برجاء المساعده على وجه السرعه كيا ريو 2015

[Abdelkader.S.R]

السلام عليكم

السادة الكرام . برجاء مساعدتى في مشكله واجهتنى ومش عارف أتصرف إزاى. أنا إشتريت كيا ريو 2015 وكيل واستلمتها إمبارح وانا ماشى اوديها الجراج كنت ماشى على سرعه عاديه خالص يمكن ما تتجاوزش ال 50 بس حصل شئ غريب مرتين. وانا ماشى على 50 الطريق وقف فابتديت اهدى وادوس سنه سنه على الفرامل لحد أما جبت أخر الفرامل والعربيه وقفت والحمد لله ماعنديش أى مشاكل بس أنا ما غيرتش الفتيس لـ p وسبته زى ما هوه على d
المهم شيلت رجلى من على الفرامل والعربيه طالعه سمعت صوت تحت الدواسه كده خبطتين بالظبط فكان معايا واحد سمكرى أخدته معايا وانا رايح أستلمها علشان يكشفلى عليها برده المهم قالى ده عادى علشان أنت جبت أخر الفرامل بس. المهم وشويه واتكرر نفس الموقف وبرده سمعت الصوت هوه هوه وف نفس المكان. فبرجاء يا جماعه أفيدونى ضرورى بسرعه علشان لو كده أقدر أضغط على المعرض وأرجعهالهم أنهارده لو فيها حاجه
العربيه كيا ريو 2015 lxأوتوماتيك هاتشباك

[DEVIL333]

لو السيارة يوجد بها abs فهذا الصوت طبيعى لانك ضغط على الفرامل لاخرة
انما فى حالة عدم وجود abs فعليك الانتظار و اخبار التوكيل فى صيانة 1000
لان المعرض غير مسئول عنها

[Abdelkader.S.R]

شكرا يا ا/ ديفل 333على سرعة الرد، هى ما فيهاش abs بس ليه بتقولى المعرض غير مسئول أنا مستلمها من الوكيل الى في مصر الجديده وماضيلهم أن العربيه سليمه لكن ده عيب صناعه لو إتضح أنه عيب.

[DEVIL333]

المعرض مسئول فقط على تسليم السيارة و غير مسئول على عيوب الصناعة اول صيانة تكون بعد 1000 كيلو لاثبات حالة السيارة و اذا ظهر نوع من انواع العيوب لاكن بعد اول صيانة التوكيل غير مسئول عنها الا اذا اصدرت الشركة المصنة بيان بعيوب التصنيع فيقوم التوكيل بسحب السيارت

انصح حضرتك بتجريب السيارة جيدا لتحديد اذا كان يوجد عيوب اخرى

[baherhassan30]

اولا مبروك عليك العربية
ثانيا بلاش وسواس العربيات الجديدة ده
العربية مهما كان فيها هيتصلح وكله على الضمااااااااااااااااااان
ممكن الطقة دي من علبه الدركسيون .. وممكن من الفرامل زي ما الاخوة قالوا
وممكن يكون تربيط عفشة عادي ..
المهم جرب العربية واستمتع بيها وفي صيانة الـ 1000 كيلو قولهم على كل ملاحظاتك .. وهما هيظبطوها ..
افرح بالعربية وسيبك من الوسواس ده

[Abdelkader.S.R]

طيب ممكن حضرتك تقولى إزاى أكتشف إن في عيوب في العربيه يعنى مثلا أسمع إن ممكن نروح بنزينه ونرفع العربيه هنامك ونتأكد منها والشغل ده ، فهل فى حاجه كده او في حاجات تانيه أفضل أو حاجات أعملها بنفسى لأنى بصراحه جديد في القياده ومش ملم بحجات كتير وشكر على إهتمام حضرتك

[DEVIL333]

حاول القيادة على سرعات مختلفة
حاول تجربة الفرامل على سرعات مختلفة
حاول تجربة ثبات السيارة على 120 و هل يوجد رعشة او مشكلة فى الزوايا
حاول تجربة الفتيس على الوضع المانيوال
تجربة السيارة على rbm مختلفة بين العالى و الواطى
تجربة التسارع و الاستجابة لدواسة البنزين و الفرامل

[mac os]

زى ما قال الاخوه استنى لحد اول صيانه وقولهم على المشكله ولما تقف فى زحمه تجيب الفتيش الى n وليس p

[Abdelkader.S.R]

شكراً ياجماعه وجعله الله في ميزان حسناتكم

[hany63]

حضرتك بتسمع صوت حديد بيخبط لما بتشيل رجلك من على الفرامل صح ؟
بنسبة ٩٥ في الميه مفيهاش حاجه
اصل انا عندي صوت الطقه دي في السيفيك و بتبان و انا في الجراج
استمتع بالعربيه غالبا مفيهاش حاجه و لو قلقان اطلع بيها على التوكيل قبل ما ترخص و سمعهم الصوت و هتمشي و انت متطمن

[prooo]

عاااااادي جدا ياباشا ولا فيها اي حاجه تماما متقلقش دي حاجه طبيعيه جدا نتيجه الدوسه على الفرامل ومشوهتحصل الا لما تدوس اخر الفرامل وبلاش وسواس عربيتك مفهاش حاجهووده بيحصل في كل العربيات ....... وياريت الاخوه اللي بيفتوا باي كلام ميقلوش حاجه الا لما يكونوا متاكدين منها مع كامل احترامي لمساعدتهم بس ممكن بسبب كلمه زي دي تخليه يروح يكشف في البنزينه زي مقال ويستغلوا الموقف بحكم ان العىبيه جديده ..... الراجل جايب عربيه جديده ولسه مستلمها ولا ليه علاقه ب اي بي اس ولا علبه دريكسيون ....... ده صوت عادي جدا نتيجه احتكاك التيل بالطنابير وهو بيرجع لوضعه ااطبيعي من غير فرامل وبيحصل عند نقطه معينه في مشوار بدال الفرانل وانت واقف من السكون للحركه ..... ولما ان شاء تتعود على العربيه هتعرف هيا بتحصل امتى ومبتحصلش امتى ..... ومبروك على العربيه الجديده ... استمتع بيها وبريحه الفابريكه