كيا كارينز تسخن وهي واقفه ولما امشي بيها الحرارة تنزل !!! ارجو المساعده من اهل الخبرة

[engahmedetman@]

السلام عليكم ورحمة الله وبركاته

ارجو من اهل الخبرة المساعدة لدي سيارة كيا كارينز 2011 ولما باشغل العربية وهي واقفه او في الزحمة الاقي مؤشر الحرارة يعلى جدا ولما امشي بالعربية بسرعه الحرارة تنزل للربع تقريبا مع العلم
المروحة شغاله والمياه مش بتنقص من الريداتير ؟؟؟؟؟؟؟

ارجوكم المساعده

[Salamonti]

معرفش السبب إيه الحقيقة
بس بما انك اتبعت خطوات الكشف المبدئي على مكونات نظام التبريد فيجب عليك بالمرة تكشف على ترموستات الكوعة ممكن يكون بيعلق..
ممكن برضه يكون الريداتير عليه طبقة سميكة من الأتربة والطين ومحتاج يتنضف..
ممكن تكون المروحة شغالة سرعة واحدة مش سرعتين..
ممكن يكون ترموستات المروحة بيعلق..
اكشف على كل حاجة بتأني وان شاء الله توصل للسبب :)

[Khaled_Nowaihy]

المفروض ان الوضع الطبيعى لمؤشر الحرارة فى الكارينز عند النص تقريباً
وحضرتك بتقول انه بينزل للربع
يبقى مافيش مشكلة ان شاء الله

هو مؤشر الحرارة بيوصل للمنطقة الحمراء ؟؟؟؟

[kokowasfy]

ترموستات الكوعة بلا شك بيعلق الحقو قبل ما يعلق على وضع القفل و العربية تسخن منك جامد و متشلوش غيرة بواحد اصلى

[hesham fawzy h]

متابع

[engahmedetman@]

معرفش السبب إيه الحقيقة
بس بما انك اتبعت خطوات الكشف المبدئي على مكونات نظام التبريد فيجب عليك بالمرة تكشف على ترموستات الكوعة ممكن يكون بيعلق..
ممكن برضه يكون الريداتير عليه طبقة سميكة من الأتربة والطين ومحتاج يتنضف..
ممكن تكون المروحة شغالة سرعة واحدة مش سرعتين..
ممكن يكون ترموستات المروحة بيعلق..
اكشف على كل حاجة بتأني وان شاء الله توصل للسبب :)

انا روحت لميكانيكي قالي المشكلة في الترموستات وشاله خالص من العربية وبعد يومين المشكلة لقيتها تاني وما اتحلتش ؟؟؟

[engahmedetman@]

المفروض ان الوضع الطبيعى لمؤشر الحرارة فى الكارينز عند النص تقريباً
وحضرتك بتقول انه بينزل للربع
يبقى مافيش مشكلة ان شاء الله

هو مؤشر الحرارة بيوصل للمنطقة الحمراء ؟؟؟؟

ايوه انا معاك بس المشكلة لما باكون واقف في زحمة ولا حاجه والعربيه دايره بتسخن لحد ما تقرب من المنطقة الحمراء بابطل العربية فتره لحد ما تنزل

[engahmedetman@]

ترموستات الكوعة بلا شك بيعلق الحقو قبل ما يعلق على وضع القفل و العربية تسخن منك جامد و متشلوش غيرة بواحد اصلى

طيب الاصلي ده من التوكيل ولا اروح التوفيقية ؟؟؟ ياريت تفيدني لان دي اول مره اقع في المشاكل دي !!!

[Sherif Nader]

المروحة شغاله والمياه مش بتنقص من الريداتير ؟؟؟؟؟؟؟

:copy of majd(4):

المياه مش بتنقص من الريدياتير ولا القربة؟؟

لو بتكلم عن القربة، وفيه غطاء منفصل للريدياتير (انا مش عارف الكارينز 2011 فيها غطاء منفصل ولا لأ) انصحك انك تفحص المياه بتاعة الردياتير مش القربة

[Abo_Mazen]

انا روحت لميكانيكي قالي المشكلة في الترموستات وشاله خالص من العربية وبعد يومين المشكلة لقيتها تاني وما اتحلتش ؟؟؟

يعني هو شال الثرموستات المشكله إتحلت يومين ورجعت تاني ..يبقى هي في اليومين دول متحلتش ..هي إتحلت جزئيا ..الثرموستات كان جزء من المشكله ..ولسه في جزء تاني ما تحلش ..ممكن تكون ريش الريداتير فيها تراب وغبار وعايزه تنضيف ..كمل حل المشكله لإن لسه ليها باقي

[spidars]

سلك الرديتببر ورجع الثرموثتات

[elokle]

سخونه العربيه اسبابها :-
- ثرموستات الكوعه بايظ
- طلمبه المياه (افتح غطاء القربه الصب ودور العربيه شويه وشوف لو المياه بتتحرك جو القربه تبقي الطلمبه سليمه)
- غطاء الردياتير او القربه بينفس (لما العربيه تسخن هتلاقي حواليهم مياه بسيطه قوي)
- الردياتير بينفس او مكتوم (كشف عند بتاع ردياتير)
- الشكمان مكتوم (بنعمل خرم بمسمار في العلبه الخلفيه لو ظبطت تبقي العلبه بايظه)
حاول تاخد الاحتمالات واحده واحده وان شاء الله تعرف السبب

[pepo2004_81]

المشكله دى مشكله ترموستات كوعه