استشارة فى تركيب شاشة فى السيراتو

[الجنرال]

السلام عليكم ورحمة الله وبركاته

عايز اخد رأيكم فى حاجة عايز اعملها

عايز اركب شاشة وكاميرا خلفية .. وبما ان الشاشة اللى بتركب فوق المراية شكلها وحش وبتاعت تاكسي, فبفكر اركب شاشة تحت التابلوه

ايوة تحت التابلوه زي ما انا محدد فى الصورة دي









free image host



لقيت شاشة 7 بوصة .. هل مش هينفع تنزل جواها .. لكن الشاشة جاية بالضبط على قد الفتحة بتاعت مكان التخزين ده .. ولو ركبت عليه هتاخد حوالي 50% من مساحة الفتحة الطولية .. لكن فى العرض هتبقى جاية بالضبط عليها .. وهتركب بطريق انها تسقط فيها وهتبقى محشورة تمام فيها

فكرة تانية اني ممكن اجيب حامل ايباد او تيلفون بس كبير .. ويتثبت جوه المكان ده والشاشة تبقى راكبه فيه على مستوى منخفض علشان تعرف تتحكم فى التكييف


ايه رأيكوا في الفكرة دي؟

[eslamsubaru]

طيب ما تركبه مكان الكاسيت الأصلى : يعنى تجيب دى فى دى بالشاشة منه فيه و بيبقى فيه باكتات لكل عربية علشان تقفل المساحة اللى حوالين الكاسيت علشان يكون كجزء من التابلوه و يبقى وفرت عن انك تجيب الكاسيت اللى بالصورة الأصلى .. الباكتات دى هتلاقيها على النت و اسعارها بتكون فى حدود 200-400 جنيه بالتوصيل لحد بيتك .. و فيها لكل الماركات و لكل الموديلات.

[الجنرال]

معلش انا مش فاهم موضوع الباكتات ده .. ممكن تجيبلي لينك علشان افهم الموضوع اكتر

[Ahmed.Essam]

متابع معاك لاني بفكر في الموضوع ده بقالي فترة وعاوز اعمله في الريو بس اللي معطلني نفس كلامك ان الشاشة مش عاوزها تبقى مكان المراية
فيه حاجة تانية لو الشاشة هتتثب على التابلوه .. هل هنخرم في التابلوه !! ولا في طريقة تانية ؟

[eslamsubaru]

طيب ما تركبه مكان الكاسيت الأصلى : يعنى تجيب دى فى دى بالشاشة منه فيه و بيبقى فيه باكتات لكل عربية علشان تقفل المساحة اللى حوالين الكاسيت علشان يكون كجزء من التابلوه و يبقى وفرت عن انك تجيب الكاسيت اللى بالصورة الأصلى .. الباكتات دى هتلاقيها على النت و اسعارها بتكون فى حدود 200-400 جنيه بالتوصيل لحد بيتك .. و فيها لكل الماركات و لكل الموديلات.

الصور هتفهمك قصدى : حاجة تملى الفراغ اللى بيكون حوالين الكاسيت علشان يبان انه جزء من التابلوه و اى عربية ليها الباكتات دى هتلاقيها على النت

[IMG]http://www.google.com.eg/imgres?i

[الجنرال]

متابع معاك لاني بفكر في الموضوع ده بقالي فترة وعاوز اعمله في الريو بس اللي معطلني نفس كلامك ان الشاشة مش عاوزها تبقى مكان المراية
فيه حاجة تانية لو الشاشة هتتثب على التابلوه .. هل هنخرم في التابلوه !! ولا في طريقة تانية ؟

لا مش بتخرم (وان كان ده متاح لو عايز) انما بتيجي معاها لزق خاص بالتابلوه بحيث انها متقعش

لكن انا معرفش مدى قوته وتحمله قد ايه

[الجنرال]

الصور هتفهمك قصدى : حاجة تملى الفراغ اللى بيكون حوالين الكاسيت علشان يبان انه جزء من التابلوه و اى عربية ليها الباكتات دى هتلاقيها على النت

[img]http://www.google.com.eg/imgres?i

اه تمام فهمتك .. انا مش عايز اعمل كده لان الشاشة اللى هجيبها دي مش كاسيت .. مجرد شاشة فقط للكاميرا وممكن تركبها فلاشة وبتاع .. بس انا استخدامي الوحيد ليها هو الكاميرا الخلفية فقط

في انتظار باقي الاراء

[mr.moustafa]

لأ انا عندي رأي مختلف تماما
اشتري شاشة سيراتو على طول من غير لا فريم و لا بتاع
شاشة السيراتو موجودة في السوق بالكاميرا الخلفية و منها انواع اندرويد كمان و بتركب مكان الشاشة الاصلية بالضبط حتى لو اغلى شوية بس بتبقى مش هاتبوظ شكل التابلوه و بتبقى شيك و المفروض بنفس لون اضاءة التابلوه

[Ros]

باشا المصرفاوى اللى فى المقطم عنده الكاسيت زى اللى انت حاطه فى الصوره بالشاشه و الكاميرا و جى بى اس و نت ب 2800

[الجنرال]

باشا المصرفاوى اللى فى المقطم عنده الكاسيت زى اللى انت حاطه فى الصوره بالشاشه و الكاميرا و جى بى اس و نت ب 2800

ايوة عارف .. ولقيته عند اتنين تانيية باسعار اقل (2500 و 2700)

الفكرة انه غالي .. والاستخدام الوحيد الزيادة بالنسبة لي هو الكاميرا

صحيح الدي في دي شكله احلى واشيك .. لكن غالي

[mr.moustafa]

غالي بس شيك و شكل التابلوه و نفس لون الاضاءة البرتقالية
لكن اي حاجة تانية هاتبوظ شكل التابلوه خالص

[Ros]

لقيتها فين ارخص يا جنرال ؟؟

[Ros]

انا معايا اللى بينزل فى الخليجى بفكر أبيعه و أجيب التانى

[الجنرال]

انا معايا اللى بينزل فى الخليجى بفكر أبيعه و أجيب التانى

لقيته عند ادريان المهندسين ب 2700

ولقيته فى التوفيقية ب 2500

انت اللى معاك ده شكله عامل ازاي؟ وايه مشكلته .. يعني عايز تبيعه ليه وايه الفرق بينه وبين التاني؟

لو عندك صور للى معاك دلوقتى وريني ولو عجبني ممكن اشتريه منك (لو سعره كويس :d)

[Ros]

هو مافيهوش مشكله :) انا بس بفكر اجيب الاصلى بتاعها بالوش الكامل ليس الا

اللى معايا ده بالكاميرا الخلفيه و دى فى دى و بلوتوث و كارت ميمورى و يو اس بى