حصريا اسعار و مواصفات سيراتو خليجى 2015

[zook]

انا رحت معرض جابر عبد الشهيد و توهت هو مش مشهور اوى فى المنطقه قريب من spectra بس هوه عنده خليجى كتير اوى كيا هو مش بيبع اساسى للناس هو بيوزع للمعارض و ممكن يبيع برده

انا لسه راجع حالا بالمواصفات قلت اكتبها يارب تستفيدو بيها
عنده سيراتو خليجى 2015 سعودى ( يتميز عن باقى الخليجى قوه تحمل الكاوتش و الدهان لدرجات حراره عاليه )

حصان 1600cc -130
باور ستيرنج - تكيف -4 زجاج كهرباء-دركسيون متعدد الوضعيات تلسكوبى - اكصدام و مرايات لون السياره شبكه اماميه نيكل -مقابض داخليه نيكل-حامل اكواب -مرايات شماسات- فتح الشنطه و التنك من داخل السياره -مساند راس- جراب نظاره-6 سماعات- مسند يد امامى- كرسى السائق متغير الارتفاع-كمبيوتر رحلات-Immobilizer- جنوط سبور 16 -بلوتوث-مثبت سرعه-فوج لايت-مرايات كهرباء-1 ايرباج-مالتى فانكشنز-حساس خلفى-سنترلوك بالريموت-جهاز انذار-زجاج عازل-راديو CD+USB+AUX MP3 عازل كبوت -تحكم ارتفاع كشافات اماميه من الداخل -ABS و Ebd-افراج زجاج ملون (مش فاهم ديه يعنى ايه

السعر 157 الف
فئه تانيه سيرتو تزيد فتحه سقف 162 الف جنيه
مافيش حاليا فئات اخرى

كده فاضل مرايات ضم و تحكم shiftat من الدركسيون (كان نفسى فيها) وتغيير اوضاع قياده (كان نفسى فيها بردو :D) وكاميرا خلفيه (سهله تتركب ) ومفتاح بصمه ( مش عارف ممكن يتركب او لا )

[midooo_119]

معلومات قيمه شكرا لنقلها بس غريبه السعوديين يركبوا عربيه ايرباج واحدة

[rafikesmat]

انا معايا زيها بزبط من عندة كنت جايبها 153 و فعلا السعار غليت و لسة هتغلا كمان بس الطارة كانت جلد ولا عادى كمان كان عندى تغير وضع القيادة بس مش عندى جراب النظارة

[zook]

انا معايا زيها بزبط من عندة كنت جايبها 153 و فعلا السعار غليت و لسة هتغلا كمان بس الطارة كانت جلد ولا عادى كمان كان عندى تغير وضع القيادة بس مش عندى جراب النظارة

سيراتو 2014 ?
من امتى ده؟

[zook]

معلومات قيمه شكرا لنقلها بس غريبه السعوديين يركبوا عربيه ايرباج واحدة

فعلا انا بردو مستغرب واحده بس!!

[rafikesmat]

سيراتو 2014 ?
من امتى ده؟

جبتها من عندة اول شهر 4

[محمد قطر]

افراج زجاج ملون دا معناه .. ان فيه ورق بيجي جاهز انك تعمل فاميه و يتسجل على الرخصة .. و دي حاجة كويسة لناس كتيرة

[S O P H O S]

اعتقد في فئات اعلي بردوا

[icucono]

يا باشا السعوديين مابيركبوش سيراتو، المصريين بس وشويه من السوريين او اللبنانيين، السعوددين بيركبو اوبتيما وكادينزا

[icucono]

معلومات قيمه شكرا لنقلها بس غريبه السعوديين يركبوا عربيه ايرباج واحدة

مابيركبوهاش، بيركبوا اوبتيما وكادينزا و كوريس

[mohamed.alu]

انا فى قطر غريبة انى دى مواصفات خليجى لانى اصحابى هنا معاهم السيراتو فى شيفتات فى الدريكسيون وكاميرا خلفية ومرايات ضم برده .............. غريبة !!!!

[romioromio]

التوكيل نصاب الي حد ما
لان اللي هنا الخليجي كامله تماما
وفيها بصمه وستارت انجشن وكي ليس انتري

وده مواصفات الفل كامل هنا في السعوديه وسعرها تقيب 70 الف ريال

https://www.youtube.com/watch?v=zSu81X7w74s

[ashouhdy]

ايرباج واحدة يعنى طز في اللى جمبك ولا اية !!