بخصوص كيا سيراتو sx fo 2015

[echo7]

الفئه دي عجباني وممكن اقسط و اجبها .بس ياتري السيراتو تستاهل المبلغ ده ؟ انا متردد سعرها دلوقتي 185 الف وده مبلغ مش بسيط. ياريت تنصحوني. العربيه فيها كل الكمالايات الي انا عاوزها, يعني من الاخر مش حعمل فيها حاجه تاني

[2CODE]

عربية محدش اشتكى منها لغاية دلوقتي من ساعة ما طلعت فأكيد هتعجبك ان شاء الله ومبروك عليك مقدماً

[echo7]

مستني اسمع اراء تانيه المبلغ كبيروعاوز اخد قرار مندمش عليه انا لغيت فكره المستعمل من حسباتي و عاوز اجيب عربيه تقعد معايا فتره

[aymn6666]

انا شايف انها كويسه جدا
شكل لسه الجديد ...الكروز خلاص شكلها حيتغير
والالنترا كمان
حاجتها بقت موجوده استعمال وده حيقلل سعر قطع الغيار ليها
حتاخد اوبشن حلو
بس للامانه المنافس ليها
التويوتا كرولا ..لان وسائل الامان فيها اكتر
ابقي بص برضو علي التويوتا وقارن بينهم
واختار

[echo7]

انا شايف انها كويسه جدا
شكل لسه الجديد ...الكروز خلاص شكلها حيتغير
والالنترا كمان
حاجتها بقت موجوده استعمال وده حيقلل سعر قطع الغيار ليها
حتاخد اوبشن حلو
بس للامانه المنافس ليها
التويوتا كرولا ..لان وسائل الامان فيها اكتر
ابقي بص برضو علي التويوتا وقارن بينهم
واختار

الكورلا الجديده مشكلتها الاساسيه معايا ان شكلها من الداخل مش عاجبني غير ان مفيش منها تقسيط لانها بالحجز والاستلام بعد شهرين ده غير ان التقفيل تركي

[Mohamedjetta]

الكورلا الجديده مشكلتها الاساسيه معايا ان شكلها من الداخل مش عاجبني غير ان مفيش منها تقسيط لانها بالحجز والاستلام بعد شهرين ده غير ان التقفيل تركي

بلاش كورولا حضرتك لان بعض ملاكها بيقولو فيه اصوات تزييق .. شكل التقفيل التركي مأثر فعلا

[Mohamedjetta]

مستني اسمع اراء تانيه المبلغ كبيروعاوز اخد قرار مندمش عليه انا لغيت فكره المستعمل من حسباتي و عاوز اجيب عربيه تقعد معايا فتره

حسب متطلباتك لعربيه يعني عندك السيراتو مفهاش ولا عيب جامد وعيبها الوحيد ان بعض ملاكها لاحظو سخونه عند الدواسات وحلوها عن طريق عزلها
اللي هكتبه يعتبر ملخص العربيه من حيث:
1- الثبات: كويس مش وحش ولا حلو
2- العزل: حلو او تقدر تقول جيد
3- الكماليات: دي اكتر ميزه في السيراتو :d
4- التسارع: مواتير كيا وهيونداي معروفه بجبروتها :)
اعتماديه: كويسه وهتقعد معاك من 6-9 سنين
شكل : روعه واكتر من تحفه .... انا لما بشوف العربيه دي قدامي بقعد امشي وراها بعربيتي الالنترا واقعد ابص لعربيتي بقرف وبقولها شايفه العربيات

حضرتك لو من النوع اللي بتحب الجري ممكن تبص بصه علي الاوكتافيا الفئه اللي بين الاولي والتانيه ودي زياده عن الاولي حساسات وشاشه وجنوط
عيب الاوكتافيا ان فيه صوت خبط من ورا و فيه صوت هوا بيدخل العربيه
تحياتي ليك والسيراتو اختيار موفق جدا وشوف المقارنه اللي عملتهالك .... معلش ده اللي قدرت اقدمه ليك

