استلمت السيراتو 2015 النهارده وليا استفسارات

[bakkarahmed]

الحمد لله استلمت السيراتو النهارده من معرض جابر عبد الشهيد ( هانزل موضوع منفصل عنه علشان عمل فيا كذا موقف مش ظريف)
العربيه 2015 خليجي سعودي فيها مثبت سرعه وكروز كنترول وتاره مالتي وبلوتوث وجنط 16 وايرباج و abs وبدون فتحه سقف وسعرها 156.750
العربيه الحمد لله تمام بس فيه حاجه مضيقاني فيها : عزل الحراره وحش حاسس ان العربيه من جوا فيها سخونه وكمان الدرج اللي فيه الولاعه في الكونسول لو سيبت فيه الموبايل شويه بتلاقيه سخن وراجعت علي فتحات التكييف وقفلتها وعملت تدوير الهواء من الداخل وظبطت مخرج الهواء علشان مايكونش المخرج اللي تحت هوا اللي بيسرب ...وبرده حاسس بسخونه جوا
هل ده يعتبر عيب فردي في العزل والا حد اشتكي من نفس العيب
انا كده كده هاروح بكره استلم باقي الورق فهل تنصحوني اني اعمل ضمان aaa ( فقط لمتابعه موضوع عزل الحراره) والا بلاش ودي مشكله عاديه مالهاش دعوه بعيوب تصنيع
مستني ردودكم قبل ما اروحله
هاعمل تقرير منفصل عن جابر عبد الشهيد
وتقرير منفصل عن العربيه فيما بعد

[nasr-eldeen]

الف مليون مبروك
واسأل الله ان يعطيك خيرها وخير ما جبلت عليه
وان يكفيك شرها وشر ما جبلت عليه

[khaled81]

مبروك .. وربنا يعطيك خيرها

[Dr . Mohamed]

ألف مبروك
ربنا يديك خيرها و يكفيك شرها

[ENG.MaRk]

ألف مبروك

[said.d.y]

الف مبروك

الف مبروك . حضرتك تقريبا اول عضو تدشن سيراتو 2015
ان شاء الله ربنا يكرمك فيها . وفى انتظار تقريرك وياريت لو توضح على السريع لو فى اختلافات فى موديل2015
بالنسبة لموضوع السخونة . ما اعتقدى احد اشتكى منة،يفضل حضرتك تتطمن لو حاسس انها موش طبيعية حتى لو اطريت تروح مركز خدمة تبع التوكيل لاكن لية حضرتك مترجعش للمعرص البعلك العربية؟
بالنسبة لضمانaaaيفضل حضرتك تشترية على الاقل سنة وبيكون فى حدود 1400صمان سنة او 20000كم ايهما اقرب

[crazy car]

لاكن لية حضرتك مترجعش للمعرص البعلك العربية؟

؟؟؟؟؟؟ :)

[a7medsh3rawi]

دا عيب فى عزل السخان
ارجع تانى للمعرض وشوف عربيه زيها وجربها
لو ما فيهاش نفس العيب رجعهاله وخد واحده تانيه
لانك كدا هتضطر تلغى مواسير دورة التبريد اللى داخله على الكابينه
والعيب هيقلل من كفائة التكييف

[john55]

انا معايا اكسنت ار بي المنطقه اللي حضرتك بتتكلم فيها انا عندي نفس السخونه ولو تركت المفاتيح فيها بتبقي زي النار ختي لو مشغل التكييف دا يعتبر عيب عزل في العربيه مش عيب تصنيع وشكرا

[الجنرال]

اولا الف مبروك .. ربنا يديك خيرها ويكفيك شرها

ثانيا: اعتقادي ان ده عيب عزل فى العربية .. فياريت ترجع للتوكيل وتقولهم عليها وهما هيصلحوها لكن هتدفع فلوس (علشان خليجي)

ثالثا: انا عندي حاجة تانية، انا بره العربية اول ما بفتح الباب بحس بصهد وسخونة جاية من تحت العربية .. لكن جوه مش بحسها الحمد لله

لاكن لية حضرتك مترجعش للمعرص البعلك العربية؟

هههههههههههههههههههههههههههههههههه

انا عايز اقولك انى فضلت اضحك على الجزء ده بتاع نص ساعة مثلا

احيانا الاخطاء الكتابية بتبقى كارثة

[ahmedelrayan]

الف مبروك يا باشا ربنا يديك خيرها ويكفيك شرها

[Ahmed.Essam]

الف مبروك

[bakkarahmed]

