إعـــــــلان

Collapse

.

,
See more
See less

تقييم عن كيا سول 2015 و صيانه ال1000كم

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • تقييم عن كيا سول 2015 و صيانه ال1000كم

    بسم الله الرحمن الرحيم

    الحمد لله أشتريت كيا سول 2015 الشكل الجديد و لسه عامل صيانه ال1000كم يوم الأربع ألى فات

    علشان أخلى الموضوع مرتب حكتب المواضيع ألى حتكلم فيها
    1-المواصفات و الأسعار
    2-تقيمى للعربيه (المميزات و العيوب)
    3-تقييم لأبو رواش بعد عمل صيانه ال1000

    1-المواصفات و الأسعار

    الطول الكلى :4.150 متر , العرض الكلى :1.800متر ,الأرتفاع :1.593
    المسافه بين قاعده العجلات الأمامى و الخلفى 2.570متر , المسافه بين العجله اليمين و الشمال 1.576متر(أمامى) و 1.588 (خلفى)

    الموتور 1600 , 130 حصان ,و الفتيس 6 نقلات Steptronic , تانك البنزين 55 ليتر

    العربيه بينزل منها 3 فئات و كلهم أوتو

    EX
    السعر 156
    1أيرباج ,طاره ملتى ,ظبط و ضم المرايات كهرباء ,أشارات فى المرايات,تحكم فى البور ستيرنج (Sport, normal,Comfort(
    فوجات ,مساحات زجاج خلفيه , زجاج ملون خلفى و يمين و شمال خلفى فقط و ليس أمامى
    جنوط 16
    ريموت , أيموبلايزر ,التحكم فى أرتفاع كرسى السائق ,لمبه ستوب خلفى

    Highline
    السعر 176
    زياده عن ال EX
    2 أيرباج
    ABS ,جنط 17 ,مثبت سرعه ,فتحه سقف ,باركينج سينسور (خلفى)

    Topline
    السعر 205
    زياده عن الHighline
    جنط 18 ,ليدات أمامى و خلفى ,حساس أضائه, كاميرا و شاشه 4.3 أنش ,بلوتوث
    Push button Start engine ,بركينج سينسور أمامى و خلفى



    2- تقيمى للعربيه (المميزات و العيوب)



    العربيه بسم الله ما شاء الله جميله و من أول متركبها تحس بالفخامه و أنك كاشف الطريق قدامك


    طبعا الشكل الخارجى أذواق


    لما جبت العربيه كنت بدور على حاجه عاليه و سعر مناسب و تقفيل و خامات و توكيل كويس و الحمد لله أعتقد أنى لقيت ألى أنا عايزه



    المميزات


    1-الخامات الداخليه و التقفيل جيد جدا
    2-عزل الصوت الخارجى ممتاز
    3-صالون واسع
    4- الشنطه فى الموديل 2015 بقت أكبر و العربيه سقفها بقى أوطى من القديمه
    5-الثبات جيد
    6-العفشه مش ناعمه و مش خشنه ,عادى زى بقيه الكورى
    7-عاليه عن الأرض و ده طبعا مهم جدا فى مصر علشان خطوط الدفاع الأرضى ألى بتعملوه الحكومه و الاهالى( المطبات )
    8-الفيميه الخلفى مفيد جدا بيحمى الأطفال من الشمس و طبعا مثبت على الرخصه
    9- الفرامل كويسه جدا
    10-شكل العربيه مميز
    11-الكنبه ممكن تتنى لأسفل و يكون معاك ربع نقل لو عايز تنقل حاجه كبيره
    12-طبعا العربيه جرايه و بتجمع بسهوله و الفتيس ال6 سرعات بيريح الموتور



    العيوب


    الحمد لله لسه محستش بأى مشاكل أو عيوب و أكيد لما أواجه حاجه حقولها على طول


    1- سعر و سهوله أعاده البيع أكيد مش زى السيراتو
    2- قطع غيار العربيه مش منتشره ( انا مسألتش عليها بس أعتقد أنها مش منتشره أوى)
    3- لسه مجربتش العربيه فى الملفات الحاده أو على سرعات عاليه , أعلى سرعه وصلتلها 140 و كانت ثابته و مفيش مشكله





    3- صيانه ال 1000 كم فى أبو رواش


    على طول بروح القطاميه أو السبع أو وروكسى فى صيانه الريو بس المره ديه قولت حاروح أبو رواش



    روحت عملت صيانه ال 1000كم فى أبو رواش بعد الفطار


    بصراحه أول و أخر مره أروح هناك ,مش عارف اذا كان ده الطبيعى ولا علشان رمضان بس


    1- مهندس الأستقبال تقريبا مبيفهمش حاجه (مش تريقه والله) مش عارف الفرق بين البوجيهات البلاتينوم و العاديه وحاجات تانيه
    2- مكان الأستراحه مفهوش فيه شبكه يعنى لو حد حب يكلمك على الموبيل محدش حيعرف يوصلك و طبعا لما العربيه تخلص لازم يبعتوا حد يدورعليك
    3- فيه حشرات و نمل و صراصير فى مكان الأستقبال
    4- كان فيه واى فاى بس بيشتغل فى الأستراحه بس و السرعه بطيئه أوى
    الباسورد Kiawifi2011

