سخونة بالجنوط سيراتو 2015

[Dr . Mohamed]

طلعت مشوار بليل و مشوار قصير يمكن 8 كيلو بس
رجعت لمست الجنط صدفة اتلسعت
الجنوط الأمامية مولعة ، الخلفية سخونة خفيفة
مع انى حاطط نيتروجين
هل دا عادى ؟!

شئ تانى ,,,, انا بغطى العربية و هى سخنة بعد أى مشوار بس مش بطلع بيها تانى
هل دا غلط ؟!

[eslam34]

متابع

[spidars]

المفروض الاثنين يكونو نفس بعض الي وري والي قدام لانها طنابير امام وخلف وعادي انك تغطي بعد مشوار والعربيه سخنه

[Fadi Ezzat]

عادى متشغلش بالك

[monamize4]

طبيعى ان الجنوط تسخن بس عشان تبقى مطمن ,,
ارفع العربية ف بنزينة و اتاكد ان العجل الامامى بيلف كويس و مش قافش
و ابقى اتاكد ان الفرامل الخلفية سليمة
وعادى انك تغطى العربية و هى سخنة

[hi_nmr]

سخونيه الجنوط عادي خالص لكن اللي بيسخنها زياده عن اللزوم حاجه واحده وهي تيل الفرامل لو ماسك علي الطنابير وبيحك فيها طول ما انت ماشي
اكشف عليها مش هتخسر حاجه ولو التيل سليم يبقي دي سخونيه طبيعيه متقلقش
تعالي عندنا السعوديه ولو جدع تقرب بس منه مش تلمسه :)

[hi_nmr]

سخونيه الجنوط عادي خالص لكن اللي بيسخنها زياده عن اللزوم حاجه واحده وهي تيل الفرامل لو ماسك علي الطنابير وبيحك فيها طول ما انت ماشي
اكشف عليها مش هتخسر حاجه ولو التيل سليم يبقي دي سخونيه طبيعيه متقلقش
تعالي عندنا السعوديه ولو جدع تقرب بس منه مش تلمسه :)

[hi_nmr]

طبيعي جدا ان الجنوط تسخن بس اللي يسخنها زياده عن اللزوم حاجه واحده وهي تيل الفرامل لما يبقي ماسك علي الطنابير وبيحك فيها وانت ماشي ومش دريان فالتيل يتاكل بسرعه والسخونيه تزيد عندك
روح اكشف علي التيل والكلامب اللي ماسكه مش هتخسر حاجه ولو كلو تمام يبقي السخونيه دي طبيعيه وبعدين تعالي عندي السعوديه ولو قدرت تقرب من جنط العربيه بس مش تلمسه تبقي جدع :)

[Dr . Mohamed]

شكرا ً جداً ليكم يا جماعه
ملحوظة بسيطة أنا عندى الفرامل طنابير قدام بس
و أخونا spidars بيقول كله طنابير
دا ممكن يكون اختلاف فئة ؟؟!!
للتوضيح أكتر
من الأمام

من الخلف

[Moratoz]

طبيعي ان الحنوط الأمامية تبقي اكثر سيخونه مت الخلفيه نتائجه تحميل الفرامل علي الاماميه
حضرتك شوف سخونيه الجتطين الأمامين لو زي بعض خلاص يبقي تمام لو حضرتك مش سامع صوت احتكاك

[devil_storm]

الجنط مش بيسخن بطول المشوار او قصره .... الجنط بيسخن مع الفرامل الكتير و الجامده ... يعني ممكن امش ١٠٠ كم مع فرامل قليله و بالراحه و الجنط ميسخنش و ممكن امش ٥ كم سواقه رياضيه و فرامل جامده تخلي الجنط مولع

لو مفرملتش جامد كذا مره خلال ال ٨ كم يبقي ارفع العربيه و اتاكد ان العجل الامامي بيلف كويس و مش قافش و طبيعي ان الجنوط الاماميه تكون اسخن من الخلفيه

[spidars]

واضح ان عندك الفرامل الي ورا طبه مش طنابير فالحمل كله علي الفرامل الاماميه فطبيعي انها تسخن والوري يدوب تكون دافيه انا كان معايا النوبيرا كده ولما جبت الكارينز وهيا طنابير امامي وخلفي كنت مفكر الي وري زي النوبيرا وهتبقي دافيه ولما لمستها شوفت الويل وصابعي فقفق وورم من السخونه ده بالنسبه للي وري والي قدام نفس الوضع

[Dr . Mohamed]

اها تمام
شكراً لكم جميعاً
وصلت المعلومة
فعلاً المشوار بتاعى على الرغم من انه قصير الا ان اخره زحمة شوية و بدوس فرامل كتير
لكن انا متخيلتش ان سخونة الفرامل توصل للجنط
لكن فعلاً سخونة الجنوط الأمامية زى بعض و الخلفية زى بعض
معلش تعبتكم معايا