سيراتو 2014 عربيه واطيه على المطبات :(

[zikozoko]

انا زهقت من علو العربيه دي على المطبات الزباله بتاعتنا ومحدش يقوللي العربيه عاليه لأ العربيه مش عاليه ولا حاجه وخصوصا لما تركب فردين معاك واحد قدام والتاني ورا ومع اول مطب عالي سنه بسيطه هووووووب اسمع احلى حكه الا بقه لو عملت حركات بهلاوانيه وتاخد المطب بالجنب وبسرعة السلحفاه ودي مش دايما تقدر تعملها خصوصا لو الطريق زحمه وفيه عربيات تانيه على يمينك وشمالك والعربيات اللي وراك عماله تكلكسلك على اخرها علشان تستعجل سيادتك

يا جماعه حد يشيفلنا طريقه نعلي بيها العربيه شويه
وهل ممكن نغير اليايات ( ستس ) العربيه اللي ورا بنوع اعلى زي الكرولا 2007 مثلا
او اي طريقه تانيه

للعلم معايا سيراتو 2014 خليجي تاني فئه جنوط حديد 15

[bakkarahmed]

انا كنت مركب 3 افراد معايا وماحكتش خالص والحمد لله
بس لو المطب غشيم هاتحك زيها زي اي عربيه سيدان
خليجي 2015 جنط 16

[عبدالله برعى]

اظن التعديل فى السوست اللى ورا لسه محدش عندة خلفية

بس اغلب الناس اللى اشترتها وعملت تقارير مش بتشكى من الموضوع دا

سوال لو نفس المطب بنوع عربية اخرى هل حتحك ولا لاء

دا الفيصل


ربنا يكرمك بيها ويديك خيرها

[rafikesmat]

ولله انا مش بحس انها واطية و بصراحة عمرها محكت معايا فى مطب سيراتو 2014 خليجى جنط 16

[ahmad--ezzat]

العربيه محدش اشتكي من ارتفاعها....امال لو معاك سيفيك

[Dr . Mohamed]

اضبط الكاوتش كويس على 32 و جرب

[waleedlotfy]

علي العربية من الخلف بكاوتشة تعلية 1.5 سم أعلي السوستة. جربتها في سيراتو 2014 خليجي جنط 17 و النتيجة ممتازة.

[mr.moustafa]

العربية اصلا مش واطية كده .. عموما جرب كاوتشة التعلية ديه ز هاتقرق جدا معاك

[spidars]

عمرها محكت جنط 17 غير في مطب من بتوع طنطا علي الزراعي كنت راكب 5 في العربيه واتغشمت في النزول فحكت غير كده عشره علي عشره

[daliag]

شكرااا للافااده

[ezzzzo1983]

بصراحة العربيه ما شاء الله عليها عمرها ما حكت في مطب

[zikozoko]

والله يا جماعه انا مستغرب ردودكم جدا يمكن انا اللي باخد المطبات بسرعه شويه ف بتهبد مايا وتحك في المطبات ممممممم ممكن برضه
انا في كفر الشيخ ولكم ان تتخيلوا غباء المطبات
والمشكله اني جنط 15 اللي المفروض علوه عن الارض اكبر من الجنط 16 و17 بسنتيمتر واحد طبقا للموقع ده
Tire Size Calculator - Tire & Wheel Plus Sizing

على العموم انا هجرب اقتراح استاذ وليد لطفي في حكاية كاوتشة التعليه دي وشكرا ليكم جميعا

[الجنرال]

العربية معايا بتحك بصراحة في المطبات لو في واحد بس راكب ورا .. مش عارف ليه

ايه موضوع كاوتش التعليه دي؟؟ اجيبها منين وبتركب فين؟؟

[2CODE]

ده حسب المطبات اللي بتطلع عليها وحسب المخلوق الغريب اللي عمل المطب ده (طبعاً 90% بيبقى مش انسان اللي عمل المطب يعني مخلوقات متنوعة !!!!!!!!)

[esam_ayad]

والله ياباشا الحمد لله العربيه معايا كويسه ومافيش مطب وقف قدامها(بس انا في الكويت والمطبات محترمه)
وعلشان كده لما جيت أشتريها(عربيتي جنط 17 فل أوبشن) طلعت جربتها في شارع مكسر وأخدت مطب كان قبله حفره وبعده حفره والكورولا بتاعتي موديل 2006 حكت فيه جامد من وره لكن السيراتو عدت من عليه عادي جدا وكان معايا نفس الناس في العربيتين.
وكمان في مطب واقف كده بيرفع العربيه ويهبدها علي الأرض مره واحده في باركنج في السالميه كانت الكورولا 2006 بتلحسه من أولها لأخرها وكنا بنبقي أربعه فيها ,لكن نفس الأربعه في السيراتو ولا الهوا كأني معدي علي مطب عادي.
ظبط معيار الهوا بتاع الكاوتشات ياباشا.أنا عاملهم علي طول علي 33