اللي أشتروا البيكانتو .... ايه رأيكم ....؟؟؟؟

[مصطفى مغربي]

محتاج أراء السادة اللي اشتروا البيكانتو عن العربية ...؟؟

وخصوصا شنطة العربية ...هل هي قايمة بالدور المناسب و لا مش نافعة خالص..

[mozzaaaa_82]

بص ياسيدي العربية هيلة جدا خصوصا لو انت شاب او انتو لسة اتنين متجوزين .متور حلو 1100 علي قدها و مع التكيف ممكن يقل شوية لكن مش وحش . صوتة هادي بس بيعلي عند ال 3000rpm بس العزل كويس و ممكن ماتحسش قوي بالصوت العفشة ماشء الله حلوة جربتها مع اوزان كتيير و ماشتكيتش وكانت خفيفة عيبها انها ماتستحماش انك تروح بيها مشاوير كبيرة كل يوم يعني جوة شوارع القاهرة و الجيزة اكتر من كدة لا عشان العمر الافتراضي للمتور و دة انا شايفة عيب مجمل لكل الفئات اقل من 1300

[ahmed_yehia24]

انا مش معاك في موضوع انها مابتستحملش دا انا علي فكره بسافر بيها كل يوم تئريبا و ماشاء الله زي الفل معايا

[amr_elrashidy]

العربية شغالة زى الفل و بتشيل و بتجرى و حمارة شغل..مين قال انها عشان 1100 يبقى مش حتستحمل..اللى مش بيستحمل اه الصاج..لانه خفيف زيه زى اى عربية جديدة..انما لو جينا للشنطة ...اعتبرها مش موجوده اساسا

[amr_mahmoud]

بص اعتبر الشنطة مش موجوده....بس غير كده هى ممتازه بالنسبه لفئتها

[Bassim]

الشنطة انساها ،
سحب ضعيف نسبياً (لاحظ أني لسة عمل بها حوالي ٣٠٠٠ بس)
العربية بتجري كويس
صالون واسع جداً بالنسبة لحجمها ، أنا شخصياً باعد فيها وأنا مستريح مع العلم أني طويل
إستهلاك البنزين ممتاز مع التكيف كمان
عفشثة ناشفة ومشوار المساعدين الإمامين صغير شوية فساعات بتدب فالمطبات
جميلة جداً من برة ، ، ومن جوا
تتحمل المشاوير الكتير
قطاع غيار اسعارها جيدة جداً ومتوفرة
مطلوبة فالسوق وهتعرف تبعها بسهولة وبسعر مناسب
تقيمى ككل,,, العربية كويسة أوي بس عندى نصيحة لكل إلي بيفكر ،،، هاتها خليجي عشان الابشنز بتاعتها هتكون أعلى بكتير مع سعر أقل التوكيل ياجماعة منفض العربية(مفيش مرايات فالندارة ، مفيش لمبه شنطة ، مفيش فانوس ستوب ،مفيش فوج،مفيش كاست ،مفيش مساحة خلفية ،،،،،حاجات تانية كتير).

[haniii]

انا عندى سوال وارجو الرد علية انا عايز اشترى بيكانتو
بس قدامى خيارين يا اما اشترى موديل 2007 او اشترى الخليجى
ولكن مش عارف الخليجى منها يباع فين ممكن حد عارف يقوللى
واية هى مميزات الخليجى وعيوبه
ولا الافضل اجيبها مستعملى استعمال خفيف
زى 2006 او 2007 وشكرا

هانى

[youssefmustang]

كان نفسى اشتريها وقعد كتير فى منتدى الكيا بسبب البيكانتو
لكن للأسف محصلش نصيب معاها الحاج مش مقتنع بيها كعربية تستحمل يقولى واطية وممكن تحك فى المطبات وووو
اخوكم يوسف

[M.ABDEEN]

picanto for every time its v.v god car and strong car ,butefuol car,big car from inside,low counsumtion of fuel,u can use over drive and see the power of motor

[khaled308]

كان نفسى اشتريها وقعد كتير فى منتدى الكيا بسبب البيكانتو
لكن للأسف محصلش نصيب معاها الحاج مش مقتنع بيها كعربية تستحمل يقولى واطية وممكن تحك فى المطبات وووو
اخوكم يوسف

بالعكس العربيه عاليه عند الارض و بعدي بيها مطبات عاليه كتير عمرها ما حكت فى مطب

[Mina W]

كان نفسى اشتريها وقعد كتير فى منتدى الكيا بسبب البيكانتو
لكن للأسف محصلش نصيب معاها الحاج مش مقتنع بيها كعربية تستحمل يقولى واطية وممكن تحك فى المطبات وووو
اخوكم يوسف

والدى كان معارض لما حجزت البيكانتو لكن بعد 6 شهور لما ركبها و شافنى لما رحت بيها لشرم و رجعت انا و مراتى و البنات اقتنع و غير و جاب بيكانتو هو كمان :)

[amr_elrashidy]

كان نفسى اشتريها وقعد كتير فى منتدى الكيا بسبب البيكانتو
لكن للأسف محصلش نصيب معاها الحاج مش مقتنع بيها كعربية تستحمل يقولى واطية وممكن تحك فى المطبات وووو
اخوكم يوسف

انسى...عمرها ماحكت حتى و هى محملة

[دينا أبوالعلا]

مظبوك العربيه عاليه عمرها ما حكت ابدا اتكل علي الله العربيه حلوه

[YaSSerwIN]

يا ترا الفول اوبشين منها فيه اية ؟؟

الازاز كله كهرباء ؟؟ سنتر ؟؟ ؟؟؟؟؟

[دينا أبوالعلا]

يا ترا الفول اوبشين منها فيه اية ؟؟

الازاز كله كهرباء ؟؟ سنتر ؟؟ ؟؟؟؟؟

2 زجاج كهربا
وسنتر