[shifoo68]

مستني اسمع اراء تانيه المبلغ كبيروعاوز اخد قرار مندمش عليه انا لغيت فكره المستعمل من حسباتي و عاوز اجيب عربيه تقعد معايا فتره

انا برضة بفكر فيها وعجبانى قوى بسسسس كل لما انوى التوكيل يغلى العربية وبصراحة حرام 185000 او اللى بعديها 194000 فى عربية كورى لانى بحس الكورى يجيبك اوبشن فقط لكن ثبات وامان اقل كتير من الاوربى واليبانى لو بتكلم فى المبلغ فكر فى اوكتافيا اول فئة عربية امان وثبات منقطع النظير وفخامة وشيك ,,,,خلى بالك قطع غيار السيراتو الجديدة والكورى عموما نارررر مولعة واسال علشان تتاكد

[spidars]

يادي الناس الي عندها عقده الكوري دلوقتي الكوري والياباني اخوات الفرق في الاروبي

[Hunting_Eagle]

العربية جميلة

توكل على الله

[ezzzzo1983]

بص انا جبتها وكيل وبعتها لقله الكماليات وبعدين جبتها خليجي فيها كل اللي تتمنااه وزياده عن ال sx fo
وبعتها باردو وجبت ريو لأني اتصدمت لما سوقتها من واحد صاحبي لقتها زي السيراتو متفرقش حاجه غير الشكل وده ازواق والعفشه لصالح الريو انعم بكتيييير من السيراتو !!!
عموما الجنط ال 17 كرهني في السيراتو والعفشه نوعا مااا بتدب باردو التغير افضل من الشكل اللي فااات
وبصراحه لا هيا ولا تويوتا ولا اغلب العربيات اللي في رنج 170 وانت طالع حتحس انها تستاهل تمنها خلاف الاوروبي اللي من كلام الناس بيتكلموا انه افضل
ربنا يوفقك بس انا رأي عيد الفكر كويس جدا واستخير ربنا لأنك شويه وحتفرح بيها 4 شهووور او 10000 كم وحتبدأ تحس ان الفلوووس ده كانت اولي انها تروح في حاجه افيد وده رايي

[echo7]

بص انا جبتها وكيل وبعتها لقله الكماليات وبعدين جبتها خليجي فيها كل اللي تتمنااه وزياده عن ال sx fo
وبعتها باردو وجبت ريو لأني اتصدمت لما سوقتها من واحد صاحبي لقتها زي السيراتو متفرقش حاجه غير الشكل وده ازواق والعفشه لصالح الريو انعم بكتيييير من السيراتو !!!
عموما الجنط ال 17 كرهني في السيراتو والعفشه نوعا مااا بتدب باردو التغير افضل من الشكل اللي فااات
وبصراحه لا هيا ولا تويوتا ولا اغلب العربيات اللي في رنج 170 وانت طالع حتحس انها تستاهل تمنها خلاف الاوروبي اللي من كلام الناس بيتكلموا انه افضل
ربنا يوفقك بس انا رأي عيد الفكر كويس جدا واستخير ربنا لأنك شويه وحتفرح بيها 4 شهووور او 10000 كم وحتبدأ تحس ان الفلوووس ده كانت اولي انها تروح في حاجه افيد وده رايي

اوروبي ذي ايه غير الشارك و الفلوانس

[Mohamedjetta]

اوروبي ذي ايه غير الشارك و الفلوانس

يا باشا مفيش قدامك الا الاوكتافيا اللي بين الفئه الاولي والتانيه ودي تمنها 196 الف

[echo7]

طيب بتتباع قسط؟ ولو فيه فين في اسكندريه
ايه عيوب السيراتو من وجه نظرك

[echo7]

عموما الجنط ال 17 كرهني في السيراتو

ايه مشكله الجنط ال 17 انا شايف انه بيدي ثبات للعربيه