الكشف علي زيت الفتيس

[bakkarahmed]

فتيس السيراتو الست سرعات في الشيب اللي فات والموديل الحالي ..بدون مقياس زيت وده نفس النظام في اﻻلنترا الجديده
طيب لو حد عايز يراجع علي مقاس الزيت او ﻻقدر الله اضطر يغير ردياتير مثلا او اي حاجه ادت لتسريب الزيت يعرف منين ان الزيت مظبوط
سؤال محيرني

[georgedada82]

اكيد في مكان عند الفتيس تحت تقدر تكشف منه وتزود منه زيت الفتيس ... واكيد كمان في طبة تفضي منها زيت الفتيس ده في اي عربية ايا كانت

[bakkarahmed]

اكيد في مكان عند الفتيس تحت تقدر تكشف منه وتزود منه زيت الفتيس ... واكيد كمان في طبة تفضي منها زيت الفتيس ده في اي عربية ايا كانت

فيه طبه علشان تفريغ الزيت
انما مكان لقياس منسوب الزيت...مافيش
ياريت حد يفيدنا

[besso]

فيه طبه من جنب الفتيس كده من ناحيه وش العربيه فى غطاء valve body بتتفك لو جابت زيت يبقى المستوى تمام لو مجابتش يبقى ناقص تزود 1/2 لتر وترجع تقيس تانى بس تقفل الطبه قبل ما تزود

وطبعا قبل القياس لازم العربيه تكون سخنه وتحرك العصايه على كل الاوضاع وبعدين تسيبها على n وتبتدى تقيس

[besso]

فيه طبه من جنب الفتيس كده من ناحيه وش العربيه فى غطاء valve body بتتفك لو جابت زيت يبقى المستوى تمام لو مجابتش يبقى ناقص تزود 1/2 لتر وترجع تقيس تانى بس تقفل الطبه قبل ما تزود

وطبعا قبل القياس لازم العربيه تكون سخنه وتحرك العصايه على كل الاوضاع وبعدين تسيبها على n وتبتدى تقيس

[bakkarahmed]

يعني العربيه لازم تبقي سخنه والفتيس يكون علي n
طيب التزويد منين برده ؟؟
فيه المهندس هاني كان شغال في توكيل هيونداي بيقول انه لازم الاسكانر يبقي واصل بالعربيه ولما درجه حراره زيت الفتيس توصل ل 58 نبتدي نفك الطبه ونشوف الزيت
الواحد حاسس انه حوار طويل ...والا مش فارق موضوع الاسكانر ودرجه حراره الزيت ده
ماكانوا يعملولها مقاس ويخلصوا او يعملولها لمبه في الطابلوه

[besso]

انا بتدرب في مركز معتمد كيا ورينو وده اللي بنعمله والتزويد بيبقي من طبه فوق البفتيس

وموضوع الاسكانر ده للدقه مش اكتر لكن انتظار ان الماتور يسخن ده كفايه

[bakkarahmed]

انا بتدرب في مركز معتمد كيا ورينو وده اللي بنعمله والتزويد بيبقي من طبه فوق البفتيس

وموضوع الاسكانر ده للدقه مش اكتر لكن انتظار ان الماتور يسخن ده كفايه

طيب الكلام ده والعربيه دايره واﻻ مطفيه؟؟

[bakkarahmed]

وعاير اعرف حاجه كمان لو سمحت
ازاي اعرف ان الزيت ما اتزودش بزياده...ﻻنه لو اتزود بزياده كده كده هايسيل من الطبه...واﻻ هوا المفروض اول ما يبطل يسيل يبقي مظبوط؟؟؟؟

[besso]

بتقيس والعربيه دايره

لو فتحت الطبه وجابت اقفل تاني
مجابتش اقفل وزود من فوق نص كيلو وارجع تاني قيس وهكذا

اصلا الشويه اللي بنزلو دول زي ماب علامتين max & min في المقياس لو نزل كتير يبقي زياده
هاعرفلك المفروض ينزل قد ايه وامتي يبقي متزود بزياده