مساعدة فى شراء سيراتو 2011

[eslamhamdy]

السلام عليكم ورحمه الله وبركاته
عيد سعيد لكل اعضاء المنتدي و كل عام و انتم بخير
ان شاء الله مقبل على شراء سيراتو 2011 نص فل - مكان االاقامة السعودية
فلو سمحت محتاج اعرف اية الى ابص عليه في العربيه و اية الحاجات الى اخد بالي منها

وهل ممكن انى اركب ليها التكييف ديجيتال لان الموجود فيها العادي + هل ممكن اركب الحساسات الخلفية بتاعتها
و برده التارة هى فيها ازار بس بتوع الصوت بس
هل لو جبت تاره تانية الى فيها ازار المكالمات و ركبت كاسيت فيه البلوتوث يشتغلوا غادي

[عبدالله برعى]

يوجد مشاركة لى فيه الجزء الاول كيفية شراء السيارات المستعملة

[ahmedelrayan]

طيب وليه حضرتك تشترى فئة وتعدل عشان توصل لفئة تانية طيب ماتشترى فئة الsx وموجود فيها كل اللى حضرتك عايزه

[احمد المصرى]

ممكن تركب حساسات بس انت عايز تغير حجات كتير ممكن تبحث عن فءه موجود فيها ال انتوعايزه افضل من التركيب

[eslamhamdy]

طيب وليه حضرتك تشترى فئة وتعدل عشان توصل لفئة تانية طيب ماتشترى فئة الsx وموجود فيها كل اللى حضرتك عايزه

اشكرك اخي الكريم على الرد ولكن صعب تﻻقي مستعمل نظيف فى السعودية وﻻن مكان اقامتى اصﻻ المدينة المنورة و هنا اسعار السوق غالية فلقيت فئة النص فل في جده و الصراحه نظيفه و ماشيه 45 الف بس وعلى مسافات هنا تبقي ممشيتش اصﻻ والوقت محتاجها بسرعه فعشان كده كنت بفكر فى الحاجات دي ولكن هي الحمد الله مقارنة بعربيتي الى قبليها كانت مكواة 2003 فاضية خالص يبقي في تطورات

[Mohamedjetta]

اشكرك اخي الكريم على الرد ولكن صعب تﻻقي مستعمل نظيف فى السعودية وﻻن مكان اقامتى اصﻻ المدينة المنورة و هنا اسعار السوق غالية فلقيت فئة النص فل في جده و الصراحه نظيفه و ماشيه 45 الف بس وعلى مسافات هنا تبقي ممشيتش اصﻻ والوقت محتاجها بسرعه فعشان كده كنت بفكر فى الحاجات دي ولكن هي الحمد الله مقارنة بعربيتي الى قبليها كانت مكواة 2003 فاضية خالص يبقي في تطورات

اتكل علي الله وجبها طالما نضيفه وفعلا لما كنت مسافر بري من سلطنه عمان لحد مصر بالعربيه ولما عديت علي السعوديه اوووف مجانين وبيحرقوا علي العربيات جامد وبيعشقوا الدريفت و بيطلعو عين العربيه
يا سلام اللي رايح تجيب منه العربيه يكون وافد عشان هيكون مهتم بالعربيه
ربنا يوفقك للاصلح انشاء الله

[hi_nmr]

معروضه عليك بكام ؟
اخوك في الدمام :)

[عبدالله برعى]

http://www.nilemotors.net/Nile/433046-a.html

[eslamhamdy]

اتكل علي الله وجبها طالما نضيفه وفعلا لما كنت مسافر بري من سلطنه عمان لحد مصر بالعربيه ولما عديت علي السعوديه اوووف مجانين وبيحرقوا علي العربيات جامد وبيعشقوا الدريفت و بيطلعو عين العربيه
يا سلام اللي رايح تجيب منه العربيه يكون وافد عشان هيكون مهتم بالعربيه
ربنا يوفقك للاصلح إن شاء الله

الحمد الله هى صحيح فيها كام خربوش من بره بس الحمد الله لسه هاكشف عليها فالتوكيل احسن و اضمن
بس لو ممكن تحكيلنا عن موضوع النزو ل بالعربية لاني ناوي ان شاء الله

[eslamhamdy]

معروضه عليك بكام ؟
اخوك في الدمام :)

معروضة على 30 الف

[Mohamedjetta]

الحمد الله هى صحيح فيها كام خربوش من بره بس الحمد الله لسه هاكشف عليها فالتوكيل احسن و اضمن
بس لو ممكن تحكيلنا عن موضوع النزو ل بالعربية لاني ناوي ان شاء الله

لازم تعمل التربتك قبل ما تسافر بشهر لانه بيغيب حبتين واجراءاته رخمه و عشان تعمل التربتك بيطلبو ضمانه بنكيه ودي يجي 9 الاف جنيه ولما ترجع من السفر تاخدهم تاني
اما حكايه الطريق بص انا طبعا عشان جاي من سلطنه عمان فطريقي مختلف بسيط جدا
1- بص لو فيه طريق من المدينه يوديك لحائل يبقي حلو
2- من حائل اطلع لحد تبوك
3- تبوك لحقل
4- ومن حقل لحد الدره وهناك الحدود السعوديه الاردنيه
5- هيختمولك انك خرجت من السعوديه
6- هتدخل الاردن وهيختمولك جواز السفر
7- هياخده منك 25 دولار في الاردن لجمارك ( بلطجه)
8- هتعمل تأمين لعربيتك و هتعمل تأمين لافراد اللي معاك( علي فكره كل الاماكن دي قدام الحدود الاردنيه بالظبط وهي عباره كذا كشك جمب بعض) واسم الشركه اللي بتعمل التأمين لافراد اسمها الاردنيه الفرنسيه لتأمين
9- جمب كشك التأمين بالظبط هتلاقي كشك حجز تذاكر العباره
10- هتطلع من كشك حجز التذاكر وهتروح لميناء العقبه وانت طالع من الحدود الاردنيه ميه ميه هتوه ومش هتعرف الطريق زيي والحل انك تشوف حد مصري يكون مسافر مصر زيك ويكون عارف الطريق لحد الميناء هناك
11- لما توصل هناك هتلاقي طابور عربيات وحاول تجري بسرعه عشان تبقي عربيتك في الاول
12- بعد لما تنزل من العباره و تركب عربيتك وهنا الدوخه بقي في مصر هتقف في طابور عريض فيه عربيات والظابط بينظمهم و هيجي الف واحد من الفنين يكشفو علي العربيه واسماء الكشف( بصمه - كشف موتور- ومفرقعات- طفايه- شنطه اسعافات) نسيت اقولك حاجه ابقي غير دولارات قبل ما تسافر واعمل حسابك انك تغير 400 دولار لجنيه مصري
13- بدل ما تبهدل نفسك في التأمين و الاجراءات هتلاقي الف مستخلص هناك وهيقولك جيب ورقك كله بتاع كشف الموتور والبصمه و وصل الطفايه ..... بعد تلت ساعات المستخلص هيجبلك ورقك كله بالنمر نويبع
14- تتكل علي الله وهتشوف انت رايح اي حته في مصر

ملحوظه: اشتري gps ضروري بالاخص في السعوديه واوعي تروح ميناء ضبا لانها زفت ونيله وممكن تقعد بالكذا يوم ومفيش عباره تيجي
ربنا معاك