مشكلة في الباركينج سينسور

[houseiny]

احلى شباب السلام عليكم
انا عندي مشكلة في حساس الركن ، انه لما بجيب رجوع الاربع عدسات بيشتغلوا وبيديني صوت انذار متتابع وبيفضل شغال ، وساعات بيشتغل عادي ، ولما بيعمل كده بخبط على العدسات بيشتغل عادي ، هل في مشكلة في الباركنج سينسور نفسه ومحتاج يتيغير ولا محتاج حاجة بسيطة في التوكيل يعني سلك مهزوز ولا حاجة ، برجاء الافادة عشان الموضوع ده معكنن عليه جداً ، العربية كارينز 2014 خليجي

[houseiny]

ايه يا رجالة. هو انا وقعت في صحرا ولا إيه؟؟

[أسامه الحسيني]

ممكن تكون الحساسات مش متركبه كويس او سابت من مكانها اتاكد انها ثابته
وان شاء الله بسيطه

[soltanfriend]

اكيد عايزة تتسبت او فيه عليها ماية من الغسيل
المهم انها حاجه بسيطة ان شاء الله

[houseiny]

الحمد لله المشكلة اتحلت النهاردة في توكيل كيا ابو رواش ، المشكلة كانت في الفيش بتاعت الباركنج سينسور ، او في الضفيرة بتاعة الباركنج سينسور ، اللي فهمته ان الترامل كانت واسعة وهما ظبطوها وركبوها تمام والحمد لله الدنيا ظبطت
ودفعت 490 جنيه ، ليه معرفش بس اهم حاجة ان المشكلة اتحلت

[mr.moustafa]

يا نهار ابيض . 490 جنيه علشان تزبيط الفيشة !!!!

[houseiny]

يا نهار ابيض . 490 جنيه علشان تزبيط الفيشة !!!!

لأ، الرد منهم ان العربية بايتة من انبارح في التوكيل وانهم كشفوا مرة على العدسات ومرة على الكونترول ومرة على الضفيرة حتة حتة ، واخد بالك انت من حتة حتة دي زي ميكون بيراجعو ضفيرة قطار ، 12 متر ولا حاجة ، وهما بيحسبوها بالساعات اللي العربية قعدتها في التوكيل ، على اساس انهم بيأكلوها ويشربوها جوه وانا معرفش ، ياله الحرام مبيدومش ، هيروحوا من ربنا فين ؟؟؟؟

[bakkarahmed]

حضرتك لو كنت جبته جديد وركبته من اول وجديد ماكانش كلفك المبلغ ده...بس ساعات لو الواحد متعكنن مابيبقاش شايف الا المشكله اللي هوا فيها وممكن يدفع فيها اكبر من حجمها...بس علي العموم مبروك

[mr.moustafa]

بس برضه انا لو مكانك و اكلتها وقت الدفع هارجع لهم تاني
انت اخدت فاتورة ؟؟؟

[houseiny]

اه اخدت فاتورة ، هل ده ممكن يعمل حاجة ؟؟؟

[احمد المصرى]

هو انت فى الضمان ؟؟؟؟؟؟؟؟؟؟؟؟؟؟ المفروض مكنتش دفعت ولا جنيه

[houseiny]

هو انت فى الضمان ؟؟؟؟؟؟؟؟؟؟؟؟؟؟ المفروض مكنتش دفعت ولا جنيه

لا يا باشا ، انا من المغضوب عليهم عند التوكيل ، استغفر الله العظيم خليجي ، المهندس اللي بيستلم العربية كل ام اقوله خليجي يدور وشه ويضرب كف على كف زي ميكون بقوله مسروقة