هستلم ايه مع سيراتو 2014

[mmedali1978]

روحت اتفرجت علي سيراتو 2014 وكيل اول فئه وسعرها 141 الفاوتوماتيك وايموبلايزر فقط ومفتاح عادي من غير ريموت وطاسات مش جنوط
كنت عايز اعرف هستلم ايه معاها بالظبط وهي طيعا لما بحط المفتاح في الكونتك بتظهر علامه الايموبلايزر العربيه الصفراء وداخلها المفتاح بس شكل المفتاح عادي جدا هل هو كده ولا ممكن يكون ملعوب فيها واللمبه بتنور ومفيهاش ايمويلايزر
انا هجبها من شركة الليثي حد عنده معلومات عنها في المعامله وده ارخص سعر ﻟﻘﻴﺘﻪ

[Land_Cruiser]

ليه تجيب موديل 2014 اما موديل 2015 نزل خلاص؟ ما تجيب الموديل الاحدث افضل اللي هو 2015

[mse920]

فعلا ليه تجيب 2014 وموديل 2015 موجود ومعتقدش ان الفرق كبير
عموما أنا معايا 2015 وكيل وفيها إيموبلايزر ومفتاحها عادي جدا
علي الرغم إني مش أول فئه ( ثاني فئة أتوماتيك ) عالم مستفذه
وسألت علي الإنذار فى التوكيل أبورواش ب 360 بس السعر دا بدون سعر التركيب( علشان هاتزهق من الفتح والقفل بالمفتاح )

ومبروك مقدما

[aymanshebl]

متابع

[mmedali1978]

2015 ب147 الف ومفيش فرق وبصراحه اتا مستلف مبلغ ومش غايز يبقي عليا ديون اكتر من كده بس محدش جاوبني هستلم ايه مع العربيه وهل شركة الليثي كويسه في ﻣﻌﺎﻣﻠﺘﻬﺎ

[DEVIL333]

الف مبرووك
عربية ممتازة

[aymanshebl]

انا بستريح لسمير ريان

[Dr . Mohamed]

ألف مبروك
ربنا يباركلك فيها
الايموبلايزر دا ليه لمبة حمرا فى التابلوه قدام خالص فى النص
بعد ما بتقفل العربية بتنور مستمر لمدة 30 ثانية بعدها تبدأ تنور و تطفى

[mse920]

ألف مبروك
ربنا يباركلك فيها
الايموبلايزر دا ليه لمبة حمرا فى التابلوه قدام خالص فى النص
بعد ما بتقفل العربية بتنور مستمر لمدة 30 ثانية بعدها تبدأ تنور و تطفى

مش الايموبلايزر علامته لما افتح التابلوه عربيه وفيها مفتاح
اصلي لما بقفل العربيه مش بلاحظ حاجه تنور وتطفي

[mr.moustafa]

ألف مبروك
ربنا يباركلك فيها
الايموبلايزر دا ليه لمبة حمرا فى التابلوه قدام خالص فى النص
بعد ما بتقفل العربية بتنور مستمر لمدة 30 ثانية بعدها تبدأ تنور و تطفى

الايمبولايزر علامته صفراء في التابلوه بشكل مفتاح داخل سيارة
اللمبة الحمراء اللي قصدك عليها بتاعت سنترلوك الريموت

[engahmadsamy]

الإيموبلايزر هيا فعلا اللمبة الصفرا اللي بتنور في العدادات . بتبقى على شكل عربية جواها مفتاح .
اللمبة اللي بتنور وتطفي دي بتبقى لمبة الإنذار تقريباً

المفروض تستلم مفتاحين وحتة فايبر سودة كدا بتعلق عليها النمر اللي قدام عشان ماتجرحش الإكصدام بتلاقيها غالبا في درج التابلوه
وكاتلوجين واحد عربي والتاني انجليزي برضه في الدرج

والإستبن في الشنطة بيبقى معاه الكوريك ومفتاح الصواميل ودراع الكوريك ومفتاح تاني كمان

ولو الطاسات مش متركبة يبقى لازم هاتستلمهم وربنا يبارك لك فيها

[Dr . Mohamed]

اللى بتنور و تطفى انذار ازاى دا مش بينطق خالص لو عملت ايه حتى
انا اعتقد انه ايموبلايزر حتى سألت فى المعرض و انا بستلم قالى كدا

بس هو بيشتغل فعلاً لما اقفل العربية بالريموت

[engahmadsamy]

اللى بتنور و تطفى انذار ازاى دا مش بينطق خالص لو عملت ايه حتى :copy of new:
انا اعتقد انه ايموبلايزر حتى سألت فى المعرض و انا بستلم قالى كدا

بس هو بيشتغل فعلاً لما اقفل العربية بالريموت

تقريباً يادكتور عربيتك نفس الفئة اللي عندي على ما اتذكر .

الإنذار بتاع السيراتو بيزمر لما باب العربية يتفتح بأي طريقة غير الريموت .

جرب كدا تقفلها وتستنى 30 ثانية وبعدين افتحها بالمفتاح كأنك ماعندكش ريموت وافتح اوكرة الباب هتلاقيها بدأت تزمر .

نفس الحال لو في حرامي لاقدر الله كسر الزجاج وفتح اللوك من جوا وفتح الباب من غير الريموت . الإنذار هايشتغل برضه .

يعني إنذار ضد فتح الباب بأي طريقة غير اللي اتقفل بيها .

اتقفل بالريموت يبقى مايتفتحش غير بيه .

[Dr . Mohamed]

لو قفلت بالريموت و فتحت بالمفتاح مش بيزمر خالص جربتها قبل كدا
بس مش فاكر موضوع الـ 30 ثانية دا تقريباً جربت على طول
بس لو بطارية الريموت خلصت أفتح ازاى العربية لما المفروض انها هتزمر =d

[engahmadsamy]

لو قفلت بالريموت و فتحت بالمفتاح مش بيزمر خالص جربتها قبل كدا
بس مش فاكر موضوع الـ 30 ثانية دا تقريباً جربت على طول
بس لو بطارية الريموت خلصت أفتح ازاى العربية لما المفروض انها هتزمر =d

جرب ال 30 ثانية وهاتزمر معاك :d

المفتاح التاني هايقوم بالغرض وقتها وتفتحها بيه على ماتركب بطارية