مساعدة ضرورى يا جماعه سيراتو 2015 ...؟

[ahm.mega007]

يا جماعه ياريت تفدونى ضرورى جدا والناس الى فاهمه فى الاكسسورات جامد

انا معايا سيراتو 2015 لسة مستلمها امبارح


اولا ....عاوز اعرف مكنه زنون تكون محترمه جداااا ونور ورعشات اصلى اعرف انواع محترمه
تانى حاجه ياريت حد يقولى الواكس دة اعملو فين بس انا من اسكندريه بس مين بيعملو قصدى يعنى
واية رايكو اعملو ولة لا ..........وهل هو فعلا بيحافظ على لون العربية ... ياريت الناس ترد عليا ويفدونى مش يقرو الكلام ويسكتو الى عندو معلومه يفدنى بيها ضرورى اخوكم ... ميجــا

[engahmadsamy]

ما اقدرش افيدك بخضوص الزينون لأني ما أفهمش فيهم بصراحة

لكن الواكس بيبقى على ما اعتقد عبوة اسبراي كدا بتشتريها وتفرده بنفسك على العربية بفوطة نضيفة كأنك بتمسحها من التراب

انا شفت العلبة دي في فرع الصيانة اللي على طريق المحلة طنطا بيتباع هناك ضمن الكماليات وكان سعرها 35 جنيه على ما افتكر

[mr.moustafa]

ايوه ممكن يتعمل بالإيد بس ده حاجة و اللي بيتعمل في مراكز التشميع حاجة تانية

[mostafa_a7md]

بالنسبة للزينون .. انا ركبت العالى والواطى osram علشان فية cam bus فميعملش مشكلة مع كمبيوتر العربية مشكلتى كانت انى مكنتش عايز لعب فى ضفيرة العربية هلشان متتطلعش من الضمان لكن رحت لواحد فى شارع دمشق بجد ماشاء الله محترف ركب الزينون من غير اى تعديل فى الكهربا نصيحة ركب نوع نضيف ومتستخسرش فى العربية انا اتلسعت فى 3200 جنية بس بصراحة النوع دة يستاهل كل مليم يدفع فية وخلى بالك بيبقى علية ضمان سنة للجهاز واللمبات ... بالنسبة لل wax فية انواع كتيير انا لقيت نوع موش فاكر اسمو بس العلبة صفرا ومرسوم عليها عربيت فورميلا بس عجبنى لانو مكتوب علية انه مصنوع من مواد طبيعية وعملتو بنفسى والنتيجة كانت ممتازة لمعة اقوى والعربية التراب والاوساخ متلزقش عليها زى الاول

[ahm.mega007]

[QUOTE=mostafa_a7md;3875729187]بالنسبة للزينون .. انا ركبت العالى والواطى osram علشان فية cam bus فميعملش مشكلة مع كمبيوتر العربية مشكلتى كانت انى مكنتش عايز لعب فى ضفيرة العربية هلشان متتطلعش من الضمان لكن رحت لواحد فى شارع دمشق بجد ماشاء الله محترف ركب الزينون من غير اى تعديل فى الكهربا نصيحة ركب نوع نضيف ومتستخسرش فى العربية انا اتلسعت فى 3200 جنية بس بصراحة النوع دة يستاهل كل مليم يدفع فية وخلى بالك بيبقى علية ضمان سنة للجهاز واللمبات ... بالنسبة لل wax فية انواع كتيير انا لقيت نوع موش فاكر اسمو بس العلبة صفرا ومرسوم عليها عربيت فورميلا بس عجبنى لانو مكتوب علية انه مصنوع من مواد طبيعية وعملتو بنفسى والنتيجة كانت ممتازة لمعة اقوى والعربية التراب والاوساخ متلزقش عليها زى الاول[/QU


متعرفشى اسم علبة الوكس اية .....؟

[الجنرال]

ممكن تجيب واكس ارمور اوول او سوناكس .. انضف حاجات في السوق

متابع بخصوص موضوع الزينون ده

[mostafa_a7md]

معلش انا مش فاكر نوع wax لكن لما أرجع من السفر هشوف العلبة وهقولك لكن أعتقد الأنواع متختلفش كتيير عن بعض و العضو المحترم ( الجنرال ) كتب احسن انواع موجودة فى السوق

بالنسبة لموضوع الزينون النور العالى عندنا اللمبة موديلها h1 ودة موجود فى السوق مفهوش مشكلة لكن النور العادى اللمبة h7 ودة صعب شوية تلاقية لكن نصيحة ركب الزينون فى النور العادى علشان العدسة بتفرق كتيير فى الاداء واعتقد انك ممكن متركبش فى العالى ... لو عندك اى استفسار انا معاك

[Maged93]

