مساعدة فى شراء كيا ريو

[midostarmody]

انا إن شاء الله نويت على شراء كيا ريو المانيوال اول فئة لانى بأمانة بكره حاجة اسمها اتوماتيك
بس الى انا عاوز اعرفة من مالكى ريو الفئة الاولى هل الكاسيت فى السيارة مثل انهى واحده الصورة الاولى ولا الثانية



واجيب السيارة منين لانى سئلت مش لقيها وبصراحة مش عاوز اجيب اتوماتيك

[a7medalaa]

للاسف اول فئة مانيوال في الريو هتبقي متنفضة خالص لا فيها كماليات ولا فيها وسائل امان انا لو منك طالما عايز مانويال و هاتشبال هات السانديرو الشكل الجديد شيك جدا و فيها ABS و BAS و 2 Airbags و دريكسيون و فتيس جلد و تكيف اتوماتيك و مثبت سرعة و بارك سنسور و تمنها 97 وانت اولي بفرق السعر و ربنا يوفقك للاختيار اللي فيه الخير ليك

[IMG]

[ENG.MaRk]

السانديرو أفضل فعلا

[الجنرال]

هو المفروض ان الكاسيت يبقى الشكل التاني .. اللى هو Built in مع التابلوه

ده فى العربيات اللى تبع الوكيل .. وبعد العربيات الخليجي

في عربيات تانية اسمها خليجي لكنها بتبقى مستوردة من العراق او الاردن بتيجي اصلا من غير كاسيت وهما هنا فى مصر بيركبوا الكاسيت اللى فى الشكل الاول

العربية كانت معايا مانيوال .. فعلا مفيهاش اوبشنز كتيرة لكن كعربية وموتور وشكل (خصوصا لو الهاتشباك) فهي عربية تحفة بصراحة .. والمانيوال بتاعها ست سرعات وعزم الموتور قوي ما شاء الله .. لكن للاسف مفيش فيها اي اوبشنز خالص

في رأيي .. هي افضل من السانديرو (لو تغاضيت عن الاوبشنز)

[Ahmed.Essam]

اوعى تجيب ريو اول فئة هتبقى عربية مالهاش لازمة ولا طعم ولا ريحة ويوم ما تفكر تبيعها مش هتعررررررف ابدا الا بطلوع الروح وبعدين هتصرف عليها كتير عشان تحس انك راكب عربية وفي الاخر هتبقى راكب اول فئة مانيوال بردو .. هو ده عيب الريو القاتل بصراحة انا بفضل الهاي لاين او ( الفئة التانية بالكتير لو خليجي )
لو مصمم على المانيوال احسنلك فعلا زي ما الزملا قالوا وممكن كمان بروتون جين 2 او بيرسونا

[midostarmody]

شكرا لرد حضرتكم لكن انا عايز عربية محترمة والصراحة من خلال التعامل مع توكيل كيا هو محترم جدا وكمان السانديرو دى معلش هى فى وجهة نظرى مش عربية تتركب حتى لو فيها وسائل امان انا فاهم ان وسائل الامان تقلل من الاثر السلبى للحادث بس الى مقدر له ان يعيش حتى لو مفيش وسادات هيعيش انا مش عايز الاوبشنز ده كله يعنى كان سؤالى عن الكاسيت لان شكله جميل فى الصورة التانية لو هو بييجى كده عشان انا حجزت من معرض وهتيجى العربية من بره فلو الكاسيت كده هكون فرحان جدا وشكرا

[Ahmed.Essam]

خلاص مادام مقتنع يبقى انت تمام مفيش مشاكل ان شاء الله تستلم على خير وربنا يباركلك فيها بإذن الله

[midostarmody]

شكرا لرد حضرتك ومفيش اى مشاكل كفاية ان احنا نبقى من ملاك الريو :018a1d~146:

[Ahmed.Essam]

شكرا لرد حضرتك ومفيش اى مشاكل كفاية ان احنا نبقى من ملاك الريو :018a1d~146:

نتشرف بحضرتك والله