كارينز 2014 بجد معكننة عليه

[gs9miller]

Air bag coil

[م.محمد مختار]

ما هما كشفوا على العلبة في التوكيل وقالولي سليمة ، ما هو ده اللي هيجنني

يا باشا متبقاش طيب ومسالم كده.. التوكيل بيبقى عاوز يريح دماغه أو يوفر على نفسه فلوس فساعات بيستهبلوا ويقول لك مافيهاش حاجة.
انت لازم تتنح معاهم وماتمشيش غير لما الصوت يروح وتفهمهم انك مش هتقبل بكل اشي كان لأنهم بيلعبوا على ان المصريين بتوع مشي حالك وأهي ماشية ، ده مجرد صوت ، ايه الدلع ده .. وكده يعني.
حسسهم انك مش هتسكت وانك من النوع اللي بياخد حقه بأي طريقة.
عندها ستفاجأ بأن العيوب اللي مكانتش موجودة أصلاً اتصلحت.

وماتدفعش مليم في العربية طول ما هي في الضمان.!!!!

[houseiny]

هاروح بكرة واشوف انا والله زهقت ، ومهندسين التوكيل كلهم حمير والله ما فاهمين اي حاجة ، كلهم مهندسين لو مؤاخذة شرابات شغالين مهندسين على متفرج ، والصنايعية بتفهم اكتر منهم

[devil_storm]

انا كان عندي مشكله في قطمه دركسيون الالنترا و اتغيرت في الضمان، الاعراض صوت خبط حديد في بعض لما بلف و امشي علي مطبات ذي مثلا لمل تلف وتعدي علي قضبان الترماي كنت بسمع صوت خبط حديد بيخبط في بعض.

حضرتك بتقول الصوت بيظهر و انت واقف يبقي اكيد مش قطمه الدركسيون لان القطمه لما كانت بايظه عندي عمرها ما عملت صوت و انا بلف الدركسيون و العربيه واقفه، الصوت كان بيظهر لما اعدي علي مطبات و انا بلف و العربيه ماشيه

[houseiny]

روحت النهاردة توكيا كيا اللي عند مرور البساتين ، التابع لتريبل إيه ، واليكم الاحداث
وصلت الساعة 9 ونص استلمها مني المهندس وعمل امر شغل
فضلت مرمية اكتر من 4 ساعات عشان النور كل شوية يقطع
اشتغلوا فيها الساعة 2 ونص
فكوا العفشة كلها بالجانبين وكشفوا عليه حتة حتة ولقوا العفشة كلها زي الفل
شحموا البطاحات وركبوا تاني ن الصوت زي ما هو
فكوها تاني وشيكوا على القطمة والعلبة لقوهم زي الفل
الراجل اللي ماسك الورشة خلاني اجرب وهو نايم تحت العربية كل اما الف الدركسيون يمين او شمال المساعد ينزل رمل
امسك يا حاج هو ده اللي بيطقطق - قالي هو ده اللي بيطقطق
فكوا العفشة تالت ونضفوا الجنبين ونزلوا لرمل اللي فيهم ونضفوهم
جرب نجرب - الدنيا تمام تمام
قفل قفلنا - ادفع الفلوس عشان ده مش عيب ضمان - كام يا عم 150 جنيه فك وتركيب وتشحيم وتربيط
كانت الساعة بقت 4 ونص
طلغت علي اول الشارع - شيء الاهي قالي جرب المساحات - الاقيم مش راكبين صح وبتمسك في بعضها
لفيت ورجعت تاني - فك يا بني - ظبطهم كان في ريشة اتكسرت غيروها على حسابهم
قفل جرب نجرب - لاقيت الريشة بتاعت المساحة متوصلش لحد الاخر بتقف لحد تلتين الازاز
فك تاني يابني - فكها - زبطها - تمام - تمام - سلام عليكم
انا ماشي من عندهم العربية زي الزفت - قولت اروح اغسل العربية غسلتها شاسيه وبودي وصالون والدنيا زي الفل والعفشة ناعمة والدنيا تمام
وصلت منطقتنا - اجرب تاني - الصوت رجع بس بنسبة 50 % اقل من الاول
انا اتشليت

[houseiny]

معلش سؤال فرض نفسه انا اسف يعني ، هو اللي يخلي المساعد يحوش رمل - هو اصلا محطوط في كاوتشة مزيكا كده - مش عارف بقى إيه اللي بيخلي الرمل يدخله

[sadko18]

