عيب هواء ولا نتروجين ولا عربية ولا طرق

[mse920]

انا معايا سيراتو 2015 وكنت بحس بمطبات الهواء بحس ان العربية بتنط من وراء مع العلم اني كنت باخد نفس المطب بالافيو عادي جدا. المهم روحت فضيت الهواء وحطيت نتروجين واحساسي بالمطبات الهواء تحديدا زاد اوي مع اول مشوار ودا كان سفر علي الزراعي .قولولي ارجع هواء تاني ولا اضبط نتروجين عند حد تاني ولا انا مش عارف اسوق ولا دا عيب طرق. بس المفروض اني احس بفرق عن الافيو اللي ماكنتش بحس معاها بحاجة

[eng.m7md.ali]

الموضوع ملهوش دعوة بالهواء ولا بالنيتروجين

الموضوع متعلق بالعفشة ورا

ممكن محتاجة تربيط ولو اني متأكد ان ده العادي بتاع السيراتو

[mse920]

ينهار اسود دا العادي دا لسه مفرحتش بيها فلوسها لسه مش بيردة . اروح التوكيل يعني

[hesham fawzy h]

ههههههههههههه

[eng.m7md.ali]

ياباشا استمتع بالعربية والف مبروك عليها

بس السيراتو عشان على دنجل ورا هتلاقيها بتتنطط في مطبات الهوا .. اغلب العربيات اللي زيها في العفشة كدة

[rafikesmat]

باشا انت لسة مش متعود بس على العربية انا الهربية معايا و ثبتها جيد جدا و كان معايا 2010 بردو ثبتها حلو بس 2014 احسن انت حاسس لسة فرق الركوبة مش اكتر

[shiko85]

ينهار اسود دا العادي دا لسه مفرحتش بيها فلوسها لسه مش بيردة

هههههه
يا باشا هى العفشه كده مش العادى بمعنى انها مقلب
و بعدين لازم الأحساس يزيد بعد النيتروجين

[khaledazizeg]

للاسف انا كمان معايا كيا سيراتو كوبيه نفس الموضوع دا ليه علاقه بالعافشه وكان معايا frv ولما غيرت المساعدين اتحلت بس جبت مساعدين ناعمه

[MohammedAladel]

عيب عربية ههههههههههههههههه

[mse920]

يعني انا ممكن اكون محتاج اغير مساعدين لعربية موديل 2015 ولا ممكن بعد الاستخدام تترضي. وكمان ازاي كل الناس اللي راكبة متعودة علي كدا ولا المشكلة دي عندي انا بس

[shiko85]

يعني انا ممكن اكون محتاج اغير مساعدين لعربية موديل 2015 ولا ممكن بعد الاستخدام تترضي. وكمان ازاي كل الناس اللي راكبة متعودة علي كدا ولا المشكلة دي عندي انا بس

المساعدين مش بايظه علشان تتغيير
هقولك على حاجه بس محدش يضحك او يترق
كان فطريقى وانا راجع البيت جزء فالطريق فيه حاره هابطه شويه (مطب هواء) و كنت بركز كل يوم انى اعدى على المطب و لقيت كتير بيعملوا بيسيبوا حارتهم و يرحوا مخصوص للحاره دى قبل المطب ده و كل واحد يرجع حارته تانى بعد المطب على طول

[Adnfalcon]

شوف الحكايه بسيطه جدا
الافيو رغم عيوبها لكن عفشتها ناعمه فعلا بطريقه ملحوظه ..
السيراتو انشف لأنها مصممه لثبات أعلي والسبب التاني ال torshion beam دا عيبه لأنه مش متعدد الوصلات زي multi link

[Land_Cruiser]

ممكن لما تروح التوكيل تقولهم علي الموضوع ده و تطلب منهم تجرب عربيه تانيه نفس الموديل و ده هيخليك تتاكد اذا كان الموديل كله كده و لا عربيه حضرتك بس و دي افضل طريقه للمقارنه العمليه لان الاحساس بالموضوع ده نسبي

[bakkarahmed]

عفشه السيراتو الجديده تعتبر ناشفه شويه بس مش بالدرجه اللي حضرتك بتوصفها..ومافيش وجه مقارنه بينها وبين عفشه الموديل اللي قبلها..انا معايا الجنط 16 وسوقت الجنط 17 كمان وكان ممتاز جدا ..حضرتك حط في الاعتبار كمان ان العفشه لسه جديده ومع الوقت بتنعم والسوست بتريح شويه وهاتبقي افضل كتير
حضرتك روح الصيانه وجرب عربيه تانيه لربما يكون عند حضرتك مشكله بسيطه محتاجه تظبيط

[monamize4]

و بعدين لازم الأحساس يزيد بعد النيتروجين

ياريت تفسير يا باشا ,,