استفسار بخصوص الكيا ريو والسيراتو

[thedomadeath]

ده اول موضوع ليا في المنتدي وبعد ماشوفت تعامل الاعضاء وازاي بيساعدو بعض فاكنت عايز استفسر عن كذا حاجه كده
اولا : الكيا ريو اتوماتيك الي هي عامله سعرها 130 تقريبا ده عامله ايه يعني الاوبشنز مثلا انا مش عايزها فول وفي نفس الوقت برده مش عايزها تكون علي البلاطه ده برده 130 , الاهم بقي العربيه الوسع بتاعها عامل ايه يعني هل مثلا ممكن تكفي لخمس اشخاص وده ضروري لانها عيله
ثانيا : السيراتو المانيوال , من الاخر الفئه ده عامله ايه "المانيوال" الي سعرها 134 تقريبا برده , ولو ادامي الاختيارين الكيا ريو الي فوق والسيراتو ده , اختار ايه خصوصا ان السعر متقارب ومقدرش فعلا ازود عن كده لان الشراء هيكون تقسيط وده النقطه الاخيره
, انا مثلا من القاهره ايه افضل وسيله او مكان اشتري من العربيه بالتقسيط خصوصا ان لو مثلا جمعت نص المبلغ ايه افضل طريقه تقسيط وميكونش في فايده كبيره مع العلم ان في امكانيه دفع حد اقصي 2400 جنيه في الشهر .. اتمني ان الاقي الي يجاوبلي علي الاستفسارات وشكرا .....

[ah-elgendy]

بالسعر ده اعتقد ان الريو افضل من السيراتو فى الحاله ديه هتلاقى الريو اتو وكمان اوبشن ووسائل امان و احسن مكان اعتقد انه سمير ريان

[ahmedz310]

افضل الريو فئة dab & abs
عشان وسائل الأمان واعتقد افضل مكان للشراء سمير ريان

[AhmedNaeem]

السعر ده ممكن يجيب ريو فئة عالية خليجي
لكن السيراتو هتكون فاضية ماعدا الابشنز العادية طبعا زي الباور والسنتر والتكييف
لكن الريو هيكون فيها اير باج وabs وجنوط سبور هيعني فئة اعلي
ومبروك مقدما

[prooo]

اولا ربنا يوفقك في اختيار العربيه ..... ثانيا بالنسبه للسيرااتو المانيوال العربيه فاضيه ومفيهاش اي وسائل امان او ترفيه تماما فاضيه بمعنى الكلمه ..... بالنسبه للريو دي بقه بحكم ان العربيه معايا .... بغض النظر عن تعليقات الاعضاء محدش معاه العربيه هما ردوا عليك بحكم المعرفه .... الريو متتركبش الا هاي لاين ثانيا العربيه ضيقه ولا تتسع لخمسه اشخاص بالغين الا للضروره ..... الشنطه واسعه الى حد ما بس لو انت طويل وبتحب تقعد في الكرسي براحتك اعمل حسابك انك مغيش حد هيقعد وراك مستريح ولو قعد هيبقى على حساب اللي قاعد غي النص ...... والفئه اللي حضرتك بتتكلم عليها ام 130 دي في التوكيل مفيهاش اي بي اس ولا ايرباج ..... يبقى حضرتك عليك وعلى الخليجي اللي ممكن يجيبلك ريو سيدان خليجي هاي لاين ...... واففضل مكان تجيب منه قسط هو بنك ابوظبي الوطني او بنك البركه لان دول تقسيط اسلامي وبفايده لا تتعدى ال 8.5% ....بس لازم تجيبلهم مفردات مرتب وان مجموع الاقساط اللي عليك في اي بنوك تانيه لو عندك يعني لايتعدى 40%من اجمالي مرتب حضرتك ..... وبلاش سمير ريان عشان عربياته مش مضمونه ومتسابه ليل نهار مفتوحه قصاد المعرض والايد عليها كتير وكمان عنده عربيات بتبقى مخبوطه او محكوكه ....... عندك القرش او سلطان او الملك او فور برازر او الليثي .... او اباظه ...... واي نصيحه انا في الخدمه لاني مريت بنفس تجربتك وفي الاخر جبت الريو الخليجي مستعمله ماشيه 3000 كيلو بالقسط من كونتاكت كارز بس الفايده عندهم عاليه شويه عشان مستعمل وكمان من غير تامين .......

