اول مشاركه رسميه بعد ترخيص السيراتو ...يا رب تكون مفيده

[2014_a7mad]

الحمد لله اخيرا رخصت العربيه سيراتو خليجي 2014 ودي اول مشاركه بعد الترخيص و حبيت اشارك معاكم بكام حاجه كده:
اولا...يا ريت نعمل جروب عالفيس بوك لكل مالكي النيو سيراتو علشان التواصل يكون اسهل زي عربيات تانيه كتير
ثانيا...انا ركبت صواميل لوك (lock) للجنوط و دي مابتتفكش غير بمفتاح او راس تركب عليها مخصوص و دي للحمايه من السرقه و حبيت اقول للناس عليها علشان اللي مش عارف
ثالثا...موضوع التكييف ده انا احترت فيه بصراحه. اشغله ولا لاء؟ في ناس بتقول لاء الا بعد فتره التليين وده مكتوب في الكتيب و ناس بتقول ممكن نشغله عادي و سألوا مهندس في التوكيل و قال كده...انا شخصيا قرأت الكتيب كويس و مفيهوش حاجه اسمها ماتشغلش التكييف ده غير ان العربيه خليجي يعني محدش يقدر يسوقها و لو 10 كيلو بدون تكييف مش تقولولي 1000 كيلو...ايه رأيكم دام فضلكم؟

[Hosam_Optrawy]

الف مبروك ربنا يباركلك فيها

شغل التكييف عادى بس ماتقرصش على العربيه اول الف كم وبعد ماتعمل صيانة الألف عيش حياتك ومبروك مره تانيه

[Abraam95]

الف مبروك على العربيه :) شغل التكييف عادى انا شغلته عادى جدا من اول يوم و سالت اكتر من مهندس فى الموضوع ده ما تقلقش

[محمد بدر]

ألف مليون مبرووك
شغل تكييفك وأمشي بعربيتك عادي ميهمكش العربيات بتخرج من المصنع متلينه وكله تمام.

[MR . Gold]

ياباشا الف مليون مبروك عليك وربنا يرزقك خيرها ويكفيك شرها ... بس قولنا علي موضوع صواميل اللوك دي تركب ازاي وهل للجنط الاسبور ولا العادي وياريت صور ليها ومنين واكون شاكر افضالك

[2014_a7mad]

الف شكر يا جماعه و ربنا يبارك فيكم
بالنسبه للصواميل اللوك هى عباره عن طقم من اربع صواميل + مفتاح, الصواميل ليها تعريجه (زي التروس) بتركب عليها المفتاح بتاعها (عباره عن راس ليها نفس التعريجه) فبترجع شكلها زي الصواميل العاديه و تقدر تركبها او تفكها بالمفتاح الصليبه العادي (بعد ما تركب الراس دي) عشان كده لازم تحافظ على الراس دي (المفتاح بتاع الصواميل) في العربيه عشان لو حابب تفك الصواميل في اي وقت و الا مش حتعرف تفكهم,
انت بتركب صاموله واحده في كل جنط و اعتقد بتركب على اي جنط سبور او عادي و ليها مقاسات على حسب العربيه و ممكن تلاقيهم عند اي حد بتاع اكسسوارات انا شخصيا جبتهم من شارع دمشق (مصر الجديده)
ان شاء الله احاول اصورهم و انشر الصور هنا
وربنا يكفينا و يكفيكوا شر الحراميه و يبعدهم عننا ان شاء الله

[regata86]

يا ريت تقولنا مصاريف الترخيص كام و هل فى شهر عقارى و لا لا و ايه اللى استلمتوا مع العربيه و اى معرض اتعاملت معاه و اسف على الاطاله

[ahmedz310]

الف مبروك وربنا يديك خيرها و يكفيك شرها

[shiko85]

مبروك العربيه و ربنا يديلك خيرها و يكفيك شرها
بقالى فتره عايز اشترى طقم اللوك بس المشكله ان فيه انواع كتير بس للأسف فيه انواع مضروبه
اعتقد ان الطقم بيعمل 250 جنيه صح ؟؟
لو امكن تصور الطقم و العلبه اللى كان فيها و السعر اكون شاكر لحضرتك جدا
و كنت عايز اعرف هل فكيت صاموله من العربيه علشان المقاس ولا المقاسات محدده و مكتوبه للعربيات ؟؟