روح يا باشا في توكيل كيا ابو رواش اتخل مكتب الدعم الفني اسأل عنه هو فيين هتلاأيي واحد كوري جو اسمة مستر شاا راجل كفائه ده كان ملاذي الأخير في عربيتى للعلم هو لا يتكلم الا الأنجليزيه فقط واحكيلو الحصل وأولو دنا جيت قبل كده ومعرفوش العيب فين وانشاء الله هيجد الحل وهتدعيلي ملحوظه هو مبيجيش كل الايام هو بيتنطط من فرع لفرع بس الفرع الأساسي البعض فيه ابو رواش بالتوفيق

[magedomran]

الله يكون فى عونك بصراحه

[houseiny]

انا متشكر ليكوا كلكوا يا جماعة لاهتمامكم ، ، الحمد لله الموضوع طلع بسيط بعد ما طلع عيني و اتحل على ايد واحد بتاع زوايا كنت اعرفه من زمان في مدينة السلام في محطة وطنية اول طريق بلبيس ، في كاوتشة راكبة على المساعد اسمها كاوتشة تراب ، مكنتش راكبة مكانها كويس، ليه 4 افايز في المساعد بتتشبك فيهم ، كنت مخلوعة من مكانها وبتلم رمل بيجي تحت السوستة بتحك في كوباية المساعد والرمل اللي بيعمل الصوت ده ، نضفها كويس وغسلها بالجاز ، وبعدين بالمية ، وركبها كويس وبعد كده قفلها بافيز بلاستيك الدنيا اتظبطت الحمد لله ، الف شكر لحضرتكم ، والله يخربيتك يا بمشمهندس يا بتاع كيا ابو رواش ، مينفعش اقول بشمهندس ، ده ينفع يتقال عليه كفتجي ، بصمجي ، زفتجي ، اي حاجة معفنة ، هو اللي قالي عايزة بطاحات ولبسني في الف جنيه بالاونطة ، وعيشني في دربكة لمدة شهر ، منجيلكوش في حاجة وحشة ولا في طقطقة مجهولة المصدر ، معلش انا طولت عليكم وكنت بقولكم على كل حاجة بالتفصيل عشان لو حد واجهته المشكلة يكون عارف الحل

[houseiny]

اه صحيح التكلفة كانت كالاتي : 11 جنيه غسيل شاسيه ، وعشرة جنيه اكرامية للعسكري عشان الراجل بصراحة راح صحاه من النوم وجه غسلها ، وانا اديت الراجل 30 جنيه ومكنش عايز ياخد مليم ، وقالي انا معملتش حاجة ، الراجل ده اسمه عم صبري ، هو تبع الشركة الوطنية للخدمات ، وكان شغال في خط تجميع جيب لمدة 15 سنة ، وعفريت عفشة، التكلفة كلها 50 جنيه ، مش ابن ال ....... ولا بلاش اللي دفعني الف جنيه ، والله كلهم مهندسين على ماتفرج ، واللي يدور عليه يلاقيه معاه دبلوم نسيج واشتغل واسطة

[ashouhdy]

ههههههه

الحمد لله قدر ولطف

[3abdo]

دي كبالن يا بشا

[houseiny]

اعتقد ان هذا موضوع عادي في الكيا لأن أنا معايا كيا سيراتو موديل 2011 خليجي أيضاً وعندي نفس الطقطقطة دي وروحت التوكيل وروحت لأكثر من مكان وقالوا لي ان هذا طبيعي في الكيا
ولكن لي سؤال للمختصين في الكارينز انا ناوي اشتري كارينز خليجي 2015 كامله والزجاج فيها ملون لي سؤالين هنا بخصوص هذا الموديل بالتحديد :
1- هل الزجاج الملون النازل مع العربية أصلاً يوجد فيه مشكلة في المرور
2- سمعت أن الكاوتش بتاع الكارينز 2015 كاوتش سيء جدا ًفي المطبات
ولكم الشكر والتقدير على سرعة الرد لأني ناوي اشتريها في شهر فبراير

باشا مافيش مشكلة في الزجاج عادي جداً ، الكاوتش عادي زيه زي اي كاوتش ، لما يستهلك ان شاء الله غير لبريدجستون وهتلاقي الدنيا تمام ، وربنا يكتبلك اللي فيه الخير

[kia carens]

شبرا الخيمه

ياباشا بعد ال 100 بتحس برعشه كده للو بتحس برعشه ده بيبقي ترصيص والحدف ده ظبط زوايا فا العربيه ثابته جدا