لسه مستلم سيراتو 2015 exfo و عندى استفسار

[Dr . Mohamed]

العربية ما شاء الله جراية جداً و كويسة
لكنى ملاحظ فيه تأخير فى دواسة البنزين
و لما مثلاً أدوس على البنزين سِنَه بسيطة جداً جداً و انا ممور الار بى ام مش بيطلع ازود سِنَه ازيد شوية الاقي الار بى ام نط معايا بسرعة و كذلك تأخير فى الاستجابة و انا ماشى على السلانسيه لما ادوس بنزين الاقيها تطلع بعد ثانية مثلاً تأخير
بعدها تجمع و تطلع زى الطلقة
مع العلم انى كنت بسوق مانيوال
هل دا طبيعى فى الاوتوماتيك ولا لا ؟

[amgomaa]

الفتيس لسه مخدش عل نمط سواقتك شويه وان شاء الله تظبط معاك

[bassem.naguib]

طبيعي في الاوتوماتيك إلى حد ما عن المانيوال .. بالإضافة أنه في (اعتقادي) أن دواسة البنزين كهرباء مش واير فبيحصل تأخير بسيط جداً .

[Dr . Mohamed]

الفتيس لسه مخدش عل نمط سواقتك شويه وان شاء الله تظبط معاك

الحمد لله طمنتنى
شكراً جزيلاً

[Dr . Mohamed]

طبيعي في الاوتوماتيك إلى حد ما عن المانيوال .. بالإضافة أنه في (اعتقادي) أن دواسة البنزين كهرباء مش واير فبيحصل تأخير بسيط جداً .

تمام جداً
يبقى المشكلة عندى أنا
علشان انا متعود على المانيوال و الاستجابة الفورية بتاعته

[Adnfalcon]

لا تقلق دا الاوتو يا صاحبي واختلافه عن المانيوال

[Dr . Mohamed]

لا تقلق دا الاوتو يا صاحبي واختلافه عن المانيوال

تمام جداً
شكرا جزيلاً لكم جميعا
طمنتونى و الحمد لله

[baherhassan30]

طبيعي في الاوتوماتيك إلى حد ما عن المانيوال .. بالإضافة أنه في (اعتقادي) أن دواسة البنزين كهرباء مش واير فبيحصل تأخير بسيط جداً .

+11111111111

[bakkarahmed]

الف مبروك ياباشا..وكنت عايز اسالك علي السخونه اللي بتيجي من عند الدواسات وبتتحس في الفبره اللي جنب دواسه البنزين موجوده عندك برده ؟؟؟

[Dr . Mohamed]

الف مبروك ياباشا..وكنت عايز اسالك علي السخونه اللي بتيجي من عند الدواسات وبتتحس في الفبره اللي جنب دواسه البنزين موجوده عندك برده ؟؟؟

أشوفها بكرة و انا طالع المرور أتأكد أكتر لأنى مركزتش أوى و كنت فاتح التكييف فى الأول لكن معتقدش ان فيه سخونة من منطقة رجلى خالص
بكرة بإذن الله أديك رد حاسم على الموضوع دا

[bakkarahmed]

أشوفها بكرة و انا طالع المرور أتأكد أكتر لأنى مركزتش أوى و كنت فاتح التكييف فى الأول لكن معتقدش ان فيه سخونة من منطقة رجلى خالص
بكرة بإذن الله أديك رد حاسم على الموضوع دا

ربنا يباركلك فيها ويكفيك شرها
بعد ماتمشي بيها مشوار محترم وتكون وصلت لدرجه السخونه الطبيعيه والمراوح اشتغلت ابقي شوفها... هتلاقي جنب دواسه البنزين فبره بلاستيك هاتحط ايدك عليها وهاتمشي معاها لفوق هتلاقيها مش كامله وهتلاقي حاجه بلاستيك مضلعه زي عمود طويل وسخن جدا لان جواه ماسوره ميه سخنه... شوف كده وقوللي

[Dr . Mohamed]

ربنا يباركلك فيها ويكفيك شرها
بعد ماتمشي بيها مشوار محترم وتكون وصلت لدرجه السخونه الطبيعيه والمراوح اشتغلت ابقي شوفها... هتلاقي جنب دواسه البنزين فبره بلاستيك هاتحط ايدك عليها وهاتمشي معاها لفوق هتلاقيها مش كامله وهتلاقي حاجه بلاستيك مضلعه زي عمود طويل وسخن جدا لان جواه ماسوره ميه سخنه... شوف كده وقوللي

تمام جداً
بكرة بإذن الله المشوار هيكون طويل شوية و الدنيا حر طبعاً
أكيد العربية هتسخن و المروحة هتشتغل و هقدر أفيدك إن شاء الله بعد المشوار

[moutaz20022001]

فين الرد

لفدت ولا رضيت انت ماروحتش المرور لسه لحد دلوقتى ولا ايه

[ahm.mega007]

الف مبروك يادكتور يارب يكفيك شرها

[S O P H O S]

ده طبيعي يا باشا متقلقش
واستمتع بالعربية