***((( محتاج اكسسوارات سيراتو في اسكندرية )))***

[mr.moustafa]

السلام عليكم ورحمة الله وبركاته

أرجو المساعدة من أعضاء اسكندرية
أنا محتاج كسوة للكراسي تفصيل أو جاهز للسيراتو مخصوص نفس المقاس بدون دبابيس
كمان محتاج اركب شاشة صغيرة بكاميرا خلفية وايرلس

@ أرجو اللي يعرف أي محل عنده الحاجات ديه يقوللي فين مكانه

[Dr . Mohamed]

أنا ركبت فرش جاهز اشتريته بحوالى 950 جنية خامه كويسة
و التركيب 300 جنية و الأرضية بـ 450 جنية
و لو عايزنى اصوره لحضرتك مفيش مشاكل بكرة بإذن الله أصورة لحضرتك

[mr.moustafa]

الفرش ده اتركب بدبابيس ؟؟؟؟

[Dr . Mohamed]

معلش مش فاهم يعنى ايه ؟؟

[mr.moustafa]

هاقول لحضرتك
الفرش الجاهز مش بيبقى مقاس الكراسي بالضبط. بيبقى استاندرد للسيارات السيدان.
علشان كده السروجي لما بيركبه بيظبطه بدبابيس حديد من تحت الكرسي علشان يلم الطول الزائد.
الفرش المخصص بقى بييقى تلبيسة للكراسي بالضبط بنفس المقاس و الشكل و بيتقفل من تحت الكرسي باسكوتش اللي بيلزق او حزام من غير دبابيس خالص زي التفصيل كده

[Dr . Mohamed]

اعتقد استخدم دبابيس حديد فعلاً
لكن الفرش انا واثق انه أصلى دا محفور عليه كلمة Kia Cerato و انا شفت الاصلى و التقليد
و الفرش مقاس العربية بس هو بيشد الفرش جامد بالدبابيس علشان ياخد شكل الكرسى بالضبط زى المصنع
و الله أعلم

[mr.moustafa]

هو اكيد خامة محترمة بدليل سعره العالي . ما شاء الله
بس انا مش عايز اخرم الفرش الاصلي بدبابيس ﻷن عندي أطفال و بحتاج اغير فرش كل سنة فالتخريم الكتير هايبوظ الفرش الفابريكة

[Dr . Mohamed]

اها تمام
بس التخريم بيكون من تحت مش فى الفرش نفسة مش فى القماش اقصد فى منطقة كدا كلها سفنج
على العموم ان شاء الله الاخوه يردوا عليك لو حد عنده تجربة بإذن الله يفيدك

[mr.moustafa]

جزاك الله خيراً يا دكتور
طيب بالنسبة للشاشة و الكاميرا الخلفية. فيه اي اقتراح ؟؟

[Dr . Mohamed]

جزاك الله خيراً يا دكتور
طيب بالنسبة للشاشة و الكاميرا الخلفية. فيه اي اقتراح ؟؟

و الله أنا متابع الموضوع لانى محتاج اركب كاميرا و لا سينسور
لان العربية صعبة فى الركن فى الاماكن الضيقة

[mse920]

أنا مركب فرش جلد تفصيل عند جينز كار وأرضيه بصراحه تحفه كل اللي يشوفه بيقول عليه فبريكه صعب جدا تتطلع فيه غلطه
هو غالي شويه 2600 بس أنا شايف إنو يستاهل وكان فيه خامات أقل وخامتين أعلي
أنا مختار خامه نفس اللي فى المسند اللي فى الباب وكمان مع الخياطه الدبل حكايه
إتلسعت فى الفلوس بس مش ندمان