[ahmedmohamed7]

اولا ربنا يوفقك في اختيار العربيه ..... ثانيا بالنسبه للسيرااتو المانيوال العربيه فاضيه ومفيهاش اي وسائل امان او ترفيه تماما فاضيه بمعنى الكلمه ..... بالنسبه للريو دي بقه بحكم ان العربيه معايا .... بغض النظر عن تعليقات الاعضاء محدش معاه العربيه هما ردوا عليك بحكم المعرفه .... الريو متتركبش الا هاي لاين ثانيا العربيه ضيقه ولا تتسع لخمسه اشخاص بالغين الا للضروره ..... الشنطه واسعه الى حد ما بس لو انت طويل وبتحب تقعد في الكرسي براحتك اعمل حسابك انك مغيش حد هيقعد وراك مستريح ولو قعد هيبقى على حساب اللي قاعد غي النص ...... والفئه اللي حضرتك بتتكلم عليها ام 130 دي في التوكيل مفيهاش اي بي اس ولا ايرباج ..... يبقى حضرتك عليك وعلى الخليجي اللي ممكن يجيبلك ريو سيدان خليجي هاي لاين ...... واففضل مكان تجيب منه قسط هو بنك ابوظبي الوطني او بنك البركه لان دول تقسيط اسلامي وبفايده لا تتعدى ال 8.5% ....بس لازم تجيبلهم مفردات مرتب وان مجموع الاقساط اللي عليك في اي بنوك تانيه لو عندك يعني لايتعدى 40%من اجمالي مرتب حضرتك ..... وبلاش سمير ريان عشان عربياته مش مضمونه ومتسابه ليل نهار مفتوحه قصاد المعرض والايد عليها كتير وكمان عنده عربيات بتبقى مخبوطه او محكوكه ....... عندك القرش او سلطان او الملك او فور برازر او الليثي .... او اباظه ...... واي نصيحه انا في الخدمه لاني مريت بنفس تجربتك وفي الاخر جبت الريو الخليجي مستعمله ماشيه 3000 كيلو بالقسط من كونتاكت كارز بس الفايده عندهم عاليه شويه عشان مستعمل وكمان من غير تامين .......

طيب يا فندم فيه دلوقتي فئة جديدة توكيل ب133. متضمنة ال ABS و Airbags..... +اوبشنز الفئة الأولى.؟ مش كده تمام. ولا فيه حاجة مهمة في الهاي لين. غير الفتحة والجنط

[prooo]

والله انا على حسب معلوماتي مفيش في الوكيل الفئه دي ...... الفئه دي موجوده في الهاي لاين وكيل بس ..... لكن الخليجي في منها اي بي اس وايرباج ومش هاي لاين وفي هاي لاين من غير اي بي اس وايرباج عشان الخليجي مواصفاته كتيييير جدا وفي منه كذا فئه .....

[ahmedmohamed7]

والله انا على حسب معلوماتي مفيش في الوكيل الفئه دي ...... الفئه دي موجوده في الهاي لاين وكيل بس ..... لكن الخليجي في منها اي بي اس وايرباج ومش هاي لاين وفي هاي لاين من غير اي بي اس وايرباج عشان الخليجي مواصفاته كتيييير جدا وفي منه كذا فئه .....

لا موجوده...... نازلة من فتره قريبه ب133 الف زي ماقلت لحضرك و شوفتها بنفسي.... جميلة ماشاء الله..... يقارن بنها وبين البيجو 301 baseline

[J A G U A R]

ريو سيدان خليجى هاى لاين

[prooo]

لا موجوده...... نازلة من فتره قريبه ب133 الف زي ماقلت لحضرك و شوفتها بنفسي.... جميلة ماشاء الله..... يقارن بنها وبين البيجو 301 baseline

