إعـــــــلان

Collapse

.

,
See more
See less

استلمت بيكانتو ٢٠١٥

Collapse
X
 
  • Filter
  • الوقت
  • Show
Clear All
new posts

  • استلمت بيكانتو ٢٠١٥

    السلام عليكم يا نمور

    انا النهاردة استلمت بيكانتو ٢٠١٥ الفئة التانية ،، أستلمتها فوري من محمد زكي القطامية علي ١٠٢٠٠٠

    انطباعي الاول عن العربية انها جيدة،، انا بس تعبت منها في الاول لأني مش متعود عليها لان معايا فانتازيا و دي جاييها لمراتي ،، حاسس ان دركسيون خفيف جدا بيتحرك بالنية :) تقريبا هي باور كهربا ولا ايه؟

    و ماشاء الله من اقل دوسة بنزين عايزة تنط تجري،، انا عارف ان إحساسي ده اووفر شوية علشان تقل الفانتازيا اللي متعود عليه!

    المعرض الناس محترمين بس بخلا شوية :)

    العربيه كاوبشنز للأسف فقيرة جدا مقارنة بسعرها لدرجة تنرفز،، عربيه باكتر من ١٠٠٠٠٠ و فاضية كده،، كان فيه الخليجي منها في أوتو سمير ريان ب ١٠٢٠٠٠ برضه بس ماشاء الله فيها كل حاجة من البلوتوث لفتحة السقف

    عندي كام سؤال لحضراتكم:

    هي مافيهاش أوتو لوك لما العربية تمشي؟

    اول صيانة علي كام كيلو؟

    هي فعلا باور كهربا؟

    مصاريف ترخيصها ٣ سنين كام؟

    حد غير الكاسيت التعبان بتاعها و ركبلها كاسيت ببلوتوث؟ في فى التوكيل ولا برة و بكام؟ ممكن يركبلها سنسورز في التوكيل؟

    شكرًا وآسف للإطالة
    [LEFT]Mohamed Adel Bander[/LEFT]
    [LEFT]Senior Support Engineer
    [/LEFT]
    [LEFT]
    [/LEFT]

  • #2
    اولا ألف مبروك و ربنا يباركلك فيها ، أول صيانة بتكون بعد ١٠٠٠ كم ، و متهيألي مفيهاش اوتو لوك لما العربية تتحرك.

    Comment


    • #3
      اولا ألف مبروك و ربنا يباركلك فيها ، أول صيانة بتكون بعد ١٠٠٠ كم ، و متهيألي مفيهاش اوتو لوك لما العربية تتحرك و بانسبة للترخيص هيكون في حدود ١٢٠٠ + سعر الطفاية و الاوراق المطلوبة، مش متأكد من موضوع الباور كهرباء ولا لأ بس في الغالب كهرباء.

      Comment


      • #4
        الف مبروك ربنا يديك خيرها ويكفيك شرها

        Comment


        • #5
          705 جنيه ضريبة 3 سنين.
          275 جنيه تأمين 3 سنين.
          140 طفاية.
          75 مثلث و حقيبة اسعاف.
          15 ملف و تصوير ورق.
          حوالي 1200 جنيه.
          ديه اسعار ترخيص 2013 في شهر 12 اللي فات.
          ما فيش أوتو لوك في 2013 ال خليجي اللي انا جبتها. لازم تدوس انت علي الزرار.
          فعلا الدركسيون خفيف موت خصوصا أن معايا e90 فبركب ال بيكانتو أحس أنها لعبة.
          ألف مبروك و ربنا يكفيكو شرها.
          https://t.me/pump_upp

          Comment


          • #6
            استاذ محمد .. بعد إذنك هي البيكانتو اللي مع حضرتك فيها folding mirrors ؟

            Comment


            • #7
              المشاركة الأصلية كتبت بواسطة shenoo مشاهدة المشاركة
              اولا ألف مبروك و ربنا يباركلك فيها ، أول صيانة بتكون بعد ١٠٠٠ كم ، و متهيألي مفيهاش اوتو لوك لما العربية تتحرك و بانسبة للترخيص هيكون في حدود ١٢٠٠ + سعر الطفاية و الاوراق المطلوبة، مش متأكد من موضوع الباور كهرباء ولا لأ بس في الغالب كهرباء.
              الله يبارك فى حضرتك الف شكر
              [LEFT]Mohamed Adel Bander[/LEFT]
              [LEFT]Senior Support Engineer
              [/LEFT]
              [LEFT]
              [/LEFT]

              Comment


              • #8
                المشاركة الأصلية كتبت بواسطة م/محمد صلاح مشاهدة المشاركة
                الف مبروك ربنا يديك خيرها ويكفيك شرها
                ربنا يبارك فيك الف شكر
                [LEFT]Mohamed Adel Bander[/LEFT]
                [LEFT]Senior Support Engineer
                [/LEFT]
                [LEFT]
                [/LEFT]

                Comment


                • #9
                  المشاركة الأصلية كتبت بواسطة svneleven مشاهدة المشاركة
                  705 جنيه ضريبة 3 سنين.
                  275 جنيه تأمين 3 سنين.
                  140 طفاية.
                  75 مثلث و حقيبة اسعاف.
                  15 ملف و تصوير ورق.
                  حوالي 1200 جنيه.
                  ديه اسعار ترخيص 2013 في شهر 12 اللي فات.
                  ما فيش أوتو لوك في 2013 ال خليجي اللي انا جبتها. لازم تدوس انت علي الزرار.
                  فعلا الدركسيون خفيف موت خصوصا أن معايا e90 فبركب ال بيكانتو أحس أنها لعبة.
                  ألف مبروك و ربنا يكفيكو شرها.
                  ربنا يبارك فيك شكرا لردك

                  انا بجد بدأت اندم انى جبتها كنت جبت خليجى او دورت على سانديرو مستعملة لولا الخوف من المستعمل كنت جبتها ووفرت على نفسى 12000 جنيه و بيتهيالى عمر ما كان دركسيونها ميه كدة!!

