كيا سيراتو 2012

[mahmodmohmed]

لو سمحتوا اهل الخبرة يفيدونى انا معروض عليا عربية كيا سيراتو 2012 الى عارضها عليا بيقلى ان هى فيها قطمة ومغيرة ربع ورا انا مش فاهم يعنى ايه فيها قطمة بس هو بيجرى بيها على 220 وعادى هل العيب ده بيعمل مشكلة على الطريق ويعنى ايه قطمة دى انا بقول طالما مغيره ربع ورا يبقى قدام تمام مفيش مشكلة خاصة انه عار ضها ب 50 الف بس يعنى تمن لانوس مستعمله افيدونى هل اشوفها واعرضها على ميكانيكى وهل السعر ده حلو ولا ابعد عنها خالص ولا ىكشف عليها فى التوكيل وده يتكلف كام واطمن على ايه فى العربية ياريت حد يفيدنى لانى محتار جدا

[ahmedelrayan]

هو سعرها مش مطمئن خالص دى لو عاملة حادثة ومتصلحتش هتتباع اغلى من كدة

[D.Ahmed Ismail]

50 الف
دي لو مغيرة نصين هاتبقي اغلي من كدة
اشك في ورقها

[أبو يوسف]

بالصراحة السعر محير جداً
يا أما العربية فيها أكتر من كدة , وهو حسبها صح
ياأما هو مش عارف يقدر سعرها
بس لو أنا مكانك
هابعد عنها خالص ,, خالص

[S O P H O S]

فراي بلاش منها

[عبدالله برعى]

لكل مقام مقال

اولا : انا بايع 2012 مانيوال من فترة قريبة ب 95 الف جنية

ثانيا : باعتبار انها مغيرة ربع ورا وورقها سيلم ومفيهاش حاجة تانى يبقى حاول تنزل فى سعرها تانى والعربية مواصفاتها ايه؟؟

ثالثا لو ورقها مظبوط حول تنزل فى سعرها واتكل على الله


رابعا : لو مصمم على الشراء اطلب منة براءة ذمة وشهادة مخالفات ويديلك صور ليهم ولو فيها توكيلات تاكد من التوقيعات والاختام

بس خليك حريص وخد واحد فاهم لان شكلك مكلش مواضيع الاوراق

كل عام وانتم بخي واتمنالك التوفيق

[Omar Mahmoud]

ابعد عنها خالص خاصة إنك بتقول مغيرة ربع خلفي و مش هتبقي تمام بنسبة %100
السعر ده معتقدش إني شوفته في عربية عاملة حادثة و صاحبها قرر يبيعها علي وضعها