سيراتو2014

[amromdiab]

برجاء الإفادة من خيراء كيا سيراتو الجديدة K3
بفضل الله قمت بشراء سيراتو2014 من معرض اباظة فرع شارع الطيران
فئة SX

السؤال
ايه الحاجات اللي اعملها وانا بستلم من المعرض
يعني ازاي اعمل check up
واعمل check up علي ايه بالظبط ؟؟؟؟

ايه المحتويات الداخلية الملحقة مع العربية ؟؟؟؟

ايه الهدايا الطبيعية اللي المفروض اخدها من معرض اباظة ؟؟؟

برجاء الإفادة المفصلة
شكراً

[amromdiab]

برجاء الإفادة العاجلة من الزملاء
علشان أنا رايح بكرة المعرض

[OmarEzzat93]

طبعا معها كتالوج و تجرب التكييف و كل الانوار و تبص على كل حاجه فى العربيه بس

[amromdiab]

يا ريت اللي عنده فكرة افضل يا ريت يوضح
كمان ايه الهدايا
و ايه المعدات اللي بتكون مرفقة مع العربية ؟

[Ahmed redaa]

الهدايا بتبقى على حسب كل معرض يعنى ممكن يديك دواسات او غطاء او ميداليه او شماسه انت بتسال المعرض عن الهدايا - وممكن مايديش هديه - ايه المشكله - بس زى ماستاذ عمر قاللك ده اللى تشوفه وانت بتستلم وتشوف لو العربيه فيها خبطه او حكه والاستبن والكوريك والقاطره - والف مبروك مقدماً

[saint2011]

يا باشا ألف مبرووووووووك على العربية صفقة رابحة أن شاء الله أهم حاجة أستلم العربية بالنهار عشان تبقى كاشف العربية كويس متروحش لوحدك وأنت بتستلم ياريت تأخد معاك أثنين من أصدقائك ويكونوا بيفهموا فى العربيات عشان 6 عيون بتستلم غير زوج عيون بتستلم وشيل اللزق الأبيض من على العربية عشان ممكن يكون اللون مفارق مثلا او لا قدر الله خبطة مثلا او تريحة على الصاج دور الموتور وجرب الأنوار والتكييف وخللى أللى بيسلمك العربية يشرحلك كل حاجة وخد وقتك حضرتك دافع فلوس وبتشترى عربية مش تلاجة ولا تليفزيون ومبروك مرة ثانية