الاسبورتاج اتخبطت من تحت

[mlmmemo0]

طبعا الجواب باين من عنوانه

اول امبارح بليل كنت ماشي في امان الله و اذ فجأه لقيت العربيه خبطت في بلاعه من تحت لقيت في فيبر كده محطوط من تحت لحمايه اجزاء الموتور بالكامل من تحت و متثبت بالكصدام و الموتور من تحت ده اتكسر و الحته اللي قدام الكاوتش دي اتكسرت مش عارف ايه الحل هل الفيبر دي موجوده و تتغير و ترجع فابريكا ولا تتلحم ولا ايه اللي يتعمل فيها
اسف علي الاطاله

[Ahmed.Essam]

حاجة خنقة
نفس اللي حصل معايا بالكيا ريو
ماشي على مهلي ومزاجي حلو وكاسيت وتمام
فجأة بلاعة مش باينة اساسا تاخد العربية من تحت من اولها لاخرها والله قلبي كان هيقف

اهم حاجة الحمدلله العربية هتكون مصفحة متقلقش
ارفع العربية وبص من تحت شوف حصل ايه في كارتيرة الزيت والشكمان
وشوف الجزء اللي اتكسر عندك ده والعربية مرفوعة عشان تعرف تعمل فيه ايه او صوره ونزل الصورة اسهل

[mlmmemo0]

الف شكر يا باشا علي الرد
هو الحمد لله مفيش حاجه حصلت في الشكمان او كارتيره الزيت هي الفيبر اللي موجوده تحت انا مشيت عليها 300 كيلو مفيش فرق في العربيه ولا بتحدف ولا حاجه بس الفيبر مكسور و نازل لتحت و بيحك في المطبات فا مش عارف هي موجوده اغيرها و تكلفتها كام تقريبا ولا الحمها عند اي حد بتاع فيبر مش مستاهله

[Ahmed.Essam]

لو حضرتك تقصد كارتيرة الرفرف .. انا اعرف انها بتتغير ومعرفش بصراحة لو ممكن تتلحم ولا لا
بس ممكن افضل تروح لحد بتاع فيبر يلحمها لو ينفع لو كويسة تمام مش كويسة غيرها ومش هتخسر حاجة

[J A G U A R]

طالما العربيه مفيهاش حاجه يبقى لو ينفع تتلحم الحمها وخلاص مش مستاهله

[mlmmemo0]

الف الف شكر يا رجاله المنتدي هعدي بالليل عند واحد بتاع فيبر يبص عليها و لو منفعش هروح التوكيل بكره اعملها في التامين

[Fadi Ezzat]

كلو بيتغير سواء المصفحة الفيبر او الكارتير ة

[mone_eg]

حاجة غريبة
نفس اللي حصل معايا بالكيا ريو تاني يوم العيد
ماشي على مهلي وكلة تمام والواد الصغير مبسوط بالعربية الجديدة
فجأة بلاعة مش باينة ناحية العجلة اليمين و نزلت العربية خبطت في الاسفلت ناحية الرفرف اليمين الجزء الي ورا العجلة
انا قلبي وقف وفرملت ونزلت اشوف الي حصل لاقيت الرفرف بالجزء الشفة المتثبت فيه في الشاسية اتنو
والحمدلله رب العالمين

[J A G U A R]

حاجة خنقة
نفس اللي حصل معايا بالكيا ريو
ماشي على مهلي ومزاجي حلو وكاسيت وتمام
فجأة بلاعة مش باينة اساسا تاخد العربية من تحت من اولها لاخرها والله قلبي كان هيقف

اهم حاجة الحمدلله العربية هتكون مصفحة متقلقش
ارفع العربية وبص من تحت شوف حصل ايه في كارتيرة الزيت والشكمان
وشوف الجزء اللي اتكسر عندك ده والعربية مرفوعة عشان تعرف تعمل فيه ايه او صوره ونزل الصورة اسهل

حاجة غريبة
نفس اللي حصل معايا بالكيا ريو تاني يوم العيد
ماشي على مهلي وكلة تمام والواد الصغير مبسوط بالعربية الجديدة
فجأة بلاعة مش باينة ناحية العجلة اليمين و نزلت العربية خبطت في الاسفلت ناحية الرفرف اليمين الجزء الي ورا العجلة
انا قلبي وقف وفرملت ونزلت اشوف الي حصل لاقيت الرفرف بالجزء الشفة المتثبت فيه في الشاسية اتنو
والحمدلله رب العالمين

سبحان الله

[عبدالله برعى]

الحل :

لو اتكسرت ومفيش منها اجزاء مفقودة يبقى تتلحم

اما لو

فى اجزاء مفقودة يبقى من الاخر اشترى جديد بس براحتك لانها مش موثرة

بس ممكن تكون موثرة لو كانت شادة معها الكلبسات


بالتوفيق

[عبدالله برعى]

الحل :

لو اتكسرت ومفيش منها اجزاء مفقودة يبقى تتلحم

اما لو

فى اجزاء مفقودة يبقى من الاخر اشترى جديد بس براحتك لانها مش موثرة

بس ممكن تكون موثرة لو كانت شادة معها الكلبسات


بالتوفيق

[Land_Cruiser]

ممكن تسأل عليها عند بتوع قطع الغيار و تركبها عند اي حد علشان اكيد هتفرق في السعر و المصنعيه كتير بدون داعي و تركيبها مش قصه يعني. لو ملقيتهاش ممكن تبقي تشوف في التوكيل

[محمد بدر]

الفيبر كله موجود في التوكيل وممكن كمان من بره التوكيل في شارع دمشق عند الجندي بالتحديد

[S O P H O S]

الواحد بقي مش بيحب يمشي بالليل
فأي منطقة جديدة بسبب الحوار ده