بعت محبوبتى السيراتو وحشترى bmw

[عبدالله برعى]

بعد عشرة حوالى 3 سنين ونص والتنقل بين الفتيس المانيول والدبرياج والست سرعان والجنط ال15 وال 16 بوصة ذو الخمس شرايح والوكيل والمقدمة الجميلة والخليجى العراقى ذو الشاشة التتش سكرين 6 بوصة وذكريات الحادث على السرعه العالية ووفاء السيراتو معايا (بعد ستر ربنا) والكاميرا الخلفية والستبترونيك ومواقف الطريق الزراعى والصحراوى وحرارة صخور السد العالى والموتور لما كان ماشى بنص كيلو زيت ومحصلوش حاجة
وذكرياتك ياسيراتو ..............................
وكنت عايز اجيب سيراتو تانى فأصحابى بيلحو عليا انى اغير العتبة وانا من وجهة نظرى
مش لاقى بديل عن السيراتو لانى فهمتها واللى عايزو بلاقيه
اصلها والله السيراتو صاحب وفى
جدا فى كل المواقف بالنسبالى

فقلت السيراتو احسن عربية فى فئتها
معروض عليا العربيات دى (نيسان الشكل القديم 2007- كورولا2003
- تويوتا ياريس2009 - كروز2010 - كيا كارينز 2010 - اميجراند 2012 - سكودا - شيفرولية اوبترا )
فقلت انقل نقلة بالمره على المانى

قدامى بى ام دبليو موديل 2007
الفئة الثالثة 316i مانيوال

ايش الكلام ,,,,,,,,,,,,,,,,,,

[hugan]

اظن بي ام
مفيش مقارنه

[hany63]

البي ام الفئه التالته المستعمل هيتعبك نصيحه بلاش
خليك في كوري ياباني و ممكن سكودا اوكتافيا
بالتوفيق

[Dr . Mohamed]

صاحبك الوفى متبيعوش ,,,,, عيب

[عبدالله برعى]

المشــــــــــــــــكلة بالنسبالى فى موضوع القر ممكن يومين ويجيبوك ارضى
السيراتو حاسدينى عليها اصلنا عيلات وكلو عارف بعضوو

[borio1704]

البي إم دبليو جميلة مفيش كلام

بس تقدر على مصاريفها ووجع دماغها لما تعطل؟؟؟

ما أنصحكش بصراحة... أي عربية دلوقتي عمرها فوق الـ5 سنوات بتبدأ تفتح بقها... وانت بتتكلم في بي إم... يعني عربية بنت ناس ما ترضاش بأي حاجة :)





...

[Mohamedjetta]

منصحكش ابداً وشايف انك تجيب سيراتو تاني وبلاش تغير العتبه عشان متندمش واوعي تجيب الماني مسستعمل بلاش بالاخص البي ام والمرسيدس عشان العربيات دي بتزعل لو مش نضيفه

[Land_Cruiser]

لو لقيت حاجه عجبتك لازم تكشف عليها كويس قوي علشان ال bmw قطع غيارها نار و يستحسن يكون صاحبها يكون بيعمل صيانات في التوكيل علشان تعرف تجيب تاريخ العربيه و تتاكد ان عداد الكيلومتر مضبوط و مش ملعوب فيه زي ما كتير من التجار بيعملوا مع الاسف

[Dr.M_baz]

نصيحة من مجرب ألماني لمدة 10 سنين ( اوبل فيكترا 97) مساكله كتير وعايز واحد فاضي وغاوي ...... عايز تغير العتبه جرب الياباني.

Sent from my GT-N8000 using Forum Runner

[GREYMAN]

وانا اوافق الاخوة البي ام مع السنين السيارة بتفتح ومصاريفها عالية جدا نصيحة جرب اليابانى هتحس بفرق كبير عن الكورى وكمان بيتحمل الكرف

[S O P H O S]

مش عراف الميزانية كام لو هتعدي ال 100 فكر فالسيفيك
لو عاوز عربية لفترة وهتغير قدام خليك فالياريس او الاوبترا
عربية سهل الخروج منها
مع اني مكنتش متوقع تبيع السيراتو

[ahmedelrayan]

بص يا باشا ان كنت بغير عربيات بأستمرار يعنى اقصى عربية قعدت معايا سنة وخمس شهور وكنت ببيع عن طريق ان مثلا فى الجراج او عند صنايعى ويقولى تبيع اقوله ابيع كام كذا لدرجة ان كنت مثلا اروح لاهلى يقوليلى فين العربية اقولهم بعتها لحد ما جبت السيراتو فئة ال sxواتكرر معايا نفس الموضوع لدرجة ان مرتين اتحطلى فيها سعر ممتاز جدا وانا رفضت ودى اول مرة تحصل معايا فى عربية انا بحكى لحضرتك الكلام ده قوله لانى كنت فى نفس حيرتك بس الفرق انك بيعت وبعدين بتفكر لكن انا كنت خايف ابيع لانى بصراحة السيراتو مرضية جدا بالنسبة لى فى كل حاجة اوبشن وسائل امان قوة موتور فكل لما يجى حد عايز يشتريها اسأل نفسى سؤال واحد اجيب ايه بعد السيراتو ملقيش اجابة فأرفض البيع وربنا يوفقك لكل خير