كيا ريو 2014 - خليجي

[tarek mattouk]

السلام عليكم شباب

كنت بسال علي الكيا ريو الخليجي عشان فيها كماليات اكتر من الوكيل وهل موضوع الخليجي دا مشكله كبيرة حتي لو هاخد ضمان علي العربية سنة . ولا اخليني ف الوكيل

لو حد جاب خليجي يا ريت يفيدني

والعربية مقارنة ب ال Rb من جوة افضل ب مراحل لكن الموتور اضعف شوية طبعا .


اشكركم

[Ahmed.Essam]

انا معايا خليجي 2014
الريو افضل من اكسنت Rb طبعا ماعدا الموتور
بس موتور الريو مش ضعيف بالمناسبة بالعكس مع التكييف والله مش بيفرق كتير في السحب وبتسحب كويس جدا الحمدلله
ومعظم اللي بيجيب ريو بيجيبها خليجي
بس اكيد عفشة الخليجي انشف شوية من الوكيل عشان الخليجي جنط 17

[tarek mattouk]

شكرا يا باشا علي الرد ..
واللي شفتها كانت طاسات مش جنوط و مسالتش مقاسها كام و طارة multi. function ,مرايات ضم كهرباء
هسالك علي حاجة بئا هي فيها ايموبولايزر

[Ahmed.Essam]

دور العربية وبص على العدادات في التابلوه لو شوفت علامة ( عربية جواها مفتاح ) باللون الاصفر يبقى فيها

[ahmedz310]

هو مافيش ريو خليجي سيدان abs سألت في كذا معرض مش لاقي غير الهاتشباك؟