الحمدلله استلمت دلوقت سيراتو 2014 نص فل في السعوديه

[memo_zezo]

السلام عليكم
استلمت من شويه سيراتو نص فل في السعوديه بعد حيره كبيره بينها وبين الالنترا وفي الاخر قررت اختار السيراتو لان الالنترا قريب هيتيغير شكلها ومشيت ييها يدوب 30 كيلو من المعرض للبيت وكنت عايز استفسر عن ضغط الكوتشات اخليه كام لاني حاسس بصوت المطباب بزياده باذن الله هبقي اكتب انطباعي عنها يمكن اقدر افيد اللي محتارين زيي زي منا استفدت من الموقع ومن اعضاؤه المحترمين وياريت لو في اي حاجه المفروض اعملها في فترة التليين متبخلوش عليا بيها

[Ahmed.Essam]

الف مبرووووك ربنا يحفظهالك ويباركلك فيها
ضغط الاطارات المناسب هتلاقيه مكتوب على القايم في الباب
وغالبا هيكون 32 بس اتأكد بردو ..

[Ahmed.Essam]

فترة التليين لمدة 1000 كم او زي ما مكتوب في الكتالوج :
ما تزودش سرعة المحرك عن 2000 او 2500 لفة في الدقيقة
ما تزودش سرعة المحرك بشكل مفاجئ .. زود السرعة بشكل تدريجي
ماتستخدمش الفرامل بشكل مفاجئ الا في الضرورة طبعا
ما تمشيش بالعربية على سرعة واحدة لفترة طويلة .. حاول تغير من معدل السرعة ونقلات الفتيس
وما تحملش العربية بأوزان تقيلة

[memo_zezo]

الف شكر ياغالي ويبارك فيك يارب هنزل دلوقت اشوف مكتوب كام ع القايم باذن الله وانا كنت فعلا عايز اظبطه علي 32 بس لقيت الراجل المندوب في ابنعرض بيقولي ظبطه علي 35 او 40 طبعا انا شكيت ف كلامه 40 ايه بس في الجو النار اللي احنا فيه ده بس

[Ahmed.Essam]

اها عندك في السعودية الحال مختلف اعتقد .. معلش فاتت عليا دي عموما على قايم الباب هتلاقي الضغط المناسب
والعفو يا فندم لا شكر ولا حاجة ..

[SERGIOOO90]

فعلا زي احمد عصام ما قال هتلاقيه على القايم عند قفلة الباب بتاع السائق و ربنا يباركلك فيها

[mr.moustafa]

اولا مبروك و ربنا يكتبلك خيرها و يكفيك شرها
انت اكيد جايبها من معرض لأن الوكيل ماعندهوش غير 2015
ياريت تقولنا السعر و المواصفات
ضغط الكاوتش على القايم 32 psi و ماتزودش عن كده و يفضل نيتروجين لأن في الحر الرهيب ده الهواء الجوي بيتمدد
في فترة التليين هاتلاقي مكتوب في الكاتالوج في أول الصفحات زي ما قال أخونا المحترم Ahmed.Essam و نزود عليها ممنوع تجر أي عربية في فترة التليين و أصلا الجر ممنوع في السعودية
هاتحط بنزين أخضر و أول صيانة عند 5000 كم

[Adnfalcon]

نصيحه لأي حد يشتري زيرو :
اول ما تستلم العربيه اطلع علي مركز كاوتش محترم لأن غالبا ضغط الهوا بيكون "عالي جدا" و يفضل تفضي الهوا وتحط نيتروجين
ومبروووك

[memo_zezo]

اولا مبروك و ربنا يكتبلك خيرها و يكفيك شرها
انت اكيد جايبها من معرض لأن الوكيل ماعندهوش غير 2015
ياريت تقولنا السعر و المواصفات
ضغط الكاوتش على القايم 32 psi و ماتزودش عن كده و يفضل نيتروجين لأن في الحر الرهيب ده الهواء الجوي بيتمدد
في فترة التليين هاتلاقي مكتوب في الكاتالوج في أول الصفحات زي ما قال أخونا المحترم Ahmed.Essam و نزود عليها ممنوع تجر أي عربية في فترة التليين و أصلا الجر ممنوع في السعودية
هاتحط بنزين أخضر و أول صيانة عند 5000 كم

ايوه جبتها من نعرض اسمه الميان في الحراج بعد ماروحت الوكاله كانت ب 67 الف رحت ولفيت كل المعارض ده اداني افضل سعر ب 57 الف فرق 10 الاف عن الوكاله بس 2014 وعموما هي افضل عشان استفاد من خصم الجمارك بتاع السنادي ومواصفاتها جنوط 17 بتا الفل حساسات اماميه وخلفيه تكيف دوال زون وتكييف خلفي مثبت سرعه تحكم دركسيون بلوتوث ويو اس بي واي يو اكس مرايات ضم واشارات ع المرايات وتغيير شفتات ورا الدركسيون وكشافات ضباب ومرايه تعتيم و2 ريموت وفتح الشنطه من الريموت دي اهم الاوبنشز بس عيبها وده ف كل اللي هنا 1 ايرباج فقط وبدون abs ودي بتنزل في الفل بس ودي غاليه بصراحه

[memo_zezo]

نصيحه لأي حد يشتري زيرو :
اول ما تستلم العربيه اطلع علي مركز كاوتش محترم لأن غالبا ضغط الهوا بيكون "عالي جدا" و يفضل تفضي الهوا وتحط نيتروجين
ومبروووك

بصراحه مش عارف هو بتاع الكويتش عنده نيتروجين?? انا بلاقي عتدهم الخرطوم بتاع الهوا ده معرفش ده بيبقي ايه عموما انا هسالهم واشوف هيقولوا ايه

[Adnfalcon]

بصراحه مش عارف هو بتاع الكويتش عنده نيتروجين?? انا بلاقي عتدهم الخرطوم بتاع الهوا ده معرفش ده بيبقي ايه عموما انا هسالهم واشوف هيقولوا ايه

النيتروجين تعرفه من المكنه بتاعته

[mr.moustafa]

لأ مش الخرطوم اللي على الأرض
بتلاقي في البنشر ماكينة لونها احمر او ازرق و مكتوب عليها نيتروجين و منتشرة على فكرة

[egyptiandiver]

الف مبروك علي العربية الجديدة good luck

[memo_zezo]

لأ مش الخرطوم اللي على الأرض
بتلاقي في البنشر ماكينة لونها احمر او ازرق و مكتوب عليها نيتروجين و منتشرة على فكرة

خلاص باذن الله همزل بكره اشوف بتاع بنشر عنده ده وبالمناسبه الضغط طلع مكتوب فعلا 32

[memo_zezo]

فعلا لقيت نيتروجين وطلع اصلا اللي كنت بحطه في الكاوتش نيتررجين بس انا معرفش ههههههه
معلش سؤال عبيط ازاي اعرف اذا كان عربيتي فيها abs او لا? اصلي المندوب قالي مفيهاش بس لما بشغل العربيه لمبه الاموبلايزر وال abs بتنور وبعدين بتطفي هل كده فيها والمندوبين بهايم مش فاهمين?? اصلي انا مستغرب دي الفئه اللي قبل الهايلاين ازاي ميكنش فيهاabs واذا فيها ازاي اتاكد منه ?