مشكلة في السيراتو

[SERGIOOO90]

يا جماعة عندي مشكلة في فتيس سيراتو 2013

لما أخلي الفتيس مانيوال ( ستيبترونيك)

النقلات اللي في الطارة بتشتغل تمام و بتنقل فوق و تحت

اما نقلات الفتيس ال + / - ساعات بتعلق و أغلب الوقت ما بتشتغلش

روحت التوكيل في صيانة العشرة و قاللي نضفنا السويتش و بتاع و بعد ما مشيت نفس المشكلة

تفتكروا المشكلة في إيه و إيه الحل ؟؟؟

[Dr . Mohamed]

روحلهم تانى دا عيب مصنعى

[mr.moustafa]

ارجعلهم تاني طبعا و ماتستلمش العربية الا لما تتأكد ان المشكلة اتحلت تماما تماما
حتى اذا وصلت لتغيير الفتيس بالكامل

[hi_nmr]

باشا المشكله دي كانت عندي وروحت التوكيل غيرولي علبه بلاستك كده تحت عصايه الفتيس لونها ابيض
العلبه دي هي اللي تعتبر عصايا الفتيس ولما بتحرك العصايا العلبه بتتحرك علي حسب ايدك وتبعت اوامر للفتيس عشان ينقل مانيوال زي ما انت عاوز
حجم العلبه دي تقريبا قد علبتين من علب المناديل اللي بنحطها في العربيه
من ساعه ما غيروهالي وكلو بقي تمام والحمد لله

[SERGIOOO90]

ألف شكر يا رجالة بس أنا مش عاوز عك كتير في العربية يعني لو هيفتحوا و كده كتير يبقى اسيبها احسن وللا إيه ؟

[Dr.M_baz]

طبعا ﻻزم تصلحها ده اوبشن مهم جدا ومميز في العربيه .... متسيبش حقك.

Sent from my GT-N8000 using Forum Runner

[hi_nmr]

ألف شكر يا رجالة بس أنا مش عاوز عك كتير في العربية يعني لو هيفتحوا و كده كتير يبقى اسيبها احسن وللا إيه ؟

يا عم متخافش الموضوع بسيط هو بيفك عصايه الفتيس والوش اللي تحته ده بس وبتظهر العلبه اللي بقولك عليها دي , بيغيرها بواحده جديده وشكرا علي كده
القصه دي بتاخد شغل 45 دقيقه تقريبا وهتبقي علي ضمان العربيه