شوية اسالة بخصوص السيراتو 2011

[MuhamedNabil]

السلام عليكم

قدامى سيراتو مستعملة 2011 كاملة فتحة سقف بدون بصمة ماشية 80000

محتاج اعرف شوية حجات عن السيراتو 2011

- هل فى مشاكل فى الفتيس الجديد 6 سرعات ؟ و هل 80000 جوة البلد يكونا اثروا عليه بالسلب ؟

- اعرف منين ان العربية فيها ايموبلايزر , علما ان العربية الحشوفها قريب 2011 هاىلاين بدون بصمة.
هل فى حاجة ققدر اعرف منها العربية فيها ايموبلايزر ولا لا ؟

- هل فى اى عيوب بصفة عامة فى الموديل 2011 ؟


تحياتى

[ahmedelrayan]

السلام عليكم
وعليكم السلام
قدامى سيراتو مستعملة 2011 كاملة فتحة سقف بدون بصمة ماشية 80000

محتاج اعرف شوية حجات عن السيراتو 2011

- هل فى مشاكل فى الفتيس الجديد 6 سرعات ؟ و هل 80000 جوة البلد يكونا اثروا عليه بالسلب ؟
لا مفيش مشاكل ولا اى حاجة وموضوع ال80000مش شرط اهم حاجة اكشف عليها كويس جدا جدا

- اعرف منين ان العربية فيها ايموبلايزر , علما ان العربية الحشوفها قريب 2011 هاىلاين بدون بصمة.
هل فى حاجة ققدر اعرف منها العربية فيها ايموبلايزر ولا لا ؟
وانتى بتفتح الكونتاكت دور على اللمض اللى بتنور فى التابلوه لو لاقيت لمة منورة عيها رسمة عربية ومفتاح يبقى فيها ايمبولايزر ولا ملقتش يبقى مفهاش
- هل فى اى عيوب بصفة عامة فى الموديل 2011 ؟
لا مفيش اى عيوب الفرق الوحيد بس بيكون فى الفتيس ال6سرعات

تحياتى

[ah-elgendy]

اعتقد ان 80 الف كيلو ع موديل 2011 كتير هى معروضه عليك ع كام ؟

[xil_fox_lix]

80 الف !!!
كتيييييييير جدا

[MuhamedNabil]

شكرا على كل الردود .

العربية اعلى فئة بدون بصمة و 2011 ماشية 80000 و المطلوب 100000 و ممكن تنزل شوية بس معتقدش توصل ل 95

[afrikano]

اعتقد ان سعرها كدة كويس مش غالية
مقارنه باسعار اليومين دول

بس اهم حاجة تكون فابريكة بالكامل .. واكشف عن العربية فى التوكيل
وبلاش تاخدها لو من تاجر .. لان التجار ولاد حرام بيلعبو فى العربية ويلصموها
لو من شخص معرفة او من واحد جايبها من الزيرو يبقى حلو وسعرها مش غالى ولا حاجة

ربنا يوفقك

[M.Al-Hefnawy]

حضرتك اكشف على العربية دي كويس جداً لأن السعر ده يشكك ... ليا واحد قريبي بايع 2011 الفئة اللي قبل الهاي لاين بـ 110. خد حد ثقة معاك وانت بتتفرج على العربية وبمعنى أصح لازم تفلي العربية دي حته حته

[عبدالله برعى]

السعر عالى واحد صاحبى عارض عربينة نفس المواصفات دى وماشية 80 الف كم ب 95 الف
بس راشة لو فى رغبة ممكن اوصلك ليه بس فى اسوان يعنى عربية حمالة اسية فى الحرارة وظروف الطريق