هام بخصوص السيراتو 2014

[Mohamed Ehab]

السلام عليكم :)
انا يا جماعه نويت ان شاء الله علي السيراتو
محتار ما بين ex -fo aw sx
واللي مخليني مقلق حوار العفشه و اتزان العربيه
فياريت الناس اللي معاها العربيه تفيدني :)

[kokowasfy]

العربية سم اللة مشاء اللة عليها معلهاش كلام خالص من ملكها ميعبهاش بس غير السعر

[الجنرال]

السيراتو الجديدة معايا الحمد لله .. مش ناعمة قوي ولكنها بالطبع انعم بكتير من الشكل اللى قبله

الاتزان والثبات فى نظري ممتاز

[ahramadan]

خليك في sx , خامات افضل و شكل احلي بفوانيس led.

العربية ممتازة , العفشة ناعمة حتي مع جنوط 17و العزل ممتاز.

[OmarEzzat93]

ههههه انا كنت زيك و الاتنين كانو ادامى و الفرق بينهم 7 الاف جنيه بس و انا فضلت ExFo عشان اللى سمعت عن الجنط 17

[محمد درغام]

اخى العزيز.. مقدر الحيره و اتمنى انى اقدر افيدك..
اشتريت السيراتو من حوالى شهر و نصف الفئه sx sr
من ناحية الثبات و الاتزان فوق الممتازه.. الفرق بينها و بين الفئه اللى قبلها حوالى عشرة الاف جنيه و لكن فى المقابل بتستمتع بكماليات تتعدى ضعف هذا المبلغ.. السمارت كى و فتحة السقف فعلا جميله خصوصا انى من زمان و نفسى فيها..
الففوانيس الليد و الجنط ال17 تحفه فعلا شكلا و اداء.. نظام الترحيب بمجرد الاقتراب من السياره من فتح المرايات و اضواء المقابض.. اضاءة الفوانيس الليد الخلفيه ليلا ساحره و هى مثار تعليقات ايجابيه لمن هو قادم من خلفى اثناء القياده..

[amromdiab]

اخى العزيز.. مقدر الحيره و اتمنى انى اقدر افيدك..
اشتريت السيراتو من حوالى شهر و نصف الفئه sx sr
من ناحية الثبات و الاتزان فوق الممتازه.. الفرق بينها و بين الفئه اللى قبلها حوالي عشرة الاف جنيه و لكن فى المقابل بتستمتع بكماليات تتعدى ضعف هذا المبلغ.. السمارت كى و فتحة السقف فعلا جميله خصوصا انى من زمان و نفسى فيها..
الففوانيس الليد و الجنط ال17 تحفه فعلا شكلا و اداء.. نظام الترحيب بمجرد الاقتراب من السياره من فتح المرايات و اضواء المقابض.. اضاءة الفوانيس الليد الخلفيه ليلا ساحره و هى مثار تعليقات ايجابيه لمن هو قادم من خلفى اثناء القياده..

ممتاز كلامك
ربنا يبارك لك فيها
انا حجزت بفضل الله نفس الفئة وكيل sx sr
من معرض اباظة فرع شارع الطيران
.
و عندي سؤاااااااال مهم جداااااااااااااااا
ايه نوع الكاوتش اللي في عربيتك؟
انا للاسف فوجئت ان نوع الكاوتش اسمه nexen
و دا اكيد نوع نكرة
ياريت اعرف نوع كاوتشك و أدائه؟
و يا ريت اللي يعرف حاجة عن الكاوتش دا يفيدنا

[محمد درغام]

للاسف لازم تغير الكاوتش بمجرد ما تستلم انشاءالله.. بريدجستون my02 ذو الجانب المزدوجه.. نصيحه و رجاء اعمل كده و انسى موضوع البالونات فى الكاوتش ال17.. انا بعد 150كم الكاوتش النيكسن عمل بالونه بسبب حفره.. غيرت الاربع فرد و الى الان عامل 3500 كم بدون اى مشاكل و الحمدلله..

[amromdiab]

للاسف لازم تغير الكاوتش بمجرد ما تستلم انشاءالله.. بريدجستون my02 ذو الجانب المزدوجه.. نصيحه و رجاء اعمل كده و انسى موضوع البالونات فى الكاوتش ال17.. انا بعد 150كم الكاوتش النيكسن عمل بالونه بسبب حفره.. غيرت الاربع فرد و الى الان عامل 3500 كم بدون اى مشاكل و الحمدلله..

يا نهااااااااار ابيض
يعني لازم ادفع 5000 جنيه كمان علشان الكاوتش
مفيش حل غير كدا يا جماعة ؟!!!!! :(

[محمد درغام]

بريدجستون my02 sporty style الفرده ب 740 جنيه.... يعنى حوالى 2900 جنيه الاربع فرد.. و هاتبيع النيكسن مش اقل من 800 جنيه..
ليه 5000 جنيه؟؟؟؟؟

[amromdiab]

بريدجستون my02 sporty style الفرده ب 740 جنيه.... يعنى حوالى 2900 جنيه الاربع فرد.. و هاتبيع النيكسن مش اقل من 800 جنيه..
ليه 5000 جنيه؟؟؟؟؟

انا سالت مت حوالي شهرين في بريدجستون شارع عباس العقاد
انا فاكر انهم قالوا انه يوجد نوعين مقاس 17
واحد ب 900 جنيه
و الاخر حوالي 1200 جنيه
سعر 740 جنيه دا فين ؟!!

[Mohamed Ehab]

شكرا علي الافاده :)
و هو نظام الترحيب بيبئي موجود في كل الفئات؟ :d

[محمد درغام]

عفوا يا اخى.. للاسف نظام الترحيب فى الفئه ذات السمارت كى فقط..

[Mohamed Ehab]

طب ايه هو ال sport mode da? و موجود في انهي فئه?

[محمد درغام]

الاسبورت مود ده وضع من ضمن 3 اوضاع للتحكم فى الباور اثناء القياده.. الرياضى و العادى و المريح.. و ده موجود فى كل الفئات على ما اعتقد..