واخيرا كيا ريو

[orkedia]

انا عاملة الموضوع ده عشان اشكر كل واحد قدملى مساعدة ولو بدعوة حلوة
طبعا انا كنت بدور على عربية من رحلة المستعمل الى رحلة الجديد واستقريت على كيا ريو
انا مصورتش حاجة لسة بس هى بسم الله ما شاء الله حلوة
فيها 2 اير باج و ABS وبلوتوث و aux و mic وسنتر لوك وتكييف ومفتاح ريموت وسيدان
هى مش واسعة اوى زى السيراتو ولا فى وسع البيجو 301 بس تقعد 3 رفيعين كويس و 3 مليانين شوية مزنقين فى الكنبة الى ورا
العربية تصميمها من جوه حلو ومريح
كنت هاخد الهاى لاين بس لقيت الفرق فى فتحة سقف وجنوط 17 و فوجات
مندمتش على اختيارى لأن الفرق كان 10 الاف فى حجات بالنسبة لى مش مهمة اوى
سعرها 134
جبتها من معرض Bauto فى شيراتون وكان نازل عرض اول سنة تأمين هدية يعنى تقريبا بتفرق فى المقدم 5 ألاف
جايباها قسط على البنك العربى بفائدة 9ز5 ومقدم 30% موظف حكومة وده كان افضل عرض جالنا
بصراحة دوخت جوزى ودوخت المعرض لأنى كل يوم تقريبا بعد ما اقوله على عربية ارجع اغيرها واقوله لأ

المعاملة كانت حلوة بالرغم انى زهقت الراجل الى بيبع الصراحة وكان عنده حق
انا حبيت بس اقول شكرا لكا واحد وافيد اى حد بيفكر فيها

بس برده مش هسيبكم من غير ما اٍسأل على كام ملحوظة كده

اولا استهلاك البنزين : مشينا بيها حوالى 220 كيلو وقرب التانك يخلص هل ده طبيعى؟ مشوارنا اصلا طويل
ثانيا : سمعت ان احلى توكيل الى فى القطامية هل ده صح ولا افعل الضمان ازاى؟؟ والضمان باخده من المعرض ولا باخده من التزكيل عشان كلمتهم فى التليفون وقالولى لأ من المعرض وهما بيختموه بس؟؟
ثالثا: الحمد الله فى اول مشوار ليها دخل فى العجلة الى ورا حديدة زى الخابور فرتكت العجلة وكسرت الكارتيرة شرختها كده هل ده مشكلة فى التوكيل ولا ايه وخصوصا انها لسة مترخصتش وزوجى لحم الكاوتش فى البنزينة عادى ولا ايه ؟؟

ومعلش بتعبكم معايا وجزاكم الله خيرا ويارب يوفق كل واحد فى عربيته

[ahmedz310]

الف مليون مبروك وربنا يديكم خيرها ويكفيكم شرها و يبعد عنكم وعنها العين
هي دي الفئة الوكيل dab&abs وله خليجي ?

[Adnfalcon]

اولا مبرووووك
بس مشيتي 220 كم والتانك قرب يخلص !! ازاي ؟
هي تانك كام لتر اصلا ؟ اصل ال 220 كم بعملهم ب 20 لتر بنزين وأقل كمان

[orkedia]

الف مليون مبروك وربنا يديكم خيرها ويكفيكم شرها و يبعد عنكم وعنها العين
هي دي الفئة الوكيل dab&abs وله خليجي ?

الله يخليك ميرسى اوى بس هى وكيل مش خليجى ومتهيألى انها هى الفئة دى هى ب 134 وهتنزل 2015 كده برده على كلام المعرض ممكن حضرتك تتأكد من التوكيل على اسم الموديل ﻷن 2014 فى الموقع الرسمى لكيا ايجيبت 4 فئات سيدان و 4 هاتشباك وكلهم مختلفين ويلخبطوا بصراحة

[orkedia]

اولا مبرووووك
بس مشيتي 220 كم والتانك قرب يخلص !! ازاي ؟
هي تانك كام لتر اصلا ؟ اصل ال 220 كم بعملهم ب 20 لتر بنزين وأقل كمان

ما احنا مستغربين وبسأل هل ده طبيعى هى اتوماتيك وتانكها حاجة واربعين مش متذكرة اوى

[J A G U A R]

اخيرااا الف مبروووك وربنا يباركلك فيها ويحفظهالك

بالنسبه للنقطه الاولى هو تانك البنزين فى الريو صغير بس بردو مش معقوله هايقطع 220 كيلو والتانك يخلص بس ملاك الريو يفيدوكى فيها

النقطه التالته عادى مفيش مشكله مع التوكيل

[S O P H O S]

الف مبروك
ربنا يبارك ان شاء الله

[Adnfalcon]

ما احنا مستغربين وبسأل هل ده طبيعى هى اتوماتيك وتانكها حاجة واربعين مش متذكرة اوى

معلش انتي متأكده ان التانك كان مليان ع الأخر ؟ اصل الرقم دا مستحيل

[orkedia]

اخيرااا الف مبروووك وربنا يباركلك فيها ويحفظهالك

بالنسبه للنقطه الاولى هو تانك البنزين فى الريو صغير بس بردو مش معقوله هايقطع 220 كيلو والتانك يخلص بس ملاك الريو يفيدوكى فيها

