تغيير كاوتش بسبب البلالين

[الجنرال]

السلام عليكم ورحمة الله وبركاته

اولا حسبي الله ونعم الوكيل في كل واحد فاسد ومش شايف شغله وخصوصا من المسئولين عن الطرق .. والله العظيم حرام الطرق الزبالة اللى احنا بنمشي عليها .. ربنا ينتقم من كل واحد عمل الطرق دي من غير ضمير

كنت خارج من بنزينه موبيل اللى على المحور (بعد اركان) وماشي طبعا فى البطئ ناحية ميدان جهينة .. ولان اسمه المحور ولانه طريق مفتوح .. فانا ماشي بسرعة ومش متوقع ابدا اني الاقي حفرة فى الارض عرضها حوالي 30 سم وعميقة جدا !!!!

للاسف اخدتها بالكاوتش اليمين (الامامي والخلفي) ومن شدة الصوت مراتي صوتت !!

المهم الخساير حتى الان هو الكاوتش الامامي .. ظهرت فيه بلونه بسبب الحفرة (ربنا ينتقم من اللى عملها واللى سابها)

عايز استشيركم:
1- العربية سيراتو 2014 والكاوتش عامل 13 الف كيلو .. هل في خطورة اكمل عليه مع وجود البلالين؟
2- بسبب السعر الغالي للكاوتش (كونتيننتال) فانا بفكر انزل الاستبن مكانه واخلي كاوتش البلالين كاستبن .. ايه رأيكوا؟
3- حد يعرف الكاوتش ده بكام؟؟ هو مقاس 16 (للاسف معرفش باقي المقاسات)
4- هل لو ركبت نوع تاني غير كونتيننتال هيبقى فى مشكلة؟

وحسبي الله ونعم الوكيل

[Super_Star_h]

قدر الله وما شاء فعل
انقلها خليها ورا عادى البلد كلها ماشيه ببلونات فى كوتشها
لو خايف خليها استبن
متركبش نوع تانى لان النقشه هتختلف لازم يكون الاربع فرد نقشه واحده

[Hosam_Optrawy]

ربنا يعوض عليك ياباشا فعلا الطرق أقل مايقال عنها إنها زباله وغير آدميه

نزل الإستبن عشان يبقى الطقم كله نفس النوع والنقشه , وهات فرده جديده أي نوع كورى حطها إستبن

المقاس 205/55/16 هايعمل في حدود 500 جنيه والله أعلم

خلى بالك بعد كدا :)

فداك وماتضايقش نفسك

[hesham fawzy h]

بلاش تمشى ببلالييين علشان تبقى مستريح نفسيا و انت ماشى .. وبعدييين دى خطر جدا ممكن يفرقع فى اى وقت

[shiko85]

السلام عليكم ورحمة الله وبركاته
وعليكم السلام ورحمة الله وبركاته
كنت خارج من بنزينه موبيل اللى على المحور (بعد اركان) وماشي طبعا فى البطئ ناحية ميدان جهينة .. ولان اسمه المحور ولانه طريق مفتوح .. فانا ماشي بسرعة ومش متوقع ابدا اني الاقي حفرة فى الارض عرضها حوالي 30 سم وعميقة جدا !!!!
المهم الخساير حتى الان هو الكاوتش الامامي .. ظهرت فيه بلونه بسبب الحفرة (ربنا ينتقم من اللى عملها واللى سابها)

عايز استشيركم:
- العربية سيراتو 2014 والكاوتش عامل 13 الف كيلو .. هل في خطورة اكمل عليه مع وجود البلالين؟
البالونه خطورتها انها هتكون سبب فأنفجار الكاوتش لانها جزء من الكاوتش بقى اقل كثافه و قوه من باقى الأجزاء التانيه فمع السرعه او ارتفاع درجه الحراره او مطب او حفره تانى احتمال حدوث انفجار وارد جدا و الخسائر هتكون كبيره
انا حصل معايا نفس الموقف تقريبا بكاوتش عامل اقل من 500 كم و غيرت الفرده اللى فيها بالونه
- بسبب السعر الغالي للكاوتش (كونتيننتال) فانا بفكر انزل الاستبن مكانه واخلي كاوتش البلالين كاستبن .. ايه رأيكوا؟
نزل الأستبن و اشترى فرده ارخص شويه و خليها هى اللى استين و انسى اللى فيها البلالين خالص لانك لو احتاجت فيوم الأستبن و استخدمته و هو فيه بالونه يبقى خطر الأنفجار لسه موجود
- هل لو ركبت نوع تاني غير كونتيننتال هيبقى فى مشكلة؟
لو هتغير الطقم كامل مفيش مشاكل لكن فرده واحده بس نقشه الكاوتش هتختلف
اشترى واحده و خليها استبن علشان يبقى الـ 4 نفس النقشه
وحسبي الله ونعم الوكيل

[Moratoz]

قدر الله وما شاء فعل
وبعدين مستقبلا لما تيجي تغير الكاوتش منتجبش كونتنتال لأن جنابه فعلا ضعيفه وبتعمل بلالين أكثر من الانواع الاخري

[monamize4]

