استفسار عن تركيب مفتاح ريموت / إنذار للكيا سيراتو 2014

[say135]

كيا سيراتو اول فئه اتوماتيك كما تعلمون ليس لها مفتاح ريموت ، ووفقا للتوكيل لايمكن تركيب المفتاح لهذه الفئه ( لااعرف لماذا) . الحل لديهم هو تركيب جهاز انذار للسيارة لاستخدامة لفتح الابواب مع استخدام المفتاح الاصلي لإدارة المحرك . السؤال : هل يمكن تركيب الانذار بالتوكيل مع شراء مفتاح العربية key fob عليه علامة كيا و يوجد به ( مفتاح طي) وهو موجود 52 دولار على e-bay ثم القيام بنقل شفره المفتاح الاصلي + توليف الريموت لكي يحل محل ريموت الانذار ؟ واذا كان هذا ممكنا فأي مكان يمكنه القيام بهذا ؟ وما نوع الانذار الذي يقبل ان يتم توليفه على ريموت آخر ؟ شكرا لأي معلومات حول الموضوع .. تحياتي للجميع

[say135]

ده لينك الريموت الخاص بسيارة كيا على موقع e-bay :
Keyless Entry Remote Control Folding Key Fob Kia Forte Cerato yd K3 2013 2014 | eBay

[OmarEzzat93]

غريبه لما كنت فى مركز خدمة الرواس فى العبور قالولى ممنوع يتركبلها جهاز انذار عشان ممنوع يتلعب فى الضفيره

[say135]

انا سألت في فرع روكسي وقالوا لي الحل تركيب جهاز انذار لفتح الأبواب بالريموت وتكلفة التركيب 600 جنية ..

[say135]

وعلى فكرة انا فعلا مش عاوز اركب جهاز انذار .. انا عاوز ريموت فتح وغلق الابواب لأن الايموبليزر اعتقد انه افضل من الانذار ..

[say135]

مازالت متابع وارجو ان اتلقى اي معلومات حول الموضوع المطروح ... شكراااااااااا

[الجنرال]

متابع .. للاسف مش هينفع غير تركيب انذار بريموت

في وجهة نظري ده افضل من الاستمرار فى استخدام المفتاح

اللى هحاول اعمله اني اسألهم عن التركيب فقط .. يعني انا اشتري الريموت وهما يركبوه فقط

في الحالة دي .. هدور على انذار فيه ريموت (سلاح) واروح اركبه فى التوكيل

وان كنت اعتقد ان ده صعب لكن خلينا نحاول

اخر ما هزهق .. هروح اركبه بره التوكيل وربنا يستر

انا بس عندي سؤال .. ايه قصة الكهرباء بتاعت السيراتو؟؟ وليه حسب ما سمعت (انها حساسة) وان ممكن يحصل فيها مشكلة لو حد لعب فيها؟؟

انا في حاجات كتيرة عايز اعملها فى العربية وكلها طبعا هتحتاج لعب فى الكهرباء بس خايف

[say135]

اعتقد ان ممكن تشتري الانذار اللي انت عاوزة وهما يركبوه .. دي مفهاش مشكلة .. وممكن كمان تقطع مفتاح ريموت الانذار وتنقل ليه الشفرة الخاصة بالريموت الاصلي علشان الايموبليزر .. ده حل مش بطال .. انا بس كنت بفكر ازود حاجة تانية وهي انك بعد ما تركب الانذار تستخدم ريموت السيارة الاصلي في التعامل معاه بدل من ريموت الانذار اللي شكله هيكون مختلف . ولو ده ممكن يحصل يبقى كده معاك المفتاح الاصلي + جهاز انذار . انا لقيت شركة بتعمل مفتاح كيا 2014 وكمان سعره 25 دولار فقط ، وسألت قالوا لي انه ممكن يتولف على اي جهاز انذار بس طبعا ده كلامهم والموضوع لازم يتجرب او حد عنده خبرة يفيدنا لاني شخصيا معنديش اي خبرة في الموضوع بس بحاول استكشفه .. لو وصلت لحاجة ارجو اطلاعنا عليها ... تحياتي

