ألاقي دواسات نضيفة للسيرانو 2014 فين؟

[Omar Gamal]

كل سنة و انتوا طيبين يا أهل كيا و عيد سعيد عليكم يا رب

أنا تايه من أول رمضان على دواسات نضيفة للسيراتو الشكل الجديد بس مش لاقي حاجة عدلة و كلها حاجات تعبانة و غالية كنت شوفتها في شارع دمشق

حد يعرف مكان معين ممكن أروحله و ألاقي عنده؟ و يا سلام لو قبل العيد

[aymanshebl]

شوف فى التوفيقية

[hany63]

لو التوكيل عنده حاجه اصلي حتى انشالله ب ٥٠٠ جنيه فكك من التوفيقيه و دمشق
معاك انهم حراميه بس مهما جبت من بره مش هتبقى زي الاصلي
انا رميت ٣ اطقم غاليين عشان عملت ناصح و اقعدت اقص و احاول اوفق و في الاخر شكلهم بيبقى وحش في الصالون و بيتحشروا تحت الدواسه
وفي الاخر رحت جبت الاصلي من الوكيل و رغم انها موكيت اسود بس اخر فخامه و الجزمه مش بتعلم جامد فيها زي ما كنت فاخر و فين و فين لما بنضفها

[Omar Gamal]

لو التوكيل عنده حاجه اصلي حتى انشالله ب ٥٠٠ جنيه فكك من التوفيقيه و دمشق
معاك انهم حراميه بس مهما جبت من بره مش هتبقى زي الاصلي
انا رميت ٣ اطقم غاليين عشان عملت ناصح و اقعدت اقص و احاول اوفق و في الاخر شكلهم بيبقى وحش في الصالون و بيتحشروا تحت الدواسه
وفي الاخر رحت جبت الاصلي من الوكيل و رغم انها موكيت اسود بس اخر فخامه و الجزمه مش بتعلم جامد فيها زي ما كنت فاخر و فين و فين لما بنضفها

أنا والله سألت في التوكيل في روكسي و في أبو رواش و مفيش عندهم أي حاجة للعربية ولا دواسات ولا غيره. حضرتك جبتهم من أنهي توكيل أو فرع؟

و لو مفيش في التوكيل تنصحني بإيه؟ و ألف شكر

[الجنرال]

للاسف انا بدور عليها برضه ومش عارف اجيبها .. ودلوقتى بحاول اجيبها من السعودية لانها اولا ارخص وثانيا متوفرة هناك عن هنا

لو في حد ممكن يوفرهالنا من السعودية يبقى تمام جدا

[A.Saad]

فيه مصنع دواسات اسمه موسو تقريبا
ليه فرع فى التوفيقية وفر ع فى شارع بورسعيد
عنده حاجات عادية وحاجات محترمة

[Mido Casper]

اطلع علي سبير كار ليه فروع ف كل حته وحاجته كويسه واسعارو مناسبه وهاتها جلد بلاش تكون موكيت عشان السوايل ف اسؤا الظروف