سؤال بالنسبة لكيا ريو

[TAFO]

السلام عليكم

انا عضو جديد فى المنتدى و احب ارحب بالأعضاء الأفاضل المحترمين و اللي واضح عليهم انهم خدومين و لا يبخلو ابدا بالمساعدة و ذكر معلومة

للأسف كان معايا افيو 2012 بس اتسرقت من 5 شهور و استعوضت ربنا فيها و ده مش الموضوع, بس بفكر اشوف ريو مستعملة و ناس كتير قالتلى بلاش كورى عشان سهل سرقتة, انا مؤمن بالله ان القضاء و القدر مافيهوش كلام, بس برضو الواحد يحب ياخد احطياطاتة,

السؤال بقي: هل يوجد في الريو الاموبيلايزر؟ هل بيفرق؟ و أأمن العرية ازاى ضد السرقة على قد ما اقدر؟

شكرا

[Dr . Mohamed]

الريو وكيل و الكيا الوكيل عموماً بها ايموبلايزر
طبعاً بيفرق لأن العربية مش بتشتغل غير بمفتاحها فقط لأن المفتاح مشفر
تأمن عربيتك تركنها فى جراج ، و تركبلها قفل دركسيون ، تركب جهاز إنذار ، ممكن تركب مفتاح فصل طرمبة بنزين ، ممكن تركب GPS Tracker
الوسائل كتير ، و ربنا يعوض عليك فى الأفيو و ان شاء الله مش هتكرر تانى

[TAFO]

شكرا استاذ محمد علي الرد و الافاده، بس بما ان فيها ايموبيلايزر يكفي عن فصل طرمة البنزين ولا قصد حضرتك ده زيادة امان؟ و بالنسبة لل gps tracker، بيشتغل علي application علي الموبايل ولا انا فاهم غلط

[aymanshebl]

gps tracker
ده بيحدد مكان العربية بخط طول و عرض و لو حد فتح الباب او شغل العربية او حد خبط عليها و هو اكتيف بيديك رسالة فوريه على الموبيل باللى حصل و ممكن تفصل دايرة الوقود او البنزين فى حالة حدوث سرقة و ممكن تسمع اللى بيدور جوه العربية او تخلى العربية ترسل رسائل استغاثة بزرار انت عارف مكانه و كمان لو بطارية العربية اتلعب فيها او اتشالت او حد حاول يشيل الجهاز بيديك رسالة بكده

[TAFO]

تحفة الجهاز ده، منين و بكام? انا في الاسكندرية

[aymanshebl]

اتفضل

tk103b, تسوق احدث tk103b افضل اسعار للبيع في مصر, الإسكندرية, القاهرة | سوق

بس حساس الصدمات ممكن تشتريه من اى محل كماليات هو زى بتاع اى انذار

[TAFO]

مشكور