بعد صيانة الـ70 ألف الدورية، ارتفاع شديد في الحرارة

[KiaSoul]

السلام عليكم،
عملت صيانة الـ70 ألف الدورية في كيا السبع زهراء المعادي، وتقريبا في أول مشوار التكييف طلع هواء نار والحرارة ارتفعت لـ90%
الحمد لله وقفت على طول، 10 دقايق والحرارة نزلت فاخدتها لأقرب محطة بنزين.

قولتلهم العربية بتسخن، بصوا قالوا الردياتير مفهوش مية، وقدامي العامل زود تقريبا 9 لتر مياة في الردياتير!
بعد ما خلص شكيت ان فيه تسريب كشف وقالي مفيش تسريب!
قولتله العربية لسة جاية من الصيانة قالي هي ناقصة مية بس!

كملت المشوار وروحت والحرار كويسة جدا

أنا رايح النهاردة السبع أشوف السبب، بس حد واجه موقف مشابه؟

[aymanshebl]

احمد ربنا ان الموتور ما بظش

[Moratoz]

ممكن يكون غطاء القربه فيه مشكله

[KiaSoul]

بصوا يا جماعة،
الحمد لله الماتور اتلحق ستر من ربنا
باختصار:
روحت مركز الصيانة قالولي مفيش كشف على مياة الردياتير في الـ70.000
الكشف في الـ40.000 والـ80.000 (حد يرد لو سمحتوا)

بعد الكشف 4 ساعات على العربية بلغوني ان كل حاجة تمام بس المشكلة في جوان الماتور!
والتكلفة المبدئية 7500 جنيه

أخدت العربية وطلعت على الحرفيين
بصوا على الردياتير تمام التمام مفيش تسريب
بصوا على غطا الردياتير تمام، القربة تمام وفكوها وعملوا عليها كبس تمام التمام
كل الخراطيم تمام التمام
الجوان قالي تمام، قولتلوا تماما ازااااااااااااي متأكد؟؟
فك الكهربا بتاعة الجوان من الموتور وفتح غطاء الردياتير وقالي دور، دورت العربية مادارتش!
قالي لو العيب في الجوان كانت المية بتاعة الردياتير نطت في وشي
قالي السير اللي اتغير في الصيانة مرخي شوية مش مشدود صح، ده ممكن يكون السبب

لكن قعد يفحص ويفحص، وبعدين قالي خلاص عرفت السبب ان شاء الله؟
قولتله خير يا باشمهندس؟
قالي بص، خرطوم التكييف "السخن" بيسرب خفيف، داس عليه مية خضرا نقطت منه، قالي هو ده السبب

ركبه كويس وقالي يومين وبص على المية وطمني
قولتله عاوز كام يا باشمهندس؟، قالي 25 جنيه :d


ويومين وحقولكم النتيجة

[ahmedsrs]

بصوا يا جماعة،
الحمد لله الماتور اتلحق ستر من ربنا
باختصار:
روحت مركز الصيانة قالولي مفيش كشف على مياة الردياتير في الـ70.000
الكشف في الـ40.000 والـ80.000 (حد يرد لو سمحتوا)

بعد الكشف 4 ساعات على العربية بلغوني ان كل حاجة تمام بس المشكلة في جوان الماتور!
والتكلفة المبدئية 7500 جنيه

أخدت العربية وطلعت على الحرفيين
بصوا على الردياتير تمام التمام مفيش تسريب
بصوا على غطا الردياتير تمام، القربة تمام وفكوها وعملوا عليها كبس تمام التمام
كل الخراطيم تمام التمام
الجوان قالي تمام، قولتلوا تماما ازااااااااااااي متأكد؟؟
فك الكهربا بتاعة الجوان من الموتور وفتح غطاء الردياتير وقالي دور، دورت العربية مادارتش!
قالي لو العيب في الجوان كانت المية بتاعة الردياتير نطت في وشي
قالي السير اللي اتغير في الصيانة مرخي شوية مش مشدود صح، ده ممكن يكون السبب

لكن قعد يفحص ويفحص، وبعدين قالي خلاص عرفت السبب ان شاء الله؟
قولتله خير يا باشمهندس؟
قالي بص، خرطوم التكييف "السخن" بيسرب خفيف، داس عليه مية خضرا نقطت منه، قالي هو ده السبب

ركبه كويس وقالي يومين وبص على المية وطمني
قولتله عاوز كام يا باشمهندس؟، قالي 25 جنيه :d


ويومين وحقولكم النتيجة

حضرتك تقصد الخرطوم الى داخل فى كوويل الدفاية الى موجود فى صالون العربية

[KiaSoul]

تقريبا لأنه سألني في مية جوة العربية قولتله لأ
هو الخرطوم الخاص بالهواء السخن في التكييف
ده اللي فهمته منه

[ossoudi]

ممكن يا باشا تقولي تجربتك مع السول لانى بفكر اغير وبصراحه هى عجبانى

[KiaSoul]

هي الصراحة رائعة لما كانت بـ125 الف يوم ماجبتها
أعلى فئة توكيل فتحة سقف 2010

النهاردة وهي بـ170 ألف وبتوصل 210 الف
يبقى اشتري مرسيدي b160
:d

[KiaSoul]

هي الصراحة رائعة لما كانت بـ125 الف يوم ماجبتها
أعلى فئة توكيل فتحة سقف 2010

النهاردة وهي بـ170 ألف وبتوصل 210 الف
يبقى اشتري مرسيدي b160
:d

[ossoudi]

تسلم يا باشا على سرعه الرد

[magedomran]

هي الصراحة رائعة لما كانت بـ125 الف يوم ماجبتها
أعلى فئة توكيل فتحة سقف 2010

النهاردة وهي بـ170 ألف وبتوصل 210 الف
يبقى اشتري مرسيدي b160
:d

كلامك صح فعلا اسعار كل العربيات دلوقتى مبالغ فيها جدا جدا
يعنى ادفع 190 الف فى سيراتو
حسبى الله ونعم الوكيل