                  مفيش حل لموضوع الدركسيون ده؟ انا خايف على مراتى منها بصراحة
                  [LEFT]Mohamed Adel Bander[/LEFT]
                  [LEFT]Senior Support Engineer
                  [/LEFT]
                  [LEFT]
                  [/LEFT]

                  Comment


                  • #10
                    المشاركة الأصلية كتبت بواسطة ayat630 مشاهدة المشاركة
                    استاذ محمد .. بعد إذنك هي البيكانتو اللي مع حضرتك فيها folding mirrors ؟
                    لأ يا استاذة آية مفيهاش ،، انتى عاملة ايه مع اللى معاكى؟ وبالذات فى الدركسيون؟ عارفة تتاقلمى معاه؟
                    [LEFT]Mohamed Adel Bander[/LEFT]
                    [LEFT]Senior Support Engineer
                    [/LEFT]
                    [LEFT]
                    [/LEFT]

                    Comment


                    • #11
                      بصراحه يا استاذ محمد انا لو مكانك كنت جبت الخليجي طالما نفس العربيه باوبشنز اعلى وبنفس السعر .. ماعرفش ليه حضرتك تمسكت بالوكيل رغم انه مش هايبقي مفيد قوى خصوصا ان العربيه الحمد لله مافيهاش عيوب او عليها كلام بعكس بعض العربيات اللى بيبقى حواليها قلق فبنضطر اننا نجيب وكيل تحسبا لاى مشاكل ممكن تحصل

                      على العموم ربنا يبارك لزوجة حضرتك فيها

                      موضوع الدركسيون مسألة تعود .. يعنى لازم تتعود ان ايدها تكون حساسه شويه ومره فى مره هاتتعود ان شاء الله بس الافضل انها ماتطلعش على طريق سريع الا لما تتمكن قوى من العربيه ... وربنا يبعد عنها الشر يارب

                      Comment


                      • #12
                        هو الدركسيون لين جدا .. حاسة انه لعبة .. بس بيبتدي يتقل شوية .. مفيش خوف متقلقش هاتعرف تتحكم فيه وتتعود عليه .. ونسيت اقولك مبروك :)

                        Comment


                        • #13
                          المشاركة الأصلية كتبت بواسطة م/محمد صلاح مشاهدة المشاركة
                          بصراحه يا استاذ محمد انا لو مكانك كنت جبت الخليجي طالما نفس العربيه باوبشنز اعلى وبنفس السعر .. ماعرفش ليه حضرتك تمسكت بالوكيل رغم انه مش هايبقي مفيد قوى خصوصا ان العربيه الحمد لله مافيهاش عيوب او عليها كلام بعكس بعض العربيات اللى بيبقى حواليها قلق فبنضطر اننا نجيب وكيل تحسبا لاى مشاكل ممكن تحصل

                          على العموم ربنا يبارك لزوجة حضرتك فيها

                          موضوع الدركسيون مسألة تعود .. يعنى لازم تتعود ان ايدها تكون حساسه شويه ومره فى مره هاتتعود ان شاء الله بس الافضل انها ماتطلعش على طريق سريع الا لما تتمكن قوى من العربيه ... وربنا يبعد عنها الشر يارب
                          الله يبارك فى حضرتك وشكرا لردك
                          والله يا بشمهندس مش عارف عملت فى نفسى كده ليه يمكن القلق من الضمان ،، انا مش عايز استسلم لانى اقرف من العربية من قبل ما ارخصها حتي ،، ربنا يستر
                          [LEFT]Mohamed Adel Bander[/LEFT]
                          [LEFT]Senior Support Engineer
                          [/LEFT]
                          [LEFT]
                          [/LEFT]

                          Comment


                          • #14
                            المشاركة الأصلية كتبت بواسطة ayat630 مشاهدة المشاركة
                            هو الدركسيون لين جدا .. حاسة انه لعبة .. بس بيبتدي يتقل شوية .. مفيش خوف متقلقش هاتعرف تتحكم فيه وتتعود عليه .. ونسيت اقولك مبروك :)
                            الله يبارك فيكى ومبروك على عربيتك.
                            فعلا عامل زى دركسيون عربيات الملاهى :) ربنا يستر
                            [LEFT]Mohamed Adel Bander[/LEFT]
                            [LEFT]Senior Support Engineer
                            [/LEFT]
                            [LEFT]
                            [/LEFT]

                            Comment


                            • #15
                              الباور كهربا والدريكسيون ميه فعلا ... اعتقد مع الاستخدام بيتقل او انا اللى اتعودت عليه ومسئلتش ان كان له حل ولا لأ
                              اسلم حاجة متحاولش تقارن بينها وبين الفانتازيا او اى عربية اعلى منها لأنى وقعت فى المشكلة دى فى الاول... العربية لوحدها كويسة وبالنسبة لفئتها هى احسن .. مشكلتى معاها فى العزل حاسس انه عايز يزيد شوية " وده بردة راجع للمقارنة"

                              موضوع الـ folding mirror فى الخليجى بس ... هو سعر الوكيل دلوقتى 102000 !!!!!!
                              التوكيل مبيركبش بارك سنسورز وموضوع الكاسيت على اسوأ تقدير ممكن تركبة استيراد وبييجى مع فتحات التكييف اللى فى النص

                              العربية city car من الدرجة الاولى مش محتاج منها اكتر من كده

                              Comment

                              Working...
                              X