هل هناك لاصق يتم تثبيته على الزجاج الامامى للسيارة للحفاظ عليه

[fineart607]

الموضوع باختصار هل هناك لاصق يتم تثبيته على الزجاج الامامى للسيارة للحفاظ عليه ومقاوم لصنفرة الرمال على الطريق
من الاخر واحد قالى ب 300 جنيه ومحتاجه بس مش مصدق

[ahmedelrayan]

هو اصلا مفيش الكلام ده بس ممكن بتوع الكماليات يجيبوا لاصق شفاف ويلزقوه على الزجاج ويقولك انه بيحمى الزجاج من النقر والكلام ده هو فعلا ممكن يكون بيقلل موضوع النقر بسبب ان اللصق ده بيقلل حدة الخبطة اللى بتسبب النقر لكن بعد فترة هتلاقى اللاصق ده كله خرابيش ومش هتبقى شايف حاجة من الزجاج الامامى

[mr.moustafa]

أيوه اللاصق ده موجود و هو عبارة عن عازل حراري فيه مواصفات زيادة شوية في انه شفاف و بيعمل حماية للزجاج لأنه بيلزق على الزجاج من الخارج
الأنواع النضيفة منه زي 3m و لومار و في كوول مش بيتخربش بسهولة و بيبقى عليه ضمان على الأقل سنة كاملة ضد اي مشكلة حتى الخرابيش

[omar101970]

اللى اعرفه انه العازل الحرارى زى 3m او v cool بيتزلق من جوا مش من برا وعلى الزجاج كله علشان تتديك كفاءه عزل حرارى كويس والفايده منه انه بيكون عازل حرارى للسياره وبتلزق من جوا زى ما أعرف وفى تنضيفه بيكون بفوطه قطن مبلوله ميه مش اكتر وبحرص طبعا
لأن لو اتلزق من بره حايتخربش وبعد شويه حاتبقى مشكله وانتا سايق
لكن فيه حاجه اسمها افلام حمايه ودى اللى بتحمى من الرمل وغيره وببتلزق من برا على الفوانيس والأكصدام عاده
وممكن الزجاج الأمامى وممكن على جسم العربيه كله.

[fineart607]

هو اصلا مفيش الكلام ده بس ممكن بتوع الكماليات يجيبوا لاصق شفاف ويلزقوه على الزجاج ويقولك انه بيحمى الزجاج من النقر والكلام ده هو فعلا ممكن يكون بيقلل موضوع النقر بسبب ان اللصق ده بيقلل حدة الخبطة اللى بتسبب النقر لكن بعد فترة هتلاقى اللاصق ده كله خرابيش ومش هتبقى شايف حاجة من الزجاج الامامى

عندك حق انا ركبته ومش مريحنى فى القيادة بالليل ما بالك لما يقدم

[fineart607]

أيوه اللاصق ده موجود و هو عبارة عن عازل حراري فيه مواصفات زيادة شوية في انه شفاف و بيعمل حماية للزجاج لأنه بيلزق على الزجاج من الخارج
الأنواع النضيفة منه زي 3m و لومار و في كوول مش بيتخربش بسهولة و بيبقى عليه ضمان على الأقل سنة كاملة ضد اي مشكلة حتى الخرابيش

ممكن اعرف سعره ومن فين اقدر اجيبه لان الى ركبته شكله اشتغاله وهروح اتخانق معه انهرده

[fineart607]

اللى اعرفه انه العازل الحرارى زى 3m او v cool بيتزلق من جوا مش من برا وعلى الزجاج كله علشان تتديك كفاءه عزل حرارى كويس والفايده منه انه بيكون عازل حرارى للسياره وبتلزق من جوا زى ما أعرف وفى تنضيفه بيكون بفوطه قطن مبلوله ميه مش اكتر وبحرص طبعا
لأن لو اتلزق من بره حايتخربش وبعد شويه حاتبقى مشكله وانتا سايق
لكن فيه حاجه اسمها افلام حمايه ودى اللى بتحمى من الرمل وغيره وببتلزق من برا على الفوانيس والأكصدام عاده
وممكن الزجاج الأمامى وممكن على جسم العربيه كله.

الى لصقته على الاكصدام والكابوت الكاربون الشفاف لكن لا يصلح للزجاج الواد الى عندى جاب لى واحد شفاف بس بعد ما ركب مقرف فى القيادة ليلا لن الخرابيش وحركة الرشكته ظاهره على الزجاج بالليل انا محتار جدا

[kimo haider]

متابع

[mr.moustafa]

الى لصقته على الاكصدام والكابوت الكاربون الشفاف لكن لا يصلح للزجاج الواد الى عندى جاب لى واحد شفاف بس بعد ما ركب مقرف فى القيادة ليلا لن الخرابيش وحركة الرشكته ظاهره على الزجاج بالليل انا محتار جدا

يا افندم الفيلم اللي بيتلزق على الزجاج الأمامي هو نوع معين من افلام العزل و الحماية و خاص بالزجاج الأمامي .. ما ينفعش اي نوع يتحط علشان هايسبب مشاكل في الرؤية زي ما حصل معاك

مافيش عازل مخصص للزجاج الأمامي بيتلزق من الداخل و اللي يقول كده يبقى بيضحك عليك و بيركب ليك عازل عادي من بتاع الزجاج الجانبي و الخلفي و ده غير مخصص للزجاج الأمامي لأنه هايعمل مشاكل في الرؤية

[meeedooo]

كان في موضوع هنا في المنتدى عن شركه في مدينة نصر شارع عبد الرازق السنهوري عندها لزق ضد الكسر و عازل للحراره الموضوع كان معم بصور و فيديوهات كتيره و طالما ضد الكسر اكيد ضد الخرابيش

[aymn6666]

الي ضد الكسر
بيبقي للزجاج الجانبي ..لان ده الي بيتكسر ويتفتت
لاكن الخلفي والامامي مش بيتكسر