اتوبيس خبطنى و مشى

[dizel]

كل عام و انتم بخير

ارجوكم افيدوني

امبارح الساعه 3 الظهر واقف مستنى دورى عشان ادخل الشارع يمين و الطريق واقف, اتوبيس هيئة نقل عام ازرق كان بيحاول يطلع مني شمال و لقي رصيف قدامه لان الشارع ضيق قام حاككلي بجنب الاتوبيس من اول الببان القدامانيه للاتوبيس لحد ما خرج بالكامل ,,,, اما عندى ف الفانوس بالرفرف بالاكصدام شمال كله اتدغدغ..... و لما بكلمه قل ادبه و لولا انى معايا مراتي مكنتش سببته,,, قلتله هاتيجى معايا اعمل محضر الركاب اخدوه و قلوله امشى و سيبك منه :((((
و مشى :((( مشعارف يرضى مين ده

المهم العربية فاضلها شهرين على التامين و هى موديل السنه دى 2014 سيراتو

قولولى اعمل ايه غير المحضر و الاجرائات ايه عشان اصلحها ؟!!

و بعدين المرايا اليمين مكسوره.... ينفع اخلى التامين يصلحها بالمرة و لا دى لازم اجرائات جديدة؟!!!

انا كتبت شكوه فى هيئة النقل العام و قدمتها اون لين على البوابه الحكوميه غير الايميل الى بعته لهيئة النقل العام.... تفتكروا فى امل حد يرد و هل فى حاجة تاني كنت المفروض اعملها؟؟؟!!!

افيدونى افادكم الله .....
كل سنه و انتم بخير

[محمد سمير حسين]

معلش يا باشا ربنا يعوض عليك ويصبرك عامة الحق نفسك علشان تلحق التأمين وربنا معاك

[shiko85]

قدر الله و ما شاء فعل
الحمد لله على كل شئ
المفروض بتكلم مندوب التأمين و هو بيقولك تعمل ايه بالظبط
كل حاجه هتتصلح على حساب التأمين الخبطه و الفانوس و المرايا
العربيه بعد ما تعمل المحضر و المندوب يتفق معاك هتصل فالتوكيل و لا بره العربيه تروح الورشه و تقدر قيمه الأصلاحات
هو سواق الأتوبيس مشى بس هتاخد حقك منه ان شاء الله و هيندم اشد الندم

[Sameh samy]

باشا كدة كدة مكنتش هتاخد منو حاجة ايش ياخد الريح من البلاط
اوع في يوم تهزق نفسك مع الاشكال دي
العوض عند ربنا انا عمري مخدت من واحد جنية ولا اقبلو في عربيتي مع الرغم من اعتراف الطرف التاني بغلطتو
كل الحكاية ان الواحد بينزل يتفش فيهم وبس
وربنا يستر علينا جميعا

[aelsayed74]

الحمد لله على كده
انا بردو يوم الخميس اللى فات سواق تاكس فيرنا خبط عربيتى ناحية الشمال وعمل بردو الحبتين بتوع العينة دى بس الواحد رد عليه وهوا واقف بدون ما يهزا نفسه وفعلا الناس دي ماتستاهلش الواحد يضيع وقته معاهم والعوض على الله وقدر الله وماشاء فعل

[mahmoud_ali]

ربنا يعوض عليك وان شاء الله حقك هيرجعلك

[MOTOR HEAD]

طلعت و قود حيوى مش ديزيل

ربنا يعوض عليك

[bakkarahmed]

الحمد لله وربنا يعوض عليك...بص لقدام وماتندمش علي رد فعلك ساعتها...اينعم كنت ممكن تطلع تقفل عليه وتعمل محضر بس ملحوقه اعمل فيه محضر انه خبطك وهرب وترفق بيه فاتوره التلفيات اللي حصلت ...هتاخد فيها حكم وممكن حكم غيابي وساعتها هايجي يبوس ايدك
بس الاهم موضوع التامين وتصليح العربيه حاول تظبطه علشان تبقي الخساير قليله
احمد ربنا ...فيه غيرك مشاكلهم بيتمنوا انها تيجي علي قد الفلوس
رمضان كريم

[S O P H O S]

ربنا يعوضك خير معلش

[mr.moustafa]

ربنا يعوضك خير معلش

آميييييييين