[الجنرال]

بص .. التوكيل بتاعنا ده عسل

تسمع كلام مختلف عن نفس الحاجة

في مرة كنت عندهم .. سألتهم عن امكانية تركيب دي في دي وكاميرا في التوكيل علشان الضمان (انا اشتريهم وهما يركبوهم)

المهندس الاول وافق ورحب بالموضوع وقالي اه عادي
التاني رفض تماما وقالي التوكيل مش بيقبل اي حاجة من بره التوكيل

عادي يعني

في رأيي ... انا ممكن اركبه بره التوكيل (اشتري الانذار والريموت جاهز) واركبهم في مصر عند اي حد هنا

[Ros]

انا كمان عايز الريموت الاصلى محدش لقى حل ؟؟؟

[الجنرال]

للاسف مدورتش على حل ... اكتفيت بالانذار

لو في حل ياريت حد يقولنا

[Maged93]

انا ركبت انذار ووحدات رفع برا التوكيل وعملي مشكله في الكمبيوتر والحمدلله رحت صلحتها ب اني اشتريت انذار وفيه وصلات بس الصراحه موضوع التركيب برا الضمان مش بنصح بييه خالص بعد اللي شفته الصراحه وفعلا فرق الكمبيوتر بتاعها كان بيعلق اوقات وانذارهم كويس جداا

[micro4e]

انا كمان عربيتي اوتوماتيك اول فئة وسألت عن موضوع تركيب الانذار مفتاح الريموت ... وفعلا كتير اوى بيحذرو من اللعب فى الضفيرة للعربية دي خصوصا... وانا مش عارف ليه !!!؟
بس سؤالى هل العربية فيها ايموبليزر فعلا ؟. اصل المفتاح مش باين عليه خالص ... وكمان مفيهوش اى زراير ولاحاجة ممكن تولد كود او يكون فيها اى تعريف لاي حاجة ....!!

[say135]

لا تقلق اول فئة فيها اموبليزر ،ولو بصيت على عداد السرعة لما تشغل العربية هتلاقي صورة لعربية بداخلها مفتاح ثم تختفي بعد ذلك ...

[say135]

بعد بحث طويل اعتقد ان افضل حل بدون مشاكل هو :
1- شراء مفتاح كيا الأصلي من على النت ...
2- الذهاب الى محل مفاتيح موثوق فيه وقص المفتاح ونقل الشفرة من مفتاح السيارة الى المفتاح الجديد. ( هناك جهاز يوضع فيه المفتاحين ويتم نقل الشفرة دون اي مساس بكنترول العربية او العبث به بأي صورة .
3- الآن لديك مفتاح السيارة جديد ومشفر ، الخطوة الثانية هي شراء جهاز انذار upgrade من خارج التوكيل والذهاب به الى التوكيل لتركيبة لديهم ( هذا الجهاز يباع اساسا بدون ريموت ويمكن تركيبه على مفتاح اي عربية ). والمعلومة الجديدة هناك التي عرفتها من ( المحل المشهور ده اللي امام وزارة الداخلية) ان الريموت لا يتم توليفة على جهاز الانذار كما كنت اعتقد ، ولكنه القصة انه يتم تركيبة على سلك محدد في الضفيرة لذلك هو يباع بدون ريموت اساسا ويمكن تشغيل الابواب من خلال ريموت اي سيارة.
4- ما سبق هو نتيجة بحثي في الموضوع ولم اقوم تركيبة بعد ، لذلك يرجى مراجعة الأمر والتأكد من كل خطوة. يعني الكلام السابق كله شفهي . ومنهم استفسار من التوكيل نفسه بالمقطم ولكن لم يكن لديهم معلومات كافية عن اسلوب نقل الشفرة ونصحني الا افعل اعتقادا منهم انه لكي يتم الامر لابد من برمجة كومبيوتر السيارة ....