مشكلة اضائة لمبة فى تابلوه السيراتو بعد تنظيف الماتور

[ezzzzo1983]

السلام عليكم
انا روحت غسلت العربيه النهارده في بنزينة توتال shell سابقا اللي في شارع اللاسلكي في المعادي
المهم انا من الناس اللي ما بتحبش تغسل عربياتها في البنزينه عشان اللي حصل معايا المهم حصل وغسلتها جه عند تنظيف الموتور خليته ينفخه هوااا بس وفتح ال cover بتاع فلتر الهوا عشان ينظفه وياريت ما فتحه المهم مركبش الاستاذ الغطاء كويس بتاع الفلتر جيت ادور العربيه لقيتها بترجرج مني ومش متظبطه
ومفيش سحب اصلا المهم نزلت فتحت الكبوت وشيكت علي الغاطاء واكتشفت انه مقفلهوش بعد كده العربيه مشيت تمام وسحبت كويس بس حصل مشكله في التابلوه لقيت اللمبه اللي تحت عداد ال rbm 8 نورت ده اه ؟ وازاي اخفيها ؟ واه اللي حصل
يارت حد يفيدني من فضلكم وهل لازم اروح كده التوكيل؟

شكرا



تم تعديل العنوان ليتناسب مع المحتوى
م ب 3

[Dr . Mohamed]

اللمبة دى معناها فى مشكلة حصلت لما غسلت العربية
ممكن يكون تراب جه على الحساسات أو ماء
استنى بس تنشف شوية و افتح الكبوت و اصبر و ان شاء الله هتختفى لوحدها
او ممكن تشيل كابل البطارية نصف ساعة و ترجعه تانى و لو فضلت ظاهرة تطلع على التوكيل

[Dr . Mohamed]

دى اى فئة وكيل ؟ و لا خليجى ؟

[ezzzzo1983]

خليجى

[Dr . Mohamed]

خليجى

طيب جرب تشيل كابل البطارية نصف ساعة و بعدها ركبة تانى لو ما ختفتش حاول تشيل اى تراب و بلاش البلاور دا لانه أساس المشاكل و بينفض التراب و يرميه جوا الكبوت اكتر و شوف مكان فلتر الهوا ممكن يكون مش راكب كويس او جواه حاجه

[ezzzzo1983]

الحمد لله اللمبة طفت يا رجاله شكرا تقريبا يا دكتور محمد زي ما قلت كانت محتاجه تنشف

شكرا ليك

[Dr . Mohamed]

الحمد لله اللمبة طفت يا رجاله شكرا تقريبا يا دكتور محمد زي ما قلت كانت محتاجه تنشف

شكرا ليك

الشكر لله
ربنا يباركلك فيها و يكفيك شرها

[hi_nmr]

اولا الحمد لله علي سلامه عربيتك وسلامه اعصابك بعد ظهور اللمبه
ثانيا انا عاوز اعرف ليه مرجعتش للي غسلك العربيه ده واديته قلمين علي قفاه يمكن يتعلم ويهتم بعربيات الناس
ايه انعدام الضمير اللي بقينا فيه ده انا مش مصدق