    5-ألى سلملى العربيه العامل مش المهندس و ملقتش أى مهندس أسئله أيه ألى حصل فى العربيه
    6-طبعا علشان بعد الفطار كان مفيش كافيتيريا و الشو رووم مقفوله ,بس عملولى شاى مجانا
    7-غيرت زيت و فلتر و دفعت 356 جندى
    8-ميعاد الحجز كان 9 ,و كنت موجود فى الميعاد , المهندس أستلم العربيه 9:30 و أستلمتها من العامل تقريبا 11:00
    9-العامل كان عايز فلوس بس أنا طنشته


    أسف جدا على الأطاله بس كنت عايز أكتب تقييم كامل


    لو فيه حاجه مش واضحه أو لو فيه أى سؤال أنا تحت أمركم


    ولو حد ناوى يشترى و عايز يجرب العربيه أنا تحت أمره فى أى وقت



    م/تامر محمد

    تم اضافه بعض الصور من مشاركه لاحقة
    الادارة








  • #2
    ياباشا تقري اكثر من رائع و بالكامل و بالتفصيل مشاء الله على حضرتك، و جزائك الله خيراً
    "من سئل عن علم علمه ثم كتمه ألجم يوم القيامة بلجام من نار"

    Comment


    • #3
      ربنا يباركلك فيها و يحفظك
      سبحان الله و بحمده ... سبحان الله العظيم

      Comment


      • #4
        بصراحة كيا سول الشكل الجديد تختلف تمام عن الموديل اللي قبلها

        الجديدة شكلها شيك اوي

        القديمة شكلها معفن .. تحسها كائن غريب مش عربية خالص

        مبروك عليك العربية و شكرا على المعلومات
        [CENTER]"سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"[/CENTER]
        [CENTER][SIGPIC][/SIGPIC][/CENTER]

        Comment


        • #5
          عـربية جميلة فعلا
          ربنا يباركلك فيها يا غالــي ّ ..

          Comment


          • #6
            حضرتك معاك انهي فئه وياريت صور
            سبحان الله وبحمده سبحان الله العظيم

            Comment


            • #7
              تقرير جيد
              الف مبروك
              [SIGPIC][/SIGPIC]
              [COLOR="Magenta"][/COLOR]

              Comment


              • #8
                المشاركة الأصلية كتبت بواسطة kantofanto مشاهدة المشاركة
                ياباشا تقري اكثر من رائع و بالكامل و بالتفصيل مشاء الله على حضرتك، و جزائك الله خيراً
                ألف شكر لحضرتك و جزاك الله خيرا

                المشاركة الأصلية كتبت بواسطة hunting_eagle مشاهدة المشاركة
                بصراحة كيا سول الشكل الجديد تختلف تمام عن الموديل اللي قبلها

                الجديدة شكلها شيك اوي

                القديمة شكلها معفن .. تحسها كائن غريب مش عربية خالص

                مبروك عليك العربية و شكرا على المعلومات
                ألف شكر لحضرتك , فعلن السول الجديده شكلها مختلف و طبعا الموتور و العزل أختلف برضه

                المشاركة الأصلية كتبت بواسطة s o p h o s مشاهدة المشاركة
                عـربية جميلة فعلا
                ربنا يباركلك فيها يا غالــي ّ ..
                ألف شكر يا باشا

                المشاركة الأصلية كتبت بواسطة j a g u a r مشاهدة المشاركة
                تقرير جيد
                الف مبروك
                ألله يبارك فيك ,
                المشاركة الأصلية كتبت بواسطة safsaf43 مشاهدة المشاركة
                ربنا يباركلك فيها و يحفظك
                ألف شكر لحضرتك

                Comment


                • #9
                  المشاركة الأصلية كتبت بواسطة ibizaman مشاهدة المشاركة
                  حضرتك معاك انهي فئه وياريت صور
                  أنا معايا الفئه الأولى
                  أسف مش بعرف أنزل صور فى المنتدى هنا,
                  لو حد يقدر ينزل كام صوره من النت يبقى كتر خيره

                  Comment


                  • #10






                    Comment


                    • #11
                      تسلم أيدك يا باشا ،
                      النبيتى فى السول تحفه

                      Comment


                      • #12
                        تسلم أيدك يا باشا ،
                        النبيتى فى السول تحفه

                        Comment


                        • #13
                          الف مبروك بس قولي عربيه حضرتك فيها الباكتات السوده
                          سبحان الله وبحمده سبحان الله العظيم

                          Comment


                          • #14
                            المشاركة الأصلية كتبت بواسطة ibizaman مشاهدة المشاركة
                            الف مبروك بس قولي عربيه حضرتك فيها الباكتات السوده
                            ألله يبارك فيك
                            أيه الباكيتات السوده ديه؟

                            Comment


                            • #15
                              اقصد الفبر الي علي دواير الرفارف وف العتب تحت
                              سبحان الله وبحمده سبحان الله العظيم

                              Comment

                              Working...
                              X