النقطه التالته عادى مفيش مشكله مع التوكيل

انا بشكر حضرتك جدااااااا اكتر حد ساعدنى فعلاً واهتم وجزاك الله خيرا على مساعدتك والموضوع ده عشانك وعشان اى حد ساعدنى ربنا يكرمكم
موضوع البنزين مش عارفة مستغربين بصراحة فقلت اسأل لأنها 1400 يعنى مش بتاكل ينزين المفروض

[orkedia]

معلش انتي متأكده ان التانك كان مليان ع الأخر ؟ اصل الرقم دا مستحيل

اه مليان فولناها اول ما خرجنا من المعرض تقريبا 42 لتر مش متأكدة اوى او 40 حاجة زى كده وكمان نسيت اسأل حاسة انها بتسخن اوى بس مؤشر الحرارة كويس هل ده طبيعى برده ولا ايه؟

[orkedia]

ملاك الريو انا نسيت اسأل كمان على السخونية عالية اوى فى جسم العربية من بره وجوه بس المؤشر كويس عل ده طبيعى ولا ايه؟

[Adnfalcon]

اه مليان فولناها اول ما خرجنا من المعرض تقريبا 42 لتر مش متأكدة اوى او 40 حاجة زى كده وكمان نسيت اسأل حاسة انها بتسخن اوى بس مؤشر الحرارة كويس هل ده طبيعى برده ولا ايه؟

مبدأيا انا متأكد انها مشيت اكتر من 220 كم لأن العربيه لما تستلميها بتبقي ماشيه قبل كده
42 لتر أقل حاجه يمشوا العربيه 400 كم فالميت
بصي علي قربه المياه اهم حاجه و متخافيش اصلا كتر خير العربيات فالجو النار دا

[orkedia]

مبدأيا انا متأكد انها مشيت اكتر من 220 كم لأن العربيه لما تستلميها بتبقي ماشيه قبل كده
42 لتر أقل حاجه يمشوا العربيه 400 كم فالميت
بصي علي قربه المياه اهم حاجه و متخافيش اصلا كتر خير العربيات فالجو النار دا

مشيت ازاى اكتر العداد عامل كده فعلا ! هل فى مشكلة فى العداد مثلا ولا فى تانك البنزين وبالنسبة للسخونية بحسها فى بودى العربية من جوه مش كراسى ولا كبوت مثلا

[Adnfalcon]

اه مليان فولناها اول ما خرجنا من المعرض تقريبا 42 لتر مش متأكدة اوى او 40 حاجة زى كده وكمان نسيت اسأل حاسة انها بتسخن اوى بس مؤشر الحرارة كويس هل ده طبيعى برده ولا ايه؟

مشيت ازاى اكتر العداد عامل كده فعلا ! هل فى مشكلة فى العداد مثلا ولا فى تانك البنزين وبالنسبة للسخونية بحسها فى بودى العربية من جوه مش كراسى ولا كبوت مثلا

يعني اي عربيه لازم تتحرك عشان تروح المعرض مالك اتخضيتي ليه
بعدين اصلا كده كده استهلاك البنزين بيقل جامد بعد الصيانه الأولي
بالنسبه للسخونه حاولي تشوفي جايه منين بالظبط .. من عند الدواسات مثلا ؟

[mhkorayem]

اولاً 1000 مبروك عليكم العربيه وان شاء الله هتتبسطوا منها جداً وربنا يبارك لكم فيها
أما بخصوص استهلاك البنزين فالاستهلاك اللي حضرتك بتتكلمي فيه ده مش طبيعي خالص انا معايا الفئه التانيه وكيل من شهر 4 اللي فات والاستهلاك بسم الله ما شاء الله ممتاز والتانك 45 لتر يعمل في متوسط 550 كم وبتزيد عن كده كمان
بخصوص موضوع السخونه أنا مش فاهم حضرتك بتتكلمي عن سخونه في ايه بالظبط لو تقصدي ان في سخونه من الماتور بتدخل داخل الكابينه فطبعاً ده مش موجود اطلاقاً وعزل حرارة الماتور ممتاز
بخصوص الضمان انا كنت شاري العربيه من التوكيل مباشرة فرع روكسي وهما اللي ادولي الضمان وقالولي اتصل على التليفون بخدمة العملاء عشان تفعيل الضمان
اما بقى عن الصيانه انا عملت صيانه واحده بس هي صيانة الـ 1000 ودي عملتها قي القطامية وفي المجمل مش مبسوط اوي بالخدمه هناك اولا انا رحت في ميعادي بالظبط وعلى الرغم من كده قعت اكتر من ساعه على ما حد استلم مني العربيه (طيب لازمته ايه الميعاد بقى لما كده كده هفضل مستني)
تاني حاجه العربيه اخدت وقت كبير جداً في الصيانه يعني هما قالولي العربيه هتكون خلصانه الساعة 3.30 والعربيه اصلاً دخلت الورشه الساعة 4.00
انا كنت هناك الساعة 12.30 واستلمت العربيه قرب الساعة 5.00 عشان صيانه مفيهاش اي شغل غير تغيير زيت لو كنت عملتوا في اي محطة بنزين مكانش خد اكتر من 20 دقيقه على اقصى تقدير