مساعدة بخصوص الكشف على سيارة مستعملة فى التوكيل

[lordlato]

السلام عليكم يا شباب

انا ناوى اشترى عربيه بيكانتو مستعمله و كنت عايز اكشف عليها فى التوكيل لانى ما اعرفش صنايعية نضاف لانها اول عربيه اشتريها فهل الكشف محتاج حجز و ايه اسعار الكشف و ارقام التليفونات ؟؟ و هل حد جرب الموضوع ده قبل كده فى توكيل كيا؟؟ ياريت مساعدتكم يا شباب لانى ناوى اشوف عربية الاسبوع ده و مش عارف اعمل ايه

[lordlato]

مافيش حد ياجماعه جرب موضوع انه يكشف فى التوكيل قبل كده ؟؟ طب ممكن حد يدينى رقم اكلمهم انا و اسأل

[lordlato]

اكتر من 40 مشاهدة و مفيش حد بيرد !!!!

[K_E]

بص ياباشا
نصيحة لوجه الله ماتكشفش غير في التوكيل او مركز خدمة معتمد من التوكيل

لو كيا ارشحلك مركز السبع الي في زهراء المعادي ده بيكون هادي جداً

ممكن كمان مركز الميكانيكيون العرب في شارع جوزيف تيتو فالنزهه

ده رابط فيه كل مراكز الخدمة المعتمدين من موقع كيا مصر الرسمي
كيا مصر | مراكز الخدمة المعتمدة

دول الي انا جربتهم بس شوف اي مركز خدمة معتمد لو في حاجه فالعربيه اكيد هيطلعها فالتقرير الي بيديهولك

التكلفه من 300 ل 500 تقريباً وبتفرق من مكان للتاني بس اتصل احجز الاول قبل ماتروح

[A.Saad]

الحجز على 19542

[lordlato]

متشكر جدا لردودكم . بس معلش سؤال تانى هل برضه هيقدر ياكدلى حالة العربية فابريكة ولا لأ من جوه و يأكدلى العداد بتاعها سليم و لا ملعوب فيه ؟

[A.Saad]

من جوة وبره اطمن
عداد ملعوب فيه تعمل ايه ؟؟

تسال على تاريخ الصيانات
لو هو عمل صيانة 80000 مثلا والع\داد 60000 يبقى ملعوب فيه
لكن لو مش بيعمل عندهم صيانات مش هتعرف تحكم

[lordlato]

لا هو قالى العداد 23000 كيلو و العربية موديل 2012 خليجى تانى فئة اوتوماتيك فيها جنوط و فوجات و مرايات ضم كهرباء و اشارات بالمرايه و سبويلر ماسك فى 80000 الف هل ده كده سعر كويس ولا غالى ؟؟؟