الف شكر علي ردودكم
انا رايح للمعرض بالليل النهارده (اللي فيه نقطه علي ص) :))
هاقوله علي المشكله وهاستلم ورق العربيه... وما اعتقدش انه هايعمل حاجه غير انه يقوللي عادي لانه ماينفعش يخليني اجرب عربيه تانيه لان المشكله دي بتظهر بعد سير مسافه طويله بالعربيه يعني ماحستش بيها وانا راجع من روكسي غير في الدقي مثلا وطبعا مش هايخليني اعمل كده في عربيه عنده ماشيه23 كيلو وخاصه انها بتبقي فيها 3 ليتر في التانك بس... تاني نقطه ماينفعش استبدلها لاني سافرت بيها القاهره الفيوم ولما هارحله هاتبقي عامله 300 كيلو وفي نفس الوقت المشكله مش جوهريه قوي علشان يتعمل معاه مشاكل عليها
انا النهارده شفت عزل العربيه من جوا لما شيلت الموكيت لاقيت اللباد مغطي وعازل كويس من جوا العربيه ودي غالبا مشكله عزل بتظهر بعد المسافات الطويله والزحام يعني لو هاتلف بيها في الزحمه نص ساعه مش هاتظهر
السؤال دلوقت... هل لو اشتريت ضمان aaa وروحت التوكيل هايتعامل فيها والا هايخليني ادفع تاني والا هايقوللي عادي؟؟؟؟ يبقي اريح دماغي واوفر فلوسي واعملها بره والا اعمل الضمان لربما تكون مشكله كبيره والحكايه مش عزل

[bakkarahmed]

بعد تجربه عربيه زميل ليا لاقيت عنده نفس المشكله بس هوا مش بيحس بيها لانه دايما مشغل التكييف ومع التكييف احساس السخونه ده بيقل كتيييييييير
مصدر السخونه جاي من ناحيه الارجل سواء من عند السائق او من عند كرسي الراكب الامامي غالبا من سربنتينه الساخن بتاع التكييف ولو حطيت ايدك تحت ناحيه الدواسات ومشيت مع مصدر الحراره هتلاقي حاجه بلاستيك زي علبه ممكن لو العربيه واخده مشوار طويل درجه سخونه الجزء البلاستيك ده بتبقي رهيبه وهيا سبب السخونه...
بتحليلي المتواضع يبقي سبب السخونه جاي من سربنتينه التكييف السخن وده بيبقي فيها مياه متصله بدوره التبريد...
دلوقتي الحل حاجه من 2
1- فك الكونسول وعزل الجزء ده حراريا ويعتبر حل بسيط بس مش هايقضي علي المشكله دي وهايبقي فيه سخونه برده بس هاتقل نسبيا
2- فصل دوره التبريد الساخن اللي احنا اساسا مش محتاجينها عن طريق فصل خراطيم المياه الساخنه اللي داخله علي صدر العربيه وده حل غلس وعايز حد فاهم هوا بيعمل ايه ( عن نفسي مستعد اعملها ومش فارق معايا)

انا لما رجعت من عند جابر عبد الشهيد زي ما توقعت انهم مش فاهمين حاجه ومش هايدوني عقاد نافع ...بس اللي عملته اني خليتهم يدوني فرصه اسبوع افكر اني اعمل ضمان aaa والا لاء
تفتكروا التوكيل او مركز الخدمه هايفيدني في الموضوع ده والا هابقي دفعت فيه فلوس علي الفاضي واروح اعملها عند حد برا ؟؟؟؟؟
تعبتكم معايا بس فعلا الموضوع ده منكد علي الواحد
لما تحس ان الجو برا كويس وانت قاعد في ساونا ده احساس بايخ ....

[said.d.y]

اولا الف مبروك .. ربنا يديك خيرها ويكفيك شرها

ثانيا: اعتقادي ان ده عيب عزل فى العربية .. فياريت ترجع للتوكيل وتقولهم عليها وهما هيصلحوها لكن هتدفع فلوس (علشان خليجي)

ثالثا: انا عندي حاجة تانية، انا بره العربية اول ما بفتح الباب بحس بصهد وسخونة جاية من تحت العربية .. لكن جوه مش بحسها الحمد لله





هههههههههههههههههههههههههههههههههه

انا عايز اقولك انى فضلت اضحك على الجزء ده بتاع نص ساعة مثلا

احيانا الاخطاء الكتابية بتبقى كارثة

الحمد لله انى كنت سبب فى اضحاك حضرتك، وانا اسف جداً جداً على الخطاء الوقعت فية، معلش انا كنت بكتب على الموبيل والكتابة موش واضحة كويس. ياريت تقبل اعتزارى