سير الكاتينه مشقق المساعده .... صور

[tahakong]

السلام عليكم يا رجاله المنتدى
دلوقتى أنا عندى مشكله سير الكاتينه مششق زى الصور








العربيه عامله 54 ألف وشويه المنويل بيقول يتغير على 96 ألف
العربيه كيا شوما
السير ده السير الأصلى الفبريكه

السير من تحت سليم مفيهوش شقوق غير الشق الطولى الموجود بالصوره أعمل أيه أروح عند مكانيكى وأغيره ولا أسيبه مفيش مشكله

[ahmedsrs]

دا مش سير الكاتينة سير الكاتينة بيبقى جوه علبة بلستك للحماية وعموما بيتغير على 60 الف

[elpasha1]

غير السير حالا

[tahakong]

شكرا على الردود السريع وربنا يبارك لكم


ahmedsrs
مفيش علبه بلستيك هما سيرين السير ألى فوق مربوت بالدينمو والتحت مربوط بس بالتكييف على ما أظن وشكله سير الكاتينه مفيش سيور تانيه غيره

elpasha1
تمام حاضر بس ممكن سؤال هو ده غالى وتركبيه غالى المصناعيه أقصد وأى مكانيكى يشتغل فيه عادى ولا لازم حد بيفهم

[tahakong]

أعتذر على الأخطاء الأملائيه المنيله بنيله معلش كله دخل فى بعضه

[DEVIL333]

ممكن يكون سير التقسيمة مش سير الكاتينة

[الاسد المهاجر]

مش هتفرق انهي سير المهم سير مشقق لازم يتغير فورا انته علي طريق

[ahmedsrs]

صور سير التقسيمة اهى
REPLACE TIMING BELT ON KIA SHUMA - Fixya

[eslamsubaru]

ده مش سير الكاتينة غالبا .. بس هو سير لازم يتغير من شكله ... بس سؤال جانبى : العربية عاملة 54 الف كيلو بس و لا تقصد عاملة على السير ده 54 الف كيلو ؟؟ .. لأن الكيا شومة قديمة شوية فازاى عاملة 54 الف كيلو بس !! ..

[tahakong]

لا عداد العربيه عامل 54 الف كيلو ده المكتوب فى العداد
ومش ملعبو فيه

[tahakong]

ahmedsrs

طب الحمد الله طمنت قلبى كده عادى أنزل أجيب السيور من دمشق وأى مكانيكى يركبهم .... أصلى كانت قلقان يكون ده كاتينه وأعرف أنه ليه ظابطه معاينه عشان ميبوظش الكباس كلام صح ولا ايه

[Sherif Khalifa]

دا مش سير الكتينة
دا سير مجموعة تكيف و دينامو و بور (حسب نظام عربيتك)
الشق واضح انة من حاجة وقعت علية و عملت الخط دا
تغيرة مش مشكلة و مش بياخد وقت خالص

[Sherif Mandoor]

ده سير الدينامو غيره
واكشف على سير الكاتينه
سعرهم مش غالى

[SAMEH_FOUAD]

ياباشا لازم تغير كل السيور حالا

وعمر السيور عموما , بيرتبط بحاجتين ( عدد الكيلو مترات - وهل السيارة مركونة ولا شغالة )

يعنى او انت جايب كيا شوما فدية مثلا من موديل 2000 , يعنى بقالك 14 سنة مغيرتش سير , يبقى طبيعى ان السير يشقق بسبب الركنة , مش لازم يكون خلص عدد كيلو متراتة عشان تغيرة

وهو الصراحة كدة عمل اللى علية اوى

[Mecha]

this not timing belt
take 2 belts for alternator and power steering and replace