السلام عليكم ورحمة الله وبركاته
و عليكم السلام و رحمة الله و بركاته

عايز استشيركم:
1- العربية سيراتو 2014 والكاوتش عامل 13 الف كيلو .. هل في خطورة اكمل عليه مع وجود البلالين؟
اه طبعا ,,,,,http://www.nilemotors.net/Nile/3875332608-post5.html


2- بسبب السعر الغالي للكاوتش (كونتيننتال) فانا بفكر انزل الاستبن مكانه واخلي كاوتش البلالين كاستبن .. ايه رأيكوا؟
الفردة اللى فيها بالونه ماتنفعش تانى حتى لو استبن لانك ممكن تحتاج الاستبن و انت مسافر

3- حد يعرف الكاوتش ده بكام؟؟ هو مقاس 16 (للاسف معرفش باقي المقاسات)
atmi ,, انها ف حدود 600 جنيه ,, مش متاكد الصراحة

4- هل لو ركبت نوع تاني غير كونتيننتال هيبقى فى مشكلة؟
الموضوع دا فيه كلام كتييييييييييير بس عشان ماندخلش ف موضوعات جانبية
حاول على الاقل ان يكون كل axis عليه كاوتشين من نفس النوع
و لو الماديات ماتسحملش الا شراء فردة واحدة فقط ,, يبقى لازم تكون نفس المقاس بالظبط
و حاول انها تكون قريبة من الباقين ف ال tread pattern و ف باقى ال specs
زى ال tread wear و ال traction و ال speed rating

و مفيش كلام ان احسن حاجة الاربع كاوتشات يكونوا identical
لكن دا صعب شوية ف مصر

وحسبي الله ونعم الوكيل

[hany63]

نزل الاستبن و حطه ورا و اللي هتطلع خليها مكان العجله اللي باظت قدام
عشان يكون قدام نفس الاستهلاك و ما يحصلش برجله
و خلي البايظه استبن و شيل الموضوع من دماغك و ياما عربيات عمر الاستبن مانزل الارض

[alaa99991111]

لا تخاطر بارك الله فيك و اطال عمرك و غيرها فورا
ممكن تحط الاستبن و تشتري اي نوع و تخليه مكان الاستبن
و مينفعش تغير فردة واحدة لو حتركبها لازم يبقي فردتين في نفس الاكس

[الجنرال]

جزاكم الله خيرا على المشاركة والردود والنصايح

انا ان شاء الله هعمل زي ما قلتو فعلا

هنزل الاستبن وابدلها باللى باظت .. وهخليها مؤقتا استبن لحد لما ربنا يفرجها واغيرها

ربنا ربنا يكرمكوا ويحفظكوا من كل سوء .. وشكرا مرة اخرى على النصايح والردود

الله المستعان

[الجنرال]

معلش سؤال تاني .. هل لو حطيت الفردة اللى فيها البلالين في الاستبن .. هل ممكن تنفجر وهي جوه العربية؟ اولا هي نيتروجين .. وثانيا الحر اللى احنا فيه ده هل ممكن يخلينا تنفجر وهي فى الشنطة استبن؟

شكرا على الرد مرة اخرى

[hesham fawzy h]

معلش سؤال تاني .. هل لو حطيت الفردة اللى فيها البلالين في الاستبن .. هل ممكن تنفجر وهي جوه العربية؟ اولا هي نيتروجين .. وثانيا الحر اللى احنا فيه ده هل ممكن يخلينا تنفجر وهي فى الشنطة استبن؟

شكرا على الرد مرة اخرى

معتقدش دة ممكن يحصل باذن الله

[monamize4]

معلش سؤال تاني .. هل لو حطيت الفردة اللى فيها البلالين في الاستبن .. هل ممكن تنفجر وهي جوه العربية؟
اولا هي نيتروجين .. وثانيا الحر اللى احنا فيه ده هل ممكن يخلينا تنفجر وهي فى الشنطة استبن؟

شكرا على الرد مرة اخرى

متقلقش ياباشا مش هتنفجر ,, باذن الله طبعا

لان الhot weather مالوش significant effect على الهوا اللى جوا الاطار
ماتنساش ان الكاوتش اصلا rubber

حاجة تانية ,, لما الفردة تتحط استبن مش هيبقى فى load على البالونة زى ماتكون راكبة
ف العربية و عليها load من وزن العربية

[الجنرال]

طيب خير الحمد لله طمنتوني ..شكرا يا جماعة مرة تانية على الرد :)

[الجنرال]

يا شباب معلش تعبتكوا معايا :)

دلوقتى انا نزلت الاستبن وركبته مكان الفردة اللى جابت بلالين .. امامي يمين

لما بمشي بالعربية وافرمل .. الاقي العربية حدفت يمين .. وعلشان تفرمل في طريق مستقيم بضطر الف الدريكسيون شمال والا هخبط فى اللى جنبي

هل ده بسبب ان الكاوتش اليمين جديد؟؟ ولا في مشكلة فى الفرامل ولا العفشة؟؟

انا قلقان من ساعة الحفرة واي صوت بسمعه ببقى خايف لحسن يكون في حاجة اتكسرت وانا معرفش

ياريت تفيدوني