والله لو موجوده فعلا تبقى صفقه رابحه واحسن من البيجو طبعا بس استحاله تبقى موجوده في التوكيل دي 100% خليجي ....... البيجو تتقفوق فقط فقط في الوسع الداخلي ووسع الشنطه غير كده مفيش مقارنه اساسا...... بس حضرتك اتاكد من ان هيه اي بي اس عن طريق ان تفتح كونتاكت العربيه لمبه الاي بي اس هتبان قدامك وكده الفرق بينها وبين الهاي لاين فتحه السقف والكروز كنرول والسينسور ولو ان الوكيل مفهوش سينسور حتى في الهاي لاين ...... بس معلش اتاكد حضرتك تاني لاني لسه شايف البروشور بتاعهم على السايت الفئه التانيه اللي حضرتك بتتكلم عليها ومفيهاش اي بي اس .... لاني معتقدش ان الفرق يبقى 10000 جنيه بينها وبين الهاي لاين على فتحه سقف وفتيس وطاره جلد ..... معتقدتش حضرتك لازم تتأكد كويس ..... واللي شفتها دي في التوكيل اصلا ولا في معرض عشان ممكن تبقى خليجي

[Ahmed redaa]

انت اللى تقدر تحكم على احتياجاتك - يعنى انت لو عايز عربيه كبيره يبقى السيراتو ولو علايز صغيره يبقى الريو - اول فءه سيراتو اتوماتيك خليجى ب١٣٨٠٠٠ - الكلام ده فى شهر مارس ودى اتوماتيك وزجاج كهربا وسنتر وتكييف وكاسيت بكاميرا متركب - ريو هاى لاين خليجى جنط وفرش جلد وفتحه سقف وبابا وماما ١٣٧٠٠٠ - من شهر مارس - معرض سمير ريان - وبعدين لما تيجى تحجز احجز عربيه مش واقفه فى المعرض - الجراج بتاعه ورا نادى السكه انا رحت اخترت عربيتى من الجراج وكتبت رقم الشاسيه واديته للمندوب - هو ميزه سمير ريان انه عنده كل الانواع فى مكان واحد تقعد تركب وتنزل كل شويه لغايه ماتعجبك عربيه

[Dr_Moustafa]

دى موديلات الريو هاتشباك المتوفره لدى الوكيل

Kia Rio | Kia Motors Egypt Official Website

الاسعار :

مانيوال : 118 الف
اتوماتيك أول فئه : 129 الف
اتوماتيك تانى فئه : 139 الف
اتوماتيك هاى لاين : 150 الف

[ahmedz310]

والله انا على حسب معلوماتي مفيش في الوكيل الفئه دي ...... الفئه دي موجوده في الهاي لاين وكيل بس ..... لكن الخليجي في منها اي بي اس وايرباج ومش هاي لاين وفي هاي لاين من غير اي بي اس وايرباج عشان الخليجي مواصفاته كتيييير جدا وفي منه كذا فئه .....

موجودة يافندم فئة سيدان dab&abs وكيل فيها abs و ebd و 2 ايرباج والكلام ده من علي موقع كيا مصر

كيا مصر | ريو 4 -ابواب

[prooo]

موجودة يافندم فئة سيدان dab&abs وكيل فيها abs و ebd و 2 ايرباج والكلام ده من علي موقع كيا مصر

كيا مصر | ريو 4 -ابواب

ياراجل حرام عليك والله ..... يعني ولا فيها جنوط ولا مالتي فانكنشن ولا مرايات ضم ولا اشارات في المرايات ...ولا جلد في الفتيس والابواب والطاره ولا فوج لايت ولا انوار القرايه في الشماسات ولا مخدع بين الكرسيين ولا التحكم في ارتفاع كرسي السواق ولا مثبت سرعه ولا حساسات ولا فتحه سقف ........ دي كده بالسعر ده تبقى غاليه جدا وحرام عليك تجيبها لو جبتها هتندم .... الريو متتركبش الا هاي لاين ...... والهاي لاين السيدان الخليجي ب 136000 او 138000 يعني فرق 5000 ...... اعتقد ال5000 جنيه يستاهل فرق الكماليات دي ..... بلاش تجيبها انت اللي خسران لو جبتها حتى لما تيجي تبيع بعد عمر طويل ان شاء الله ساعتها مبيفرقش خليجي من وكيل اللي بيفرق الكماليات .... ارجو تقبل رائي الشخصي

[Muhammadtarek]

اتكل على و هات الريو الخليجي ى ياريت تكون اردني مش سعودي علشان الاردني فيها شاشة في العداد بتبين كل حاجة في العربية

للعام انا معايا ريو ٢٠١٣ الفئه قبل الاخيرة


الناش اللي معاها زيو ياريت يردوا على سؤالي اللي على الصفحة