السلام عليكم

بالنسبه للزينون انا عن نفسي خايف اركبه الصراحه اما بالنسبه ل انك تحط طبقه شمع جمييل جدا بس انا كنت جربت اعملها بنفسي ولا قيت الموضوع صعب شويه الانواع علي حسب الميزانيه اللي مع حضرتك فيه اللي ب ٤٠ جنيه اللي لونه اصفر ده واسمه فورميلا ١ وعندك فيه sonax فيها كذا حاجه وفيه chemichal guys ودي من وجهه نظري افضل شركه في الشمع وكل ما يخص العربيه من شامبو او اي حاجه تانيه و اي استفسار انا موجود

[mostafa_a7md]

انا اول مرة اسمع عن منتجات chemical guys بس عملت سيرش على النت وطلعت كويسة .. متعرفش اسعارها واماكن بيعها ... وشكرا مقدما

[ahm.mega007]

السلام عليكم

بالنسبه للزينون انا عن نفسي خايف اركبه الصراحه اما بالنسبه ل انك تحط طبقه شمع جمييل جدا بس انا كنت جربت اعملها بنفسي ولا قيت الموضوع صعب شويه الانواع علي حسب الميزانيه اللي مع حضرتك فيه اللي ب ٤٠ جنيه اللي لونه اصفر ده واسمه فورميلا ١ وعندك فيه sonax فيها كذا حاجه وفيه chemichal guys ودي من وجهه نظري افضل شركه في الشمع وكل ما يخص العربيه من شامبو او اي حاجه تانيه و اي استفسار انا موجود

حبيبى ياريت تقول اعمل الشمع دة فين أو مين يعملهولى

[Maged93]

في محل اسمه detailer car care عنده منتجات chemichal guys وعارضها للبيع علي سوق لو هتعرف تستخدمها اما بالنسبه لو عايز حد يعملهولك هما برضو ممكن يعملهولك بس بكام مش عارف عشان مكذبش علييك لو حبيت تتفرج علي الشمع بتاعهم اسمه jet seal بيتعمل للعربيات الجديده

[الجنرال]

الواكس او الشمع ممكن تعمله عند اي حد بتاع كار كير (بلاش مغسلة العربيات العادية او اللى بتبقى فى البنزينه)

بيتعمل بطريقتين:
1- يدوي: وده انت ممكن تعمله فى البيت بتجيب فوطة ميكروفايبر وتعمل الواكس فى البيت بعد ما تغسل العربية غسلة تمام من الاخر في نفس المكان (علشان التراب)

2- نوع تاني باستخدام الصاروخ: وده افضل واسرع وبيعمل نتيجة افضل بكتير وبتدوم لمدة اطول

لو عايز مكان محترم بس غالي .. غالي قوي كمان .. في واحد صاحبي عنده ورشة فى ابورواش .. عنده نوعين من الواكس:
النوع العادي ده .. ونوع تاني كده معقد بس ممكن يعيش معاك 3 او 4 شهور.. بس ب 250 جنيه تقريبا

بيغسل العربية .. وبعدها يعمل الواكس بالصاروخ .. وبعدها يغسل الواكس بنوع تاني واكس .. وبعدها يعمل واكس ثالث .. وبعدها يعمل واكس رابع بالصاروخ ... قصة كده شرحهالي ومش فاكرها كويس للاسف

صاحبي ده واخد توكيلات لكذا حاجة من بره (منها تغير لون الجنوط - شركة الواكس الامريكية دي) .. ده غير شغله فى تعديل العربيات .. اقصد اقولك انه حد فاهم مش واحد شغال كده وخلاص .. بس بصراحة غالي جدا

[aymn6666]

حضرتك اسكندراني --لو قريب من سموحه --بنزينه موبيل سموحه الي فيها توكيل شيفروليه واوبل --ميدان فيكتور عمانويل
فيه هناك خدمه تشميع وتلميع العربيه
ب 60 جنيه

[ahm.mega007]

حضرتك اسكندراني --لو قريب من سموحه --بنزينه موبيل سموحه الي فيها توكيل شيفروليه واوبل --ميدان فيكتور عمانويل
فيه هناك خدمه تشميع وتلميع العربيه
ب 60 جنيه

اشكرك جدااااا انا من سموحه اصلا يعنى جمبى

[aymn6666]

ممكن بعد ازنك تقلي
كماليات السيراتو فئه EX-fo
بالتفصيل لاني مقبل علي الشراء
وبفكر بالفئه دي
انا سالت عليها عند الطارق
ب164
المفروض كمليتها ايه
وهل فيها
2ايرباج . ABS. جنط 16.مرايات ضم
تكيف خلفي.مسند خلفي.مسند امامي متحرك
وبلوتوث ولا مفيش
وايه تاني
وشكرا لحضرتك