ريو 2014

[El Prince]

يا "برنس" ده شرف لينا والله انك تركب زي :)))
بص يا فندم الموضوع فعلا يجنن
انا بدات بالبروتون زى الفل كل الاوبشن على الورق تيجى تركب خير الله امااجعله خير تحس انك فى عربية تانية غير المكتوب موصفتها على البورشور :) +زائد ان مش عجبن الاعتماديه حاسس ان العربية هتشخلع منى فى حدود 3 4 سنين :)))
البيجووو ده الى رسيت عليها و خلاص كنت هخلص بس مشاكل الاعضاء فى التيل و بعضهم مع التكيف و مماطلة التوكيل خاتنى اح ايدى على قلبى انا مش جايب عربية اجرى وراها فى مصاريف انا عايز ارتاح الحقيقة :))))
+ان الانتريور بتاعها كئيييب بالذات الفئة الاولى :)
دلوقتى الموضوع منحصر بين الريو و الشارك بس خد بالك معاليك انا عايز abs و ايرباجز فى العربية اساسى علشان كده مش قدامى غير الشارك الفئة التانية علشان الي بي اس لامواخذة :)
جميل الشارك عربية اكبر من الريو طيب كام ؟ 148 توكيل و المعارض عايز تدهانى 150 ...لا شكرا كده الميزانية خرمت وبعدين منا عندى الكروز و كمان هدفع 150 فى عربية فاضية يدوبك ال abs و الايرباجز والجنط و من جوه سيئة و كئيبه (كلامى على الانسر) و قطع غيار غالية وتوكيل وحش يبقى شكرا و بلاها اليبانى :)
رسينا على ايه بقى ؟ الريوووووو عربية كويسه ضيقة عن البجو و الانسر عارفين بس اتهرست فى مصر و ملهاش عيوب تعتبر غير موضوع البنزين و اتحل تقربيا فى الدفعات الجديدة و شكلها حلو من بره و من جوه والاهم التوكيل الناس بتشكر فيه و العربية نفسها ملاكها بيشكرو فيها جدا و اهى بقالها اكتر من سنتين
الريو مشكلتها انهها فى منها خليجى :@ و الخليجى يزغلل العبن بنفس تمن التوكيل تاخد جنط و مرايات ضم مالتى وحجات حلوة تانية كده :)
بص بقى خلاصة الكلام انا بدور على ريو خليجى سيدان يكون فيا abs و ايرباجز و جنط و فوجات و شكرا :))) صدعتك :)

نفس اللفة اللى انا لفتها و رجعت للكورى - يظهر انه مكتوب ع الجبين

و يا باشا انت شرفتنى مش صدعتنى

بس انا مش مرتاح لموضوع الخليجى و شراء ضمان و الحبشتكانات دى
انا السبب الرئيسى لترجيحى للعربية دى هى " الوكيل القوى " + مميزاتها التانية
و حاطط برده فى دماغى ال ار بى

تحياتى

[dr.shabrawy]

الريو عربية ممتازة تقفيلها نضيف جدا و ممتازة من كل النواحى ماعدا العفشة فقط. عفشتها ناشفة حبتين تلاتة.

[TOPY]

لو هتجيب خليجي متجبش خليجي عراقي نصيحه لوجه الله هاتها كويتي او سعودي

عن تجربه ان اشتاريت ريو2013 سعرها 115 الف في شهر 12 2012 وكانت موديل 2013

وجبتها عراقي وحشه جدآ تقفيل وحش وخمات راديئه جدآ وبوهيها وحشه وضعيفه

هات كويتي او سعودي وعمل ضمان ضد عيوب الصناعه في شركه aaa وصينتها في التوكيل زايك زاي الوكيل


تحياتي