***((( للخبراء نصائح استلام سيراتو )))***

[mr.moustafa]

السلام عليكم و رحمة الله و بركاته

الحمد لله حمداً كثيراً كما ينبغي لجلال وجهه و عظيم سلطانه

إن شاء الله هاستلم سيراتو 2015 أوتوماتيك فئة أولى
و كنت عايز من كل واحد منكم يديني نصيحة عن الحاجات اللي أعملها عند الاستلام و كذلك في الألف كيلو الأولى
و ياريت بقى كل واحد ما يخرجش من الموضوع إلا و هو كاتب حاجة يعرفها أو موقف حصل ليه حتى لو شايف أنه غير مهم
المهم عايز أعرف كل حاجة منكم و أتعلم من خبراتكم
و جزاكم الله خيراً

[Dr . Mohamed]

أتأكد من الدهان
اتأكد من الحاجات اللى جاية مع العربية موجودة كلها (ولاعة - طبه الاكصدام - كوريك - استبن - فبرة سودة لتعليق النمر - الكاتالوجات كلها)
شوف التكييف و الإضائة الداخليه و الفوانيس و الأبواب و الزجاج و السماعات و الكاسيت و الزراير اللى فى العربية
بالنسبة للألف كيلو أنا اتقالى اعمل اللى انت عاوزة العربية طالعه من المصنع متلينة جاهزة و تقدر تقفل العداد
لكن خير الأمور الوسط امشى على مهلك لغاية ما تاخد على العربية
و حاول الrpm ميعديش 3 و أعتقد دا كويس جدا أنا بجيب حوالى 130 و الrpm بيكون يادوب داخل على 3
و فى النهاية ألف مبروك ، ربنا يديك خيرها و يكفيك شرها

[mr.moustafa]

شكرا جزيلا ليك
طيب مش المفروض طبة الاكصدام تكون راكبة ؟؟
و الكتالوجات كام واحد ؟

[rafikesmat]

هيا اية طبة الاكصدام دية

[mr.moustafa]

ديه الطبة اللي بتتشال و يركب مكانها الحلقة اللي بتتجر منها العربية

[Dr . Mohamed]

طبه الاكصدام عندى مكنتش راكبة
لان العربية أنا مستلمها شبه ممشيتش خالص كانت بتتحمل و بيقطروها فى الغالب
اتأكد و خلاص مش هتخسر حاجة

[mr.moustafa]

تمام . علم و ينفذ
جزاك الله خيرا

[mse920]

الف مبروك مقدماً
بردوا أتاكد من طقم العدة الموجود فوق الأستبن لأني لسه مستلم من حوالي 3 أسابيع من سمير ريان وكنت فرحان طبعا وهمي كلو اني اركب وامشي ومن يومين اكتشفت ان فيه حاجه ناقصة في الطقم دا ( لها مكان ومش وموجودة )
وألف مبروك

[bakkarahmed]

العربيات الخليجي بينزل فيها شنطه اسعافات وطفايه حريق ومثلث عاكس
استلم القنطره بتاع سحب العربيه
الكاتالوجات
كتيب الضمان لو وكيل
راجع علي الانوار وكل الكماليات والتكييف ..جرب البلوتوث علشان كان فيه مشكله عندي وصلحوه
شيل الاستكيرات البيضه كلها وخد معاك كشاف شوف بيه كل حته في دهان العربيه وماتستلمهاش لو فيها خربوش او فيها اي جزء من الدهان مش متجانس
ماتنساش المفاتيح وكودها
سوق العربيه عادي وشغل التكييف بس خلي مؤشر الا ار بي ام مايعديش3
ما تثبتش علي سرعه واحده لفتره طويله وتجنب الفرامل الفجائيه...يعني رفع السرعه بالتدريح وخفضها بالتدريج وبرده الفرمله براحه
وربنا يباركلك فيها ويكفيك شرها

[mr.moustafa]

العربيات الخليجي بينزل فيها شنطه اسعافات وطفايه حريق ومثلث عاكس
استلم القنطره بتاع سحب العربيه
الكاتالوجات
كتيب الضمان لو وكيل
راجع علي الانوار وكل الكماليات والتكييف ..جرب البلوتوث علشان كان فيه مشكله عندي وصلحوه
شيل الاستكيرات البيضه كلها وخد معاك كشاف شوف بيه كل حته في دهان العربيه وماتستلمهاش لو فيها خربوش او فيها اي جزء من الدهان مش متجانس
ماتنساش المفاتيح وكودها
سوق العربيه عادي وشغل التكييف بس خلي مؤشر الا ار بي ام مايعديش3
ما تثبتش علي سرعه واحده لفتره طويله وتجنب الفرامل الفجائيه...يعني رفع السرعه بالتدريح وخفضها بالتدريج وبرده الفرمله براحه
وربنا يباركلك فيها ويكفيك شرها

الف شكر ليك و كنت عايز اسأل الكاتالوجات بيبقى عددهم كام ؟؟

[mr.moustafa]

الف مبروك مقدماً
بردوا أتاكد من طقم العدة الموجود فوق الأستبن لأني لسه مستلم من حوالي 3 أسابيع من سمير ريان وكنت فرحان طبعا وهمي كلو اني اركب وامشي ومن يومين اكتشفت ان فيه حاجه ناقصة في الطقم دا ( لها مكان ومش وموجودة )
وألف مبروك

ربنا يبارك فيك ، هو طقم العدة بيبقى فيه ايه بالظبط ؟؟؟

[mr.moustafa]

متابع ....
نرجو المشاركة من الجميع

[mr.moustafa]

ربنا يبارك فيك ، هو طقم العدة بيبقى فيه ايه بالظبط ؟؟؟

+++

[Dr . Mohamed]

الف شكر ليك و كنت عايز اسأل الكاتالوجات بيبقى عددهم كام ؟؟

اتنين عربى و انجليزى

[mr.moustafa]

الف شكر دكتور محمد