انا الحمد الله ربنا كرمنى وناوى اجيب كيا كارينز ٢٠١٤ اول فئة فى الاتوماتيك مع انى بعشق المانيوال بس الزن امر من السحر محدش مآيدنى فى موضوع المانيوال وكلة بيشكر فى الاتوماتيك خاصة فى ظل الزحمة الشديدة الى بقت فيها البلد ... من غير مطول عليكم قمت خدت بعضى و روحت توكيل كيا فى ابو رواش eti وبصيت عليها مع انى حابب الشكل القديم بس لاقيت فيها مميزاات حلوة كتير وطبعا غيروا العيوب الى موجودة فالشكل القديم طبعا نزلوا بالسقف شوية عشان متقاومش الهوا ودة بيزود فاستهلاك البنزين ثانيا ماتور الشكل القديم ماتور السيراتوا الشكل الجديد ماتور الاسبورتاج يعنى ١٣٥ باور هورس ... ثالثا فيها كنبة ثالثة ... ودة الى شجعنى ليها وهتتناسب فعلا مع الاسرة بدل مكنا بنركب ٦ فالانوس وبصراحة كانت مستحملة واصيلة جدا ..ومع انى مش معايا مبلغها كلة وممكن ابيع الانوس عشان احل ازمة بس فكرة بيعها مش عايزة تخش دماغى وقررت احتفظ بيها واقسط واستلف من هنا وهنا دى عشرة عمر برضة
.. انا عارف انى طولت عليكم بس المهم روحت دفعت مقدم حجز ومحتار فلون مناسب لبها مش عايز اكون مكوى فى تمنها وكمان اجيب لون كل مركبها اندم انى جبتة انا شوفتها فالسيلفر والفيرانى مدخلوش دماغى اية اللون الى ينطق عليها ؟؟؟ ومن ناحية تانية هل مبلغ ال ١٧٦ الف حلال فيها ولا خسارة ؟؟
.. انا عارف انى طولت عليكم بس المهم روحت دفعت مقدم حجز ومحتار فلون مناسب لبها مش عايز اكون مكوى فى تمنها وكمان اجيب لون كل مركبها اندم انى جبتة انا شوفتها فالسيلفر والفيرانى مدخلوش دماغى اية اللون الى ينطق عليها ؟؟؟ ومن ناحية تانية هل مبلغ ال ١٧٦ الف حلال فيها ولا خسارة ؟؟





بس تعمل اية بقا لاقيت كلة بيقلى طور من نفسك واركب اتوماتيك وارحم نفسك
.... انا اصلا مستغلى تمنها اوى ومضطر اجيبها عشان احنا عيلة وربنا رزقنى بطفلة واحنا اصلا ٦ يعنى بقينا ٧ .كتر خير الانوس بصراحة.. كنت عايز استنى الشكل الجديد بس اكيد هيلقى اغلى يا فنفس الرينج .... وكمان انا اقعدت اقارن بينها وبين الفئة الى بعدها الى ب ١٩٠ الف لاقيت الفرق فى الفامية ومثبت السرعة وحساس الركن والجنوط الاسبور والليلد الى فى الفوانيس والاشارات الى فلمراية ... يعنى ١٤ الف فرق فى حاجات مش الى تستاهل بالنسبالى .... بالنسبة للفامية هى ١٠٠ جنية فايد مهندس الفحص وتتكتب فامية فى الرخصة .... مثبت السرعة ولا لية استخدام فى بلادنا الحبيبة ... الجنوط ممكن اغيرها مع الوقت ... وبفكر وانا بشترى ابدلها باسبور وادفع للوكيل الفرق ... حساسات الركن للمبتدأين انا الحمد الله بسوق من وانا فى ثانوى ... الاشارات فى المرايا مش قد كدة فنظرى ما كداكدا فيه اشارات فى الرفرف .... الليد ممكن اشترية من برة واركبة .... وكل دة مش هيعمل الى ١٤ الف دول
Comment