تيل وطنابير سيراتو 2015

[mse920]

مساء الخير عليكو جمعيا
انا كنت كتبت من فترة عن السيراتو وصوت كاوتشها اللي هايجنني و اختلفت الاراء مابين عزل العربيه ونوع الكاوتش السيء فقررت اروح التوكيل فرع ابورواش علشان القول الفصل......وبالمرة كنت بسمع احيانا صوت صفارة في الفرامل الخلفيه قولتلهم عليه
وصلت التوكيل الساعة 8.3 استلمو العربيه وقعدت انتظار لغاية الساعة 2 طلعت استلم واعرف عملو ايه

قالولي دا صوت الكاوتش
المهم المفاجأة الكبري
هانغير تيل وطنابير خلفي ( ازاي ياجدع) دي العربيه موديل 2015
قال ايه دا عادي في الموديل دا
طب غيرتو يعني ..قالو مافيش اول اما توصل قطع الغيار هانكلمك
ركزو مع صوت الفرامل خصوصا مع اول طلعة في اليوم
وحسبي الله ونعم الوكيل

[محمد درغام]

ده عادى فى الموديل ده؟؟؟؟؟
اعتقد فيه حاجه غلط... العربيه معايا 10000 كم حتى الان و الحمدلله لا توجد هذه الشكوى!!
حاول تتاكد اخى الكريم..

[khaledazizeg]

ياجماعه وارد جدا ان العربيه بعد اما تشتريها يكون فيها عيب عشان كده هما مديينك ضمان لان لو العربيه مخرجينها زيرو ومافيهاش الهوا مكنوش عملوا الضمان اصلا

[engahmadsamy]

انا عندي فعلا صوت صفارة خفيفة كدا لما بدوس فرامل قوية
ومش بتبان الا لما العربية تهدي خالص وتقرب تقف .

[mr.moustafa]

طالما الضمان متكفل بقطع الغيار و مش هاتدفع حاجة يبقى عادي مافيش مشاكل و التوكيل محترم

[DEVIL333]

هو اكيد التوكيل هيعملها لاكن بردو الحاجات دى بتخلى الواحد يتخنق من العربية خصوصا ان الواحد شارى عربية جديدة و عارف انو هيستريح من المشاكل دى

[mse920]

علي فكرة صوت الصفارة خفيف جدا وصعب انو يتلاحظ
هو بس اللي مزعلني اني كنت فاكر اني جبت زيرو علشان ارتاح لفترة طويلة شويه بس الحمد لله
وهي هاتتغير في الضمان طبعا وزيارتي للتوكيل امبارح كانت بدون اي تكاليف

[engahmadsamy]

علي فكرة صوت الصفارة خفيف جدا وصعب انو يتلاحظ
هو بس اللي مزعلني اني كنت فاكر اني جبت زيرو علشان ارتاح لفترة طويلة شويه بس الحمد لله
وهي هاتتغير في الضمان طبعا وزيارتي للتوكيل امبارح كانت بدون اي تكاليف

انا عندي نفس الصوت دا برضه والعربية عاملة 2400 كيلو تقريبا . هو الصوت بيبقى صفارة خفيفة جدا بتظهر لما العربية تقرب تقف مش كدا ؟
ومش بيظهر معايا على سرعة كبيرة لأن صوت الكاوتش بيبقى أعلى منها ؟

لو كدا يبقى مشكلتي نفس مشكلتك . وانا فعلا بسمعها جاية من الكاوتشات اللي ورا

[mse920]

انا عندي نفس الصوت دا برضه والعربية عاملة 2400 كيلو تقريبا . هو الصوت بيبقى صفارة خفيفة جدا بتظهر لما العربية تقرب تقف مش كدا ؟
ومش بيظهر معايا على سرعة كبيرة لأن صوت الكاوتش بيبقى أعلى منها ؟

لو كدا يبقى مشكلتي نفس مشكلتك . وانا فعلا بسمعها جاية من الكاوتشات اللي ورا

روح التوكيل يكشوفو عليه انا الصوت كان بيظهر عندي مرة كل فين وفين ولما روحت التوكيل ماكنتش دي شكوتي الاساسية
وبعدين الكشف علي العربيه بدون اي تكاليف

[borio1704]

عندي نفس الصوت وبيظهر مع الفرامل الخفيفة على سرعة منخفضة جدا.

الصوت عامل زي ما يكون حتة صاج بتحك في حديد.. وعادة الصوت ده بيكون مقصود علشان تنتبه إن التيل محتاج يتغير..

فأنا افتكرت إن تيل الفرامل خلص وماكنتش عامل اكتر من 5000 كيلو.. طبعا استغربت جدا .. ولما رحت الصيانة قاللي الفرامل عايزة تترجلش

فعلا.. الفرامل بقت أحسن كتير والصوت راح شوية...

بس أنا ماشي دلوقتي أكتر من 15 ألف وما زالت الفرامل كويسة ومشكلة الصوت زي ما هيا.


الموضوع مش بيعمل مشكلة ولا يستاهل يتغيرله طنابير.. ولما أروح التوكيل المرة الجاية هقولهم عليه..

[mse920]

عندي نفس الصوت وبيظهر مع الفرامل الخفيفة على سرعة منخفضة جدا.

الصوت عامل زي ما يكون حتة صاج بتحك في حديد.. وعادة الصوت ده بيكون مقصود علشان تنتبه إن التيل محتاج يتغير..

فأنا افتكرت إن تيل الفرامل خلص وماكنتش عامل اكتر من 5000 كيلو.. طبعا استغربت جدا .. ولما رحت الصيانة قاللي الفرامل عايزة تترجلش

فعلا.. الفرامل بقت أحسن كتير والصوت راح شوية...

بس أنا ماشي دلوقتي أكتر من 15 ألف وما زالت الفرامل كويسة ومشكلة الصوت زي ما هيا.


الموضوع مش بيعمل مشكلة ولا يستاهل يتغيرله طنابير.. ولما أروح التوكيل المرة الجاية هقولهم عليه..

انا الصوت اللي عندي مش صوت احتكاك خالص دا صوت صفارة زي ماتكون بتفضي هواء بلونه وقالولي ان دا طنابير وتيل
انا مش مقتنع بس هو دا اللي حصل
يعني مش صوت احتكاك خالص

[borio1704]

انا الصوت اللي عندي مش صوت احتكاك خالص دا صوت صفارة زي ماتكون بتفضي هواء بلونه وقالولي ان دا طنابير وتيل
انا مش مقتنع بس هو دا اللي حصل
يعني مش صوت احتكاك خالص

مش عارف.. اللي قصدي عليه ممكن تسميه صفارة بردو... أو تزييق

هو عموما ... الصوت اللي عندي هو نفس الصوت اللي بيطلع من العربيات الجديدة لما تحتاج تغير تيل

المفروض إن التيل بيتركب معاه حتة صاج في كل عجلة.. مالهاش أي فايدة غير إنها تطلع الصوت ده لما التيل ينقص.. علشان حضرتك تعرف وتروح تغيره.


طبعا.. الميكانيكية عندنا ما بيحبوش الأوبشنز... بيشيلوها مع تغيير التيل..

فحضرتك تقوم تمشي على التيل لحد ما يتاكل خالص ويبوظ الطنبور.



...