقرير حالة العربية كانت أحد العوامل اللى خلتنى أقرر أشتريها .. كمان أشكر أستاذ أحمد سو على موضوعاته القيمة جداً وأسلوب عرضه اللى حببنى فى السيراتو .
وأعترف إن جميع المشتركين فى المنتدى كانوا أمناء فى نقل الوضع مع سياراتهم لباقى الأعضاء .

[Nour_Peugeot]

مبرووك يا باشا علي العربية و لما تنزل مصر عيز لفة هههههههههههه

[ethan82]

مبروك ياباشا وربنا يكفيك شرها بس نصيحه علشان انا كمان معاية سيراتو مانيوال ولونها اسود بارضو . حاول تغير اللون لأن بيبان فيه البهدله جدا بس طبعا لون شيك جدا بس هيتعبك في العناية بيها وموضوع المانيوال ده بجد تمام لأن ممتع جدا.


الف مبروك

[Abohmaid]

الف مليون مبروك وتستلمها على خير ان شاء الله وربنا يباركلك فيها

[princemady]

مبرووك يا باشا علي العربية و لما تنزل مصر عيز لفة هههههههههههه

يا فندم اعتبرها عربيتك
بس إيه رأيك تيجى انت اسكندرية .. الجو اليومين دول تحفة

[princemady]

مبروك ياباشا وربنا يكفيك شرها بس نصيحه علشان انا كمان معاية سيراتو مانيوال ولونها اسود بارضو . حاول تغير اللون لأن بيبان فيه البهدله جدا بس طبعا لون شيك جدا بس هيتعبك في العناية بيها وموضوع المانيوال ده بجد تمام لأن ممتع جدا.


الف مبروك

الله يبارك فيك إيثان باشا وبالنسبة لموضوع اللون للأسف مفيش غير الإسود والأحمر وطبعاً الأحمر صعب خالص فكده أنا ماقداميش اختيار تانى يا إما بأه أستنى موديل 2009 ويا عالم سعرها حايعلى كام

[hanystar]

ألف مبروك على العربية يا باشا
ربنا يديلك خيرها ويكفيك شرها
وكل يوم أصحاب السيراتو فى المنتدى بيزيدوا واحد
وعن تجربة فى عربيتى السيراتو(سوداء برضه) فإختيارك موفق جدا
أما بالنسبة للون الأسود فهو شيك جدا بس قرفه فى نضافته

[abouelmaggd]

الف مبروك يا جميل و ربنا يكفيك شرها
العربية دى بجد انا معجب بيها جدا من 2005 من ساعة ما نزلت و قبل حتى الوكيل الجديد.

[foxmanayman]

الف مليووووووووووووووون مبروك

[ahmad7610]

مبروووك يا باشا
ربنا يملاها لك بركة و يحميهالك
و يعطيك خيرها و يكفيك شرها

[hanyelsawaff]

بارك الله لك فى اختيارك و الله يعطيك خيرها وخير ما جلبت له ويكفيك شرها وشر ما جلبت له

[blob]

استنى موديلات 2009 خلاص نازله خلال يومين 16 :10
هاتبقى بنفس السعر وانا متاكد من المعلومه دى لانى مستنيها عشان هاجيبها

[princemady]

استنى موديلات 2009 خلاص نازله خلال يومين 16 :10
هاتبقى بنفس السعر وانا متاكد من المعلومه دى لانى مستنيها عشان هاجيبها

أشكرك يا باشا على مشاركتك واهتمامك بالنصيحة بس المعلومة اللى عندى ومن مركز بيع كيا فرع جليم إن اللى حاتنزل خلال الأسبوع ده هى الأوتوماتيك إنما المانيوال مش حاتنزل قبل بداية السنة لأن حسب كلام الناس هناك إنتاج المانيوال كله حاينزل العراق الأول .

وبعدين أنا واخد خصم كويس جداً يعنى حتى لو ال2009 نزلت بنفس السعر القديم وبما إنها نفس الشكل والكماليات بدون أى تغيير يبقى أنا كسبان حوالى 2000 جنيه

[princemady]

الحمد لله يا جماعة أنا استلمت العربية امبارح بعد سلسلة من المشاكل الورقية اللى بحمد الله إتحلت كلها بس الموضوع أخد شوية وقت

وبجد الناس فى مركز مبيعات فرع جليم كانوا متعاونين لأقصى درجة وعلى أعلى درجات الصراحة والصدق والشفافية لأن الموضوع إتعرض كذا مرة للفشل بس هما قدروا ولله الحمد يحلوا أى مشاكل قابلتنا

حبيت أشكرهم شكر خاص على صفحات منتدانا العزيز .. كمان حبيت أشكر كل أعضاء المنتدى على الروح الجميلة والصادقة فى التعبير عن آرائهم تجاه عربياتهم أو العربيات اللى ساقوها واللى كان ليه فضل كبير إنى أقدر اختار وكمان أشكركم على المشاعر الجميلة والصدقة فى التعبير عن فرحتكم لأفراح الباقيين

[gamal2009]

مبروك يا أخى وربنا يباركلك فيها ويكفيك شرها أنا كمان نفسى أشترى سيراتو منوال بالقسط