[2014_a7mad]

يا ريت تقولنا مصاريف الترخيص كام و هل فى شهر عقارى و لا لا و ايه اللى استلمتوا مع العربيه و اى معرض اتعاملت معاه و اسف على الاطاله

شهر عقاري؟ ليه؟ اول مره اسمع الموضوع ده مع العربيات الجديده
انا اتعاملت مع معرض اليسر و مفيش اي حاجه زياده استلمتها مع العربيه غير الاساسيات زي طفايه الحريق و المثلث و العده, في معارض تانيه بتدي غطا للعربيه و دواسات هديه و في معارض من غير طفايه الحريق (لو مش سعودي او كويتي) وسمعت ان المرور ما بيعترفش بيها و لازم تشتري واحده من عندهم و عشان كده اخدت طفايتي القديمه معايا بعد ما بعت عربيتي القديمه
اما مصاريف الترخيص فعلى ما افتكر: 20 ورق + 50 شنطه اسعاف + 150 طفايه حريق (تقريبا) + 200 تأمين (تقريبا) + 650 ترخيص سنتين + 80 شاسيه للنمر (ممكن تطنشه) + نثريات (تفتيح دماغ مع المهندس و الموظفين و العامل اللي بيركبلك النمر) ودي على حسب

[2014_a7mad]

مبروك العربيه و ربنا يديلك خيرها و يكفيك شرها
بقالى فتره عايز اشترى طقم اللوك بس المشكله ان فيه انواع كتير بس للأسف فيه انواع مضروبه
اعتقد ان الطقم بيعمل 250 جنيه صح ؟؟
لو امكن تصور الطقم و العلبه اللى كان فيها و السعر اكون شاكر لحضرتك جدا
و كنت عايز اعرف هل فكيت صاموله من العربيه علشان المقاس ولا المقاسات محدده و مكتوبه للعربيات ؟؟

مش عارف ايه حكايه المضروب ده لأنها مجرد صواميل بس راسها شكلها مختلف و خلاص فمفيش مجال للضرب على ما اعتقد و معظم اللي في السوق نوعين او تلاته بالكتير و يفضل تفك صاموله من عندك و تجرب عند المحل و يستحسن تركبهم كلهم هناك و خلاص
اما الاسعار فمن 60 ل 80
مش عارف انت سمعت 250 دي فين؟

[2014_a7mad]

و يا ريت يا جماعه اللي يسمع عن حاجه جديده من اكسسوار او وسائل امان ينشرها عشان الناس تستفيد

[shiko85]

مش عارف ايه حكايه المضروب ده لأنها مجرد صواميل بس راسها شكلها مختلف و خلاص فمفيش مجال للضرب على ما اعتقد و معظم اللي في السوق نوعين او تلاته بالكتير و يفضل تفك صاموله من عندك و تجرب عند المحل و يستحسن تركبهم كلهم هناك و خلاص
اما الاسعار فمن 60 ل 80
مش عارف انت سمعت 250 دي فين؟

ما هى دى النواع اللى بتكلم عليها
كتير منها مع الفك و الربط الصاموله او اللقمه بتبوظ
الــ 250 كان طقم المانى تقريبا بس محترم جدا
النوع اللى بعده نوع تايوانى بـ 175 لـ 200 جنيه
انت اشتريت اللى طقم زى اللى فالصوره ؟

[2014_a7mad]

ما هى دى النواع اللى بتكلم عليها
كتير منها مع الفك و الربط الصاموله او اللقمه بتبوظ
الــ 250 كان طقم المانى تقريبا بس محترم جدا
النوع اللى بعده نوع تايوانى بـ 175 لـ 200 جنيه
انت اشتريت اللى طقم زى اللى فالصوره ؟

لا اشتريت زي اللي في الصوره دي تقريبا

[shiko85]

لا اشتريت زي اللي في الصوره دي تقريبا

دى نفس الشكل بتاع الطقم الألمانى بالظبط
معاه لقمه واحده ولا 2 ؟؟