السبورتاج هل لازم اغير الفانوس

[dem0]

السلام عليكم ورحمة الله وبركاته

فى خبطة عندي فى الفانوس اللى ورا شمال

جزء من الباغه بتاعت الفانوس انكسر لكن الفانوس الحمدلله سليم مفيهوش حاجه

هل لازم اغير الفانوس كامل ولا اقدر الاقى باغه الفانوس لوحدها

ولو موجوده موجوده فين وبكام ؟!

سبورتاج 2013

شكراً

[casper348]

انا مش خبره فى الموضوع ده بس فيه ناس بتصب الباغه ديه وتعملك واحده زيها بالظبط .. بس ممكن تطلع الباغه فاتحه شويه بالمقارنة للفانوس الجمبه ساعتها ممكن تلزق عليهم ستيكر نفس اللون شفاف عشان ميبقاش فيه اختلاف

[Ahmed.Essam]

ممكن بردو تجيب فانوس مش اصلي صيني مثلا وتاخد منه الباغة بس

[محمد بدر]

لأ طبعا السبورتاج مينفعش نتعامل معاها كده.
طبعا لازم فانوس جديد وربنا يعوض عليك.
الفانوس موجود منه صيني في شارع دمشق.
وممكن إستيراد من الحرفيين.
بس والله أنا نسيت الأسعار.

[eslamsubaru]

لأ طبعا السبورتاج مينفعش نتعامل معاها كده.
طبعا لازم فانوس جديد وربنا يعوض عليك.
الفانوس موجود منه صيني في شارع دمشق.
وممكن إستيراد من الحرفيين.
بس والله أنا نسيت الأسعار.

!!!!!! ليه مينفعش ؟؟ ... ناس اعرفها عاملة مرسيدس و بى ام عند ناس محترفة و بيطلع زى الأصلى تمام .
فيه ناس بتصب وش الفانوس و بطلعه زى الأصلى تماما و لا تعرف تفرقه عن الأصلى ...
لصاحب الموضوع : فيه واحد اسمه باسم طه كان عامل اعلان هنا على نايل موتورز , هو من المنصورة : متخصص فى فوانيس العربيات فقط : بيعمل أى حاجة انت عايزها و بيطلعهالك 100%
ده موقعه على الفيس بوك ادخل و شوف شغله .

https://www.facebook.com/ModifiedCarLights

حرام يعنى يبقى الفانوس الشاسيه بتاعه سليم و كل حاجة فيه سليمة و يترمى علشان حاجة هايفة متتكلفش 200 جنيه .. و يروح يدفعله 1000 جنيه فى واحد جديد و القديم شغال 100%.. و يروح يجيب واحد صينى علشان يعطل منه بعد 3-4 شهور و يعد يصلح فيه !!!!!!!!

[dem0]

شكرا ليكم يا جماعه لكن هنوديها نغير الفانوس كامل والفيبر بالدالية بتاعت العجلة هتصرف يجي 2500 او 3000

[S O P H O S]

لو الباغة فقط اعتقد دور